<p><span style="color: #000000;">ព័ត៌មានអន្តរជាតិ ៖ ប្រទេសចិន បានគូសបញ្ជាក់អោយដឹងថា បានចាប់ឃាត់ខ្លួន បុរសម្នាក់ សញ្ជាតិ កា ណាដា ពីបទសង្ស័យ លួចចម្លងឯកសារសម្ងាត់ របស់ប្រទេសចិន ក៏ប៉ុន្តែ ភរិយាជនសង្ស័យរូបនេះ ត្រូវ បានដោះលែងវិញ អោយនៅក្រៅឃុំ បន្ទាប់ពីចាប់ឃាត់ខ្លួន លើកដំបូងជាមួយនឹងស្វាមី ។ </span></p>
<p><span style="color: #000000;"><a class="thickbox" title="" href="/FileManager/Commons/2015/2/6/70-06-02-2015--14-55-06.jpg"><img src="/FileManager/Articles/mce/2015/2/6/70-06-02-2015--14-55-06.jpg" alt="" /></a><br /></span></p>
<p><span style="color: #000000;">Kevin និង Julia Garratt គូស្វាមីភរិយា នៃគ្រឹស្តសាសនា បានបើកហាាង កាហ្វេ មួយកន្លែង មានទីតាំង នៅឯទីក្រុង Dandong ព្រំប្រទល់ដែន ប្រទេសកូរ៉េខាងជើង ។ សេចក្តីរាយការណ័ ពីទំព័រ ប៊ីប៊ីស៊ី អោយ ដឹងថា ពួកគេត្រូវបានចាប់ឃាត់ខ្លួន កាលពី ៦ ខែ មុន ខណៈ សារព័ត៌មានរដ្ឋ បញ្ជាក់ថា ពួកគេត្រូវបាន ចាប់ឃាត់ខ្លួន ពីបទជាប់សង្ស័យ លួចឯកសារសម្ងាត់ យោធា ក៏ដូចជា ឯកសារ សម្ងាត់ពីក្រសួងការពារ ជាតិ ចិន ។ ដោយឡែក ប្រទេសកាណាដា ឯណោះវិញ សម្តែងនូវការព្រួយបារម្ភ ជាខ្លាំង ខណៈខ្លួននឹង បើកការស៊ើបអង្កេត ឯករាជ្យ ។ </span></p>
<p><span style="color: #000000;">រដ្ឋមន្រ្តីក្រសួងការបរទេស កាណាដា លោក Lynne Yelich អោយដឹងថា ៖ ខណៈ ពួកយើង សាទរទៅ នឹងការសម្រេចចិត្តនាពេលថ្មីៗ ក្នុងការលែងលោកស្រី Julia Garratt រដ្ឋាភិបាលប្រទេសយើងខ្ញុំមានការ ព្រួយបារម្ភជាខ្លាំង ក្នុងការឃុំឃាំងលោក Garratt ។ ជាការពិត មន្រ្តី ពាក់ព័ន្ធ យើងខ្ញុំ បានលើកប្រធាន បទនេះឡើង ជាប្រធានបទអទិភាព ខណៈនឹងនាំមកប្រធានបទដដែល នេះ ជជែកពិភាក្សា ជាមួយនឹង មន្រ្តីជាន់ខ្ពស់ នាពេលអនាគត ដ៏ខ្លីនេះ ។ </span></p>
<p><span style="color: #000000;">អំឡុងថ្ងៃព្រហស្បត្តិ៍ ម្សិលមិញនេះ អ្នកនាំពាក្យអោយ ក្រសួងការបរទេស ចិន លោក Hong Lei អោយ ដឹងថា ជនសង្ស័យ សញ្ជាតិ កាណាដា លោក Kevin Garratt ត្រូវ បានបង្ខាំងទុក នៅការិយាល័យ ព្រហ្ម ទណ្ឌ ពាក់ព័ន្ធនឹងករណីចារកម្ម លួចឯកសារសម្ងាត់ រដ្ឋ ចិន ។</span></p>
<p><span style="color: #000000;"><a class="thickbox" title="" href="/FileManager/Commons/2015/2/6/71-06-02-2015--14-55-15.jpg"><img src="/FileManager/Articles/mce/2015/2/6/71-06-02-2015--14-55-15.jpg" alt="" /></a><br /></span></p>
<p><span style="color: #000000;">ប្រភព ដដែល បន្តអោយដឹងថា ករណី លើកនេះ កំពុង តែស្ថិតនៅក្រោមការស៊ើបអង្កេត នៅឡើយ ។ <span id="result_box" lang="km"><span class="hps">រដ្ឋាភិបាលចិន</span>នឹងការពារសិទ្ធិ និង ផលប្រយោជន៍ ស្របច្បាប់ របស់ពួកគេ យោងទៅតាមការអនុលោម របស់ច្បាប់ ។ ផ្ទុយទៅវិញ នៅក្នុងសេចក្តីថ្លែងការណ៍ មេធាវីការពារក្តី ក្រុមគ្រួសារខាងលើនេះ ស្រាយ បំភ្លឺអោយដឹងថា មានការផ្តន្ទាទោស ឬក៏ចាប់ឃាត់ខ្លួន ជនសង្ស័យបាន លុះត្រាណា មានភស្តុតាងជាក់ ច្បាស់ជាមុនសិន តែទង្វើទាំងនេះ ច្បាស់ណាស់ គឺផ្ទុយនឹងច្បាប់ បាត់ទៅហើយ ។ មេធាវី ដដែលលោក James Zimmerman គូសបញ្ជាក់បន្ថែមក្នុងសេចក្តីថ្លែងការណ៍ អោយដឹងថា ៖ ពួកយើងស្នើអោយរដ្ឋាភិ បាលចិន ធានាអោយបាននូវការដោះស្រាយបញ្ហាមួយនេះ ប្រកបទៅដោយតម្លាភាព និង និតិវិធីផ្លូវការ គួរតែស្របតាមប្រព័ន្ធស្តង់ដាជាមូលដ្ឋាន នៃច្បាប់ អន្តរជាតិ ។ </span></span></p>
<p><span style="color: #000000;">គួររំឮកថា គូស្វាមី ភរិយា សញ្ជាតិកាណាដា មួយគូរនេះ បានមកបង្រៀន ភាសានៅក្នុងប្រទេសចិនអស់ រយៈពេលជាច្រើនឆ្នាំ ក្រោយមកបានផ្លាស់ទី ទៅកាន់ក្រុង <span id="result_box" lang="km">Dandong ទីកន្លែងដែលពួកគេបានបើកហាង កាហ្វេ ។ សេចក្តីរាយការណ៍ បញ្ជាក់ថា ទីក្រុង Dandong ជាតំបន់សេដ្ឋកិច្ច នៅព្រំប្រទល់ដែន ចិន កូរ៉េ ខាងជើង ។ ជាចំនុចឆ្លងកាត់ នៃបណ្តាជនភៀសខ្លួន កូរ៉េខាងជើងខណៈក្រុមមួយចំនួនជួយគាំទ្រដោយ អង្គការក្រៅរដ្ឋាភិបាល និងក្រុមកាន់សាសនា គ្រឹស្ត ជាដើម ៕</span></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>