<p><strong>ភ្នំពេញ</strong> ៖ ស្ដ្រីជាមេតុងទីន ដែលកូនៗ ចោទប្រកាន់ថា មានបំណងឆបោកលុយ របស់ពួកគាត់<br /> ប្រមាណជា ៧០ម៉ឺនដុល្លារ នៅ ក្នុងសង្កាត់ព្រែកថ្មី ខណ្ឌមានជ័យ រាជធានីភ្នំ ពេញ នោះ បាន<br />រត់គេចខ្លួនបាត់ហើយ នៅ ព្រឹកថ្ងៃទី១៤ ខែធ្នូ ឆ្នាំ២០១២នេះ ។</p>
<p>ប្រភពព័ត៌មានពីសមត្ថកិច្ចនិងអ្នកភូមិ បានប្រាប់ភ្នាក់ងារដើមអម្ពិលឱ្យដឹងថា ស្ដ្រី ឈ្មោះស្រី រ៉ាវី<br /> អាយុ៤០ឆ្នាំ មានទីលំនៅ ក្នុងភូមិព្រែកថ្មី សង្កាត់ព្រែកថ្មី ខណ្ឌ មានជ័យ បានរត់គេចខ្លួនបាត់នៅ<br />ព្រឹកថ្ងៃទី១៤ ខែធ្នូ នេះ បើទោះបីបីបួនថ្ងៃនេះ អ្នកភូមិដែល ជាកូនតុងទីន ដឹងខ្លួនមុន ថាមេរបស់<br />ខ្លួន ប្រុងបោក ហើយដាក់កម្លាំង ព័ទ្ធផ្ទះយាម ការពារ មិនឱ្យមេរត់យ៉ាងណាក៏ដោយ ។</p>
<p>ព័ត៌មានបានឱ្យដឹងបន្ដថា ក្រោយពីដឹង ថា មេតុងទីនរបស់ខ្លួនបានរត់គេចខ្លួនបាត់ មិននៅទទួល<br />ដោះស្រាយសំណងលុយជា មួយកូនចៅរួចមកនោះ កូនៗតុងទីន ដែល ជាអ្នកភូមិជាមួយគ្នា បាន<br />នាំគ្នាសម្រុកចូល ទៅក្នុងផ្ទះមេតុងទីនរូបនេះ រួចហើយរើកកាយ យកទ្រព្យសម្បត្ដិរៀងៗខ្លួនដោយ<br />សមត្ថកិច្ច មិនអាចធ្វើអន្ដរា គមន៍រារាំងបាននោះឡើយ។</p>
<p>ប្រភពព័ត៌មានបានឱ្យដឹងថា មេតុងទីន ខាងលើនេះ បានប្រមូលកូនៗសរុបប្រមាណ ១៥០នាក់ <br />នាំគ្នាលេងតុងទីន ដែលមានក្បាល ចាប់ពី១០ម៉ឺនរៀល រហូតដល់ក្បាល១០០ ដុល្លារឯណោះ ។<br /> ការលេងតុងទីនដែលដេញ ការថ្លៃ ហើយកូនខ្លះប្រញាប់លុយបានលក់ តុងទីនរបស់ខ្លួនតពីម្នាក់<br />ទៅម្នាក់ ហើយមួយ រយៈចុងក្រោយនេះ កូនៗខ្លះដែលដេញបាន មិនព្រមបង់ ហើយក្បាលខ្លះ<br />ទំនងជាមេខ្លួន ឯងដាក់ឈ្មោះលេងច្រើន ពេលដេញបាន លុយយកទៅបង្វិល លើការងារផ្សេង<br /> ហើយ គ្មានលុយបង់ឱ្យកូនៗនោះ ក៏បានផ្ទុះឡើង ខណៈដែលកូនៗដេញបាន មេមិនមានលុយ<br /> បង់ឱ្យ ។ ក្នុងនោះចុងក្រោយ នៅថ្ងៃទី០៩ ខែធ្នូ កូនៗតុងទីនរាប់សិបនាក់ បាននាំគ្នា ទៅព័ទ្ធផ្ទះមេ<br /> ដើម្បីទាមទារយកលុយដែល ពួកគេដេញបាន ទើបដឹងថា មេមិនមានលុយ បង់ ដែលតាមកូនៗ<br />ចោទប្រកាន់ថាលុយដែលមេជំពាក់កូនៗ គឺមានទំហំទឹកប្រាក់ប្រមាណជិត៧០ម៉ឺនដុល្លារឯណោះ។<br /> ប៉ុន្ដែ លោកធួក វណ្ណា មេប៉ុស្ដិ៍នគរបាលព្រែកថ្មី បានអះអាងថា តាមព័ត៌មាន ដែល លោកទទួល<br /> បាន គឺមេតុងទីនរូបនេះ ជំពាក់លុយកូនៗ សរុបប្រមាណ៣០ម៉ឺនដុល្លារប៉ុណ្ណោះ មិន ដល់៧០ម៉ឺន<br />ដុល្លារនោះទេ ។ ក្រោយកូនៗនាំ គ្នាព័ទ្ធផ្ទះ មេតុង ទីនរូបនេះ បានសន្យាថា រូប គេមិនរត់ចោល<br />ទៅណានោះទេ ហើយកំពុង រកលុយសងបណ្ដោះ តែដល់ព្រឹកថ្ងៃទី១៤ ខែធ្នូ ស្រាប់តែមានការ<br />ភ្ញាក់ផ្អើលថា មេតុង ទីននេះរត់បាត់ទៅហើយ ៕</p>
<p><a class="thickbox" title="" href="/FileManager/Commons/2012/12/14/hong-0181-14-12-2012--13-19-29.jpg"><img src="/FileManager/Articles/mce/2012/12/14/hong-0181-14-12-2012--13-19-29.jpg" alt="" /></a></p>
<p><a class="thickbox" title="" href="/FileManager/Commons/2012/12/14/hong-0180-14-12-2012--13-19-56.jpg"><img src="/FileManager/Articles/mce/2012/12/14/hong-0180-14-12-2012--13-19-56.jpg" alt="" /></a></p>
<p><a class="thickbox" title="" href="/FileManager/Commons/2012/12/14/hong-0182-14-12-2012--13-20-12.jpg"><img src="/FileManager/Articles/mce/2012/12/14/hong-0182-14-12-2012--13-20-12.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54291-2012-12-14-03-44-26.html"><span style="color: #0000ff;">ដើមអំពិល</span></a></p>