<p><span style="font-size: 12px; color: #000000;">ក្មេងប្រុសទាំង ១២ នាក់ ដែលត្រូវបានជួយសង្រ្គោះឱ្យចេញពីរូងភ្នំ Tham Luang បានបង្ហាញខ្លួនដោយទឹកមុខស្រស់ស្រាយលើកដំបូង នៅព្រហស្បតិ៍នេះ ដើម្បីចូលរួមពិធីបុណ្យសាសនានានា។</span></p>
<p><span style="color: #000000;">ក្មេងប្រុស ដែលមានអាយុចាប់ពី ១២ ដល់១៦ ឆ្នាំ និងគ្រូបង្វឹករបស់ពួកគេអាយុ ២៥ ឆ្នាំ ត្រូវបានគ្រូពេទ្យអនុញ្ញាតឱ្យចេញពីមន្ទីរពេទ្យមួយ នៅខេត្ដឈៀងរ៉ៃប៉ែកខាងជើង កាលពីថ្ងៃពុធ ហើយក្រោយមកបានបង្ហាញខ្លួនជាសាធារណៈជាលើកដំបូង។</span></p>
<p><span style="color: #000000;">នៅអំឡុងផ្សាយតាមកញ្ចក់ទូរទស្សន៍ជាតិ ពួកគេបានញញឹម កំប្លែងលេង និងបង្ហាញនូវសាមគ្គីភាពចំពោះគ្នាទៅវិញទៅមក ខណៈពេលពួកគេ បានចែករំលែកសេចក្ដីលម្អិតនៃអារម្មណ៍ឈឺចាប់ខ្លោចផ្សា ប៉ះទង្គិច នៅក្នុងរូងភ្នំថាំលួង ដែលជន់លិចដោយជំនន់ទឹកភ្លៀង។</span></p>
<p><span style="color: #000000;"><a class="thickbox" title="" href="/FileManager/Commons/2018/7/19/36-19-07-2018--11-11-07.PNG"><img src="/FileManager/Articles/mce/2018/7/19/36-19-07-2018--11-11-07.PNG" alt="" /></a><br /></span></p>
<p><span style="color: #000000;">សាច់ញាតិ និងមិត្ដភក្ដិ ដែលទន្ទឹងរង់ចាំក្មេងប្រុសទាំងនោះ បានទទួលស្វាគមន៍ពួកគេ ដោយការឱបក្រសោប សម្រក់ទឹកភ្នែក និងញញឹម នៅពេលដែលពួកគេបានត្រឡប់មកវិញ។ កាលពីថ្ងៃព្រហស្បតិ៍ ក្មេងប្រុសមួយចំនួន ក្នុងចំណោមក្មេងប្រុសទាំង ១២ នាក់ បានចូលរួមពិធីបុណ្យសាសនានានា នៅក្នុងវត្ដ Wat Pha That Doi Wao ក្នុងស្រុកម៉ែសាយ ជាវត្ដបុរាណមួយ ដែលហ៊ុំព័ទ្ធដោយទស្សនីយភាពស្រុកស្រែចម្ការ។</span></p>
<p><span style="color: #000000;">អ្នកកាសែត មិនត្រូវបានអនុញ្ញាតឱ្យទៅជិតក្មេងប្រុសទាំងនោះ និងក្រុមគ្រួសាររបស់ពួកគេទេ នៅឯវត្ដនោះ ដើម្បីផ្ដល់ភាពឯកជនឱ្យពួកគេ។ អំឡុងសន្និសីទព័ត៌មាន ផ្សាយតាមកញ្ចក់ទូរទស្សន៍ ក្មេងប្រុសទាំងនោះបាននិយាយថា នៅពេលពួកគេចូលទៅក្នុងរូងភ្នំ កាលពីថ្ងៃទី ២៣ ខែមិថុនា ពួកគេគ្រោងនឹងចូលខាងក្នុងរូងភ្នំត្រឹមរយៈពេលប្រហែលមួយម៉ោងប៉ុណ្ណោះ ក្រោយអនុវត្ដបាល់ទាត់។ ប៉ុន្ដែជាអកុសល ភ្លៀងក៏បង្អុរមក ធ្វើឱ្យជន់លិចផ្លូវរូងភ្នំ ដោយធ្វើឱ្យគេជាប់ក្នុងនោះចេញមិនរួច។ </span></p>
<p><span style="color: #000000;">ក្មេងប្រុសទាំងនោះ អត់អាហារ និងរស់បន្ដជីវិតដោយពឹងលើទឹកប៉ុណ្ណោះ។ ពួកគេ បានប្ដូរវេនគ្នាជីកជញ្ជាំងរូងភ្នំ ដោយក្ដីសង្ឈឹមថា នឹងអាចរកផ្លូវចេញរួចពីរូងភ្នំ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/19/mekongnet-19-07-2018--11-11-19.PNG" alt="" /></a><br /></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ news.com.au</span></p>