<p><span style="color: #000000;">ព័ត៌មានអន្តរជាតិ ៖ ប្រជាជន ប្រទេសក្រិក ក្រោយពី បាន បោះឆ្នោតប្រជាមតិ ក្នុងស្រុក អំឡុងថ្ងៃ អាទិត្យម្សិលមិញនេះ លទ្ធផលផ្លូវការ បានបង្ហាញអោយដឹងថា ក្រិក បដិសេធទៅនឹងសំណើ របស់ សហភាពអឺរ៉ុប ពោល តួលេខ ដែលជាលទ្ធផលផ្លូវការ គឺបដិសេធ (មិនព្រម) ស្មើនឹង ៦១,៣% និង យល់ស្រប (ព្រម) ស្នើនឹង ៣៨,៧% នេះបើតាមការគូសបញ្ជាក់ដោយផ្ទាល់ ពី ក្រសួង មហាផ្ទៃ ប្រ ទេស ក្រិក ។</span></p>
<p><span style="color: #000000;"><a class="thickbox" title="" href="/FileManager/Commons/2015/7/6/12-06-07-2015--09-21-31.jpg"><img src="/FileManager/Articles/mce/2015/7/6/12-06-07-2015--09-21-31.jpg" alt="" /></a><br /></span></p>
<p><span style="color: #000000;">រដ្ឋាភិបាលប្រទេសក្រិក ដែលដឹកនាំដោយ គណបក្ស កាន់ អំណាច Syriza បានចេញយុទ្ធនាការ ដោយទទូចអោយប្រជាជនក្រិក បោះឆ្នោត ប្រជាមតិ បដិសេធ ទៅនឹងសំណើ ខណៈខ្លួនបានហៅ សំណើពីសហភាពអឺរ៉ុបនោះថា ជា ការ ដាក់បន្ទុកដ៏ធ្ងន់ធ្ងរ ។ យ៉ាងណាមិញ ជាការគូសបញ្ជាក់ ទៅ លើលទ្ធផល ប្រជាមតិលើកនេះ ពីសំណាក់ ប្រភពមិនគាំទ្រ ប្រទេសក្រិកនោះអោយដឹងថា ប្រការ នេះគឺនាំមកនូវលទ្ធផល ប្រទេសក្រិក ចាកចេញពី សមាជិក ប្រទេស ចាយលុយអឺរ៉ូ ក្នុងនោះ កិច្ច ប្រជុំកំពូល បណ្តារដ្ឋ ចាយលុយអឹរ៉ូ ត្រូវបានកោះហៅប្រជុំផ្លូវការ អំឡុងថ្ងៃអង្គារ នេះ ។</span></p>
<p><span style="color: #000000;"><a class="thickbox" title="" href="/FileManager/Commons/2015/7/6/11-06-07-2015--09-21-20.jpg"><img src="/FileManager/Articles/mce/2015/7/6/11-06-07-2015--09-21-20.jpg" alt="" /></a><br /></span></p>
<p><span style="color: #000000;">នាយករដ្ឋមន្រ្តីប្រទេសក្រិក Alexis Tsipras គូសបញ្ជាក់ យប់ថ្ងៃអាទិត្យ អោយដឹងថា លទ្ធផលបោះ ឆ្នោតប្រជាមតិក្រិក ស្តែងអោយឃើញ ក្រិក បោះឆ្នោត គាំទ្រដល់ សាមគ្គីភាព និង ប្រជាធិបតេយ្យ ភាពតំបន់អឺរ៉ុប ។</span></p>
<p><span style="color: #000000;">គួរបញ្ជាក់ថា វិបត្តិហរិញ្ញវត្ថុនៅក្នុង ប្រទេសក្រិក សព្វ ថ្ងៃនេះ គឺជាបញ្ហាប្រឈមជាខ្លាំង ដល់រដ្ឋា ភិ បាលក្នុងស្រុក ក្រិក ក៏ដូចជា សមាជិក ប្រទេស ចាយលុយអឺរ៉ូ ខណៈការបោះឆ្នោតប្រជាមតិ«ព្រម» ឬ«មិនព្រម» តាមគម្រោងកំណែទម្រង់ថ្មី របស់គណកម្មាធិការអឺរ៉ុប ធនាគារកណ្តាលអឺរ៉ុប និងមូល នីធិ រូបិយវត្ថុអន្តរជាតិ កន្លងមកនោះ គឺជាប្រធានបទដ៏ស្មុគស្មាញជាខ្លាំង ។</span></p>
<p><span style="color: #000000;">លទ្ធផល«ព្រម» មានន័យថា ប្រជាពលរដ្ឋយល់ព្រមតាមសំណើរបស់សហភាពអឺរ៉ុបដោយមិនបាន យកចិត្តទុកដាក់ ចំពោះសំណើររបស់លោកនាយករដ្ឋមន្ត្រី Alexis Tsipras នោះឡើយ ហើយលោក នឹង ទទួលយកលទ្ធផលនេះ។</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/7/6/10-06-07-2015--09-21-11.jpg"><img src="/FileManager/Articles/mce/2015/7/6/10-06-07-2015--09-21-11.jpg" alt="" /></a></span><br /></span></p>
<p><span style="color: #000000;">ចំណែករដ្ឋាភិបាលនឹងត្រូវកំណែទម្រង់ថ្មី ហើយត្រូវធ្វើកិច្ចចរចាជាមួយម្ចាស់បំណុលក្នុងរយៈពេល ប៉ុន្មានសប្តាហ៍ខាងមុខ។ ប៉ុន្តែម្ចាស់បំណុលបានបញ្ជាក់ជាមុនថា ពួកគេនឹងមិនធ្វើកិច្ចចរចាជាមួយ នាយករដ្ឋមន្ត្រីរូបនេះឡើយ ទោះក្នុងករណីបែបណាក៏ដោយ។ ប្រទេស ក្រិចនឹងបន្តធ្វើជាសមាជិក របស់ប្រទេសចាយប្រាក់អឺរ៉ូ ប៉ុន្តែប្រទេសទាំងអស់ជាសមាជិក ត្រូវប្រឈម មុខនឹងបញ្ហាស្មុគស្មាញ ដោយពួកគេចាំបាច់ត្រូវបោះពុម្ភរូបិយប័ណ្ណជាថ្មី ដើម្បីធ្វើកំណែទម្រង់រួមជាមួយប្រទេស ក្រិច ព្រោះ ថារូបិយប័ណ្ណកាលពីមុន មិនអាចប្រើប្រាស់តទៅទៀតបានឡើយ។</span></p>
<p><span style="color: #000000;">ដោយឡែកលទ្ធផល «មិនព្រម» មានន័យថា សំណើរបស់សហភាពអឺរ៉ុបត្រូវបរាជ័យហើយប្រទេស ក្រិចត្រូវចាកចេញពីប្រទេសជាសមាជិកចាយប្រាក់អឺរ៉ូ។ </span></p>
<p><span style="color: #000000;">សូម ជម្រាបថា សហភាព អឺរ៉ុបបានផ្តល់សំណើរថា នឹងផ្តល់ ប្រាក់៧ពាន់លានអឺរ៉ូសម្រាប់ប្រទេស ក្រិច ដើម្បីសងបំណុល ប៉ុន្តែរដ្ឋាភិបាលក្រុង អាតែនមួយនេះ ចាំបាច់ ត្រូវ ទទួល យកកំណែទម្រង់យ៉ាង តឹងរឹងជាច្រើនចំណុចរបស់សហភាពអឺរ៉ុប៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>