<p>ក្រុមជើងឯក Champions League ត្រូវទទួលពិន័យ ពីសហព័ន្ធបាល់ទាត់អឺរ៉ុប (UEFA) ដោយសារ តែបានបណ្ដោយឱ្យក្រុមអ្នកគាំទ្ររបស់ខ្លួន ចំអកឱ្យកីឡាកររបស់ Arsenal នៅក្នុងការប្រកួតក្នុង<br />ក្របខណ្ឌនៃជុំ ១៦ក្រុម ថាជា “អ្នកប្រយុទ្ធខ្ទើយ”។</p>
<p style="text-align: center;"><a class="thickbox" title="" href="/FileManager/Commons/2014/3/25/gay4-25-03-2014--09-04-22.jpg"><img src="/FileManager/Articles/mce/2014/3/25/gay4-25-03-2014--09-04-22.jpg" alt="" /></a></p>
<p style="text-align: center;">ទីលាន Allianz Arena ត្រូវទទួលពិន័យ ពី UEFA</p>
<p>ការប្រកួតលើកទីពីរ រវាង Bayern និង Arsenal ក្នុងក្របខណ្ឌនៃវគ្គ ១៦ក្រុម មានអ្នកគាំទ្ររបស់<br /> Bayern មួយចំនួន បានលើកបដាដែលមានរូបគំនូររបស់កីឡាករ Arsenal និងមានអក្សរធំៗថា <br />“ខ្សែប្រយុទ្ធខ្ទើយ”។ កីឡាករដែលនៅក្នុងផ្ទាំងបដានេះ ត្រូវបានគេយល់ថា សំដៅទៅលើកីឡាករ <br />Mesut Ozil និងកិច្ចសន្យាដែលមានតម្លៃខ្ពស់ រវាង Arsenal និងកីឡាកររូបនេះ។<br /><br />ទង្វើមិនល្អនេះ បណ្ដាលឱ្យក្រុម Bayern ត្រូវទទួលការពិន័យផ្នែករដ្ឋបាល ជាទឹកប្រាក់ ចំនួន<br /> ១ម៉ឺនអឺរ៉ូ (ប្រហែល ១៤០០០ដុល្លារអាមេរិក)។ ទន្ទឹមនឹងនេះ ពួកគេក៏ត្រូវបិទតំបន់មួយ ក្នុងចំណោម<br />តំបន់ទាំង ១៣១ នៅក្នុងទីលាន Allianz Arena ក្នុងការប្រកួតលើកទីពីរ ជាមួយ Man Utd នៅវគ្គ <br />១/៤ ផ្ដាច់ព្រ័ត្រ នៃ Champions League ។</p>
<p style="text-align: center;"><a class="thickbox" title="" href="/FileManager/Commons/2014/3/25/gay3-25-03-2014--09-05-36.jpg"><img src="/FileManager/Articles/mce/2014/3/25/gay3-25-03-2014--09-05-36.jpg" alt="" /></a></p>
<p style="text-align: center;">សកម្មភាពមិនល្អមួយ របស់ក្រុមអ្នកគាំទ្រ ធ្វើឱ្យ Bayern ខាតបង់</p>
<p><br />ការពិន័យនេះ បង្កផលអវិជ្ជមានមួយ សម្រាប់ក្រុម Bayern ដោយសារតែខ្វះកន្លែងមួយផ្នែក <br />សម្រាប់ក្រុមអ្នកគាំទ្ររបស់ខ្លួន។<br /><br />ក្រុមបាល់ទាត់របស់អាល្លឺម៉ង់ បានចូលដល់វគ្គ ១/៤ ផ្ដាច់ព្រ័ត្រ Champions League បន្ទាប់ពីបាន<br />ផ្ដួល Arsenal ៣-១ ក្រោយការប្រកួតពីរលើក។ ក្នុងវគ្គបន្ទាប់ Bayern ត្រូវទៅធ្វើជាភ្ញៀវ នៅទី<br />លាន Old Trafford នាថ្ងៃទី ១ខែមេសា មុនពេលទទួល Man Utd នៅលើវាលស្មៅម្ចាស់ផ្ទះ ក្នុង<br />ថ្ងៃទី៩មេសា។</p>
<p style="text-align: center;"><a class="thickbox" title="" href="/FileManager/Commons/2014/3/25/gay2-25-03-2014--09-11-50.jpg"><img src="/FileManager/Articles/mce/2014/3/25/gay2-25-03-2014--09-11-50.jpg" alt="" /></a></p>
<p style="text-align: center;">Celtic ក៏ធ្លាប់ត្រូវបានពិន័យ៤២០០០ អឺរ៉ូ បន្ទាប់ពីក្រុមអ្នកគាំទ្រ លើកបដា ប្រឆាំង <span id="result_box" lang="vi"><span class="hps">AC Milan </span></span></p>
<p><br />UEFA មានការតឹងតែង ចំពោះសកម្មភាពដែលមានលក្ខណៈរើសអើងពួជសាសន៍ ឬនយោបាយ<br /> នៅក្នុងពេលប្រកួត។ មុននេះ សហព័ន្ធបាល់ទាត់អឺរ៉ុប UEFA ក៏បានសម្រេចពិន័យ Celtic, Ajax <br />និង CSKA Moscow ក្នុងពីររដូវកាលថ្មីៗនេះ ដោយសារតែបានប្រព្រឹត្តកំហុសស្រដៀងគ្នានេះ។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Daily Mail<br /><br /><br /></p>