<p>ខ្លាញ់ត្រី Omega 3 តែងត្រូវបានគេយល់ថា ជា “ឱសថទិព្វ” ក្នុងការជួយឱ្យខួរក្បាលបានរីកចម្រើន<br /> ក៏ដូចជាកាត់បន្ថយជម្ងឺនានា ដូចជាបេះដូងជាដើម ប៉ុន្ដែ ប្រសិនប្រើប្រាស់មិនបានត្រឹមត្រូវទៅតាម<br />ការកំណត់“ឱសថទិព្វ” នេះ នឹងបង្កផលអាក្រក់ដល់សុខភាព។</p>
<p style="text-align: center;"><a class="thickbox" title="" href="/FileManager/Commons/2013/12/11/tablete-ulei-peste-11-12-2013--11-45-08.jpg"><img src="/FileManager/Articles/mce/2013/12/11/tablete-ulei-peste-11-12-2013--11-45-08.jpg" alt="" /></a></p>
<p><br />សារជាតិ Omega 3 ក្នុងខ្លាញ់ត្រី ត្រូវបានគេបញ្ជាក់ថា មានសមត្ថភាពនាំមកនូវប្រយោជន៍ច្រើន<br />ដល់បេះដូង កាត់បន្ថយ Cholesterol និង Triglycerid ក្នុងឈាម ជួយបន្ថយហានិភ័យនៃការឡើង<br />សម្ពាធឈាម។ ទន្ទឹមនឹងនេះ Omega 3 ក៏មានប្រយោជន៍ជួយឱ្យបេះដូងដំណើរការល្អ ទប់ទល់<br />នឹងបញ្ហាឈាមខាប់ បន្ថយការប្រឈមនឹងគ្រោះថ្នាក់គាំងបេះដូង នៅពេលក្មេងធំឡើង។ ជាងនេះ <br />Omega 3 ក៏ជួយធ្វើឱ្យខួរក្បាលរបស់ក្មេង បានរីកចម្រើនផងដែរ។<br /><br />Omega 3 ក៏ត្រូវបានក្រុមអ្នកវិទ្យាសាស្ដ្របញ្ជាក់ថា មានផ្ទុកសារជាតិទប់ទល់នឹងអ៊ុកស៊ីតកម្មខ្ពស់<br /> ជួយទប់ស្កាត់ ការផ្លាស់ប្ដូរនៃកោសិកាធម្មតា ដែលជាមូលដ្ឋាននៃការកើតជម្ងឺមហារីក ជួយចិញ្ចឹម<br />កោសិកាឱ្យមានសុខភាពល្អ មិនឱ្យវាក្លាយជាកោសិកាមហារីក។ ពិសេសជាងនេះ Omega 3 ក៏ជួយ<br />ទប់ស្កាត់មហារីកសុដន់របស់ស្ដ្រី ស្អិតពោះវៀន និងជំងឺមហារីកក្រពេញប្រូស្តាត។<br /><br />ខ្លាញ់ត្រី មានតួនាទីដ៏សំខាន់ចំពោះការរីកចម្រើនរបស់ខួរក្បាលកុមារ ដោយវាជួយឱ្យខួរក្បាល<br />ទទួលយកព័ត៌មានបានងាយស្រួល ជឿជាក់ និងគិតគូរប្រកបដោយភាពឡូហ្សិក ជួយកាត់បន្ថយ<br />ការកើតជម្ងឺព្រួយចិត្ត សរសៃប្រសាទ និងទប់ស្កាត់ជម្ងឺបាត់បង់ការចងចាំ។<br /><br />ក្រៅពីអាស៊ីត Omega 3 ខ្លាញ់ត្រីប្រភេទនេះ ក៏មានផ្ទុក DHA និង EPA មានប្រយោជន៍ដល់ទារក<br />ក្នុងផ្ទៃ។ ពេលនៅក្នុងផ្ទៃម្ដាយ ប្រសិនមិនបានបំប៉នជាតិ DHA គ្រប់គ្រាន់ ទារកនឹងយកសារជាតិ<br />នេះពីម្ដាយ។ ការពិសោធជាច្រើន ឱ្យដឹងថា ស្ដ្រីដែលបានកើតកូនម្នាក់ នឹងបាត់បង់សារជាតិ DHA<br /> ប្រមាណជា ៣% ។ ប្រសិនអ្នកមានកូនបីនាក់ នោះអ្នកអាចបាត់បង់ DHA ប្រមាណជា ១០% ពីខួរ<br />ក្បាល។</p>
<p style="text-align: center;"><a class="thickbox" title="" href="/FileManager/Commons/2013/12/11/health-balance-omega-3-11-12-2013--11-45-46.jpg"><img src="/FileManager/Articles/mce/2013/12/11/health-balance-omega-3-11-12-2013--11-45-46.jpg" alt="" /></a></p>
<p><br />យ៉ាងណាក៏ដោយ ប្រសិនប្រើប្រាស់មិនបានត្រឹមត្រូវទៅតាមការកំណត់ គ្រាប់វីតាមីន Omega 3 <br />នឹងអាចបណ្ដាលឱ្យមានផលមិនល្អ ពិសេស ចំពោះអ្នកដែលមានឈាមរាវខ្លាំង និងស្បែកមានខ្លាញ់<br />ច្រើន។ <br /><br />កម្រិតដែលត្រូវបានស្ដង់ដា សម្រាប់កុមារ ពីអាយុ ១ឆ្នាំ ដល់ ៣ឆ្នាំ គឺ មិនឱ្យលើសពី ២០០មីលីក្រាម<br />/ថ្ងៃ។ កុមារអាយុ ពី ៤ ដល់ ៨ឆ្នាំ អាចប្រើ ៤០០មីលីក្រាម/ថ្ងៃ។ យ៉ាងនេះក្ដី មុននឹងប្រើប្រាស់ Omega<br /> 3 អ្នកគួរតែសុំយោបល់ពីគ្រូពេទ្យ ឱ្យបានច្បាស់លាស់។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/9216/superfoods-to-reduce-belly-fat"><span style="color: #3366ff;">វិធីងាយៗ ជួយកំចាត់ខ្លាញ់ក្បាលពោះ បាន យ៉ាងឆាប់រហ័ស</span></a></span></p>
<p><span style="color: #3366ff;"><a href="/News/Detail/90218/scientists-have-begun-testing-chemicals-that-can-delete-memories"><span style="color: #3366ff;">រកឃើញវិធីថ្មី ដើម្បីលុបរឿងអាក្រក់ ចេញពីខួរក្បាល</span></a></span></p>
<p><span style="color: #3366ff;"><a href="/News/Detail/57832/heart-attack-symptoms-what-to-do-in-an-emergency"><span style="color: #3366ff;">វិធីសង្គ្រោះបន្ទាន់ ដល់អ្នកកំពុង គាំងបេះដូង</span></a></span></p>
<p> </p>
<p style="text-align: right;"><br /><br /><br />ប្រែសម្រួលដោយ ៖ តារា<br />ប្រភព ៖ KH<br /> </p>