<div class="article-content">
<p><span style="color: #000000;"><strong>ភ្នំពេញ ៖</strong> ដោយមើល ឃើញពីភាពឈឺផ្សា របស់ស្រ្តីអាជីវករម្នាក់ នៅផ្សារ ទម្លាប់ ដែលរងគ្រោះ ព្រោះតែការ ជះទឹកអាស៊ីតនោះ កាលពីរសៀលថ្ងៃទី២ ខែមករា ឆ្នាំ២០១៥ កន្លងទៅ អភិបាលខេត្តតាកែវ លោក ឡាយ វណ្ណៈ បានព្រម តាមចាត់វិធានការ យ៉ាងម៉ឺងម៉ាត់ ចំពោះជនបង្កដែល ជះទឹកអាស៊ីត លើស្រ្តីរងគ្រោះ និងកូនស្រី ។</span></p>
<p><span style="color: #000000;">ការបង្ហាញពីចំណាត់ការ ការពារ និង ជួយរកយុត្តិធម៌ជូនពលរដ្ឋ របស់ខ្លួន ខាងលើនេះ បានធ្វើឡើង ខណៈដែល លោកបានអញ្ជើញ ចុះសួរសុខទុក្ខ និងបាននាំយកថវិកា ព្រមទាំងគ្រឿង ឧបភោគ បរិសភោគ មួយចំនួន ជូនជនរងគ្រោះ ដែលកំពុងសំរាកព្យាបាល នៅមន្ទីរពេទ្យ មូលនិធិជនពិការ នៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។</span></p>
<p><span style="color: #000000;">នៅចំពោះមុខស្រ្តីរងគ្រោះ អភិបាល ខេត្តតាកែវវ័យក្មេងរូបនេះ បានមានប្រសាសន៍ ថា លោកនឹងមាន ចំណាត់ការម៉ឺងម៉ាត់ ចំពោះជនបង្កដើម្បីយក មកផ្តន្ទាទោស តាមផ្លូវច្បាប់ ជាធរមាន មិនឲ្យរួចខ្លួននោះទេ ។</span></p>
<p><span style="color: #000000;">អភិបាលខេត្តតាកែវ ក៏បានឧបត្ថម្ភ ថវិកា ២០០ដុល្លារ ថវិការបស់កាកបាទក្រហម៥០ម៉ឺនរៀល ថវិកា ស្នងការនគរបាលខេត្ត ៣០ម៉ឺនរៀល ថវិកា អភិបាល ស្រុកគិរីវង្ស ២០ម៉ឺនរៀល ថវិកាអភិបាល ក្រុងដូនកែវ២០ម៉ឺនរៀល និងត្រីខ៣ឡូ មី២កេះ ទឹកដោះគោ ៣ឡូ មុង ភួយ ព្រមទាំងកន្ទេលផងដែរ។</span></p>
<p><span style="color: #000000;">សូមបញ្ជាក់ថា កាលពីព្រឹកព្រលឹមថ្ងៃទី១៩ ខែវិច្ឆិកា ឆ្នាំ២០១៤ កន្លងទៅ មានករណីជះ ទឹកអាស៊ីត ដ៏សាហាវមួយ បានកើតឡើងនៅក្នុងផ្សារទម្លាប់ ស្ថិតភូមិកំពង់ ឃុំព្រះបាទជាន់ជុំ ស្រុកគីរីវង់ ខេត្តតាកែវ ដែលបង្កឡើង ដោយ ក្រុមគ្រួសារអាជីវករ ៤នាក់ រួមមានឈ្មោះដេង ជាឪពុក ឈ្មោះ អ៊ីស្រី ជាម្តាយ ឈ្មោះមាស ជាបងប្រុស និងឈ្មោះលក្ខិណា ជាជនដៃដល់ ព្រោះតែប្រជែងលក់ដូរ នៅតូបក្បែរគ្នា។</span></p>
<p><span style="color: #000000;">ករណីនេះ បានបង្កឱ្យស្រី្ត មានកូនក្នុងផ្ទៃ២ខែម្នាក់ ឈ្មោះមូល ស្រីមុំ រងរបួសធ្ងន់ ដោយ រលាក ទឹកអាស៊ីត គ្រប់រាងកាយ ហើយកូនស្រីរបស់គាត់ អាយុ ២ឆ្នាំ ម្នាក់ទៀត រងរបួសសើស្បែក នៅពេលដែលទឹក អាស៊ីតខ្ទាតត្រូវ ខណៈកុមារីនោះ ឈរនៅក្បែរម្តាយ។</span></p>
<p><span style="color: #000000;">ដោយឡែកប្តី របស់ជនរងគ្រោះ ក៏ត្រូវ បានបងប្រុសជនដៃដល់ យកដំបងទៅវាយឱ្យរបួសធ្ងន់ផងដែរ ។ បច្ចុប្បន្ន ជនសង្ស័យ២នាក់បងប្អូន បានរត់គេច ចេញពីផ្ទះ របស់ពួកគេ នៅមាន ចម្ងាយ១០០ម៉ែត្រ ពីផ្សារទម្លាប់ ខណៈដែល ឪពុក-ម្តាយ របស់ជនដៃដល់ រស់នៅដូចធម្មតា៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/1/4/pheak-00003-04-01-2015--13-28-06.jpg"><img src="/FileManager/Articles/mce/2015/1/4/pheak-00003-04-01-2015--13-28-06.jpg" alt="" /></a><br /></span></p>
<p style="text-align: center;"><span style="color: #000000;"><strong>អភិបាលខេត្តតាកែវ ចុះសួរសុខទុក្ខ និងនាំយកថវិកា អំណោយ ជូនស្រ្តីរងគ្រោះ</strong></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2015/January/id-007/Pheak-00004.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2015/January/id-007/Pheak-00005.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2015/January/id-007/Pheak-00006.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2015/January/id-007/Pheak-00007.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/November/id-010/chanroth014-nov-249.jpg" alt="" /></span></p>
<p style="text-align: center;"><a class="thickbox" title="" href="/FileManager/Commons/2015/1/4/chanroth014-nov-250-04-01-2015--13-27-57.jpg"><img src="/FileManager/Articles/mce/2015/1/4/chanroth014-nov-250-04-01-2015--13-27-57.jpg" alt="" /></a></p>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>