<p><span style="color: #000000;"><strong>(ភ្នំពេញ)៖</strong> ជាថ្មីម្ដងទៀតតារាចម្រៀង សំឡេងស្រទន់ កញ្ញា វ៉ាន់ នីឡា ដែលទទួលរងគ្រោះ ដោយសារតែអតីតសង្សារ គឺលោក គុយ សិទ្ធិសក្តិ ជាកូនមន្រ្តីមានអំណាច ទម្លាយរូបអាក្រាតកាយរបស់នាង ហើយមិនព្រមចូលខ្លួនមកទទួលទោស តាមដីការកោះហៅរបស់តុលាការ ជាច្រើនលើកហើយនោះ បានធ្វើឲ្យនាងចេញមុខទទូចជាថ្មីទៀត ដល់ស្ថាប័នតុលាការ ដែលកំពុងតែកាន់សំណុំរឿងនេះ មេត្តាចាត់វិធានការក្ដៅ ដល់ជនល្មើសរូបនេះ ឲ្យទទួលទោសតាមច្បាស់ ខណៈដែលរូបគេ នៅតែមានសេរីភាព និងបន្តបំភិតបំភ័យដល់រូបនាង ជាជនរងគ្រោះទៀតផង។</span></p>
<p><span style="color: #000000;"><a class="thickbox" title="" href="/FileManager/Commons/2017/2/15/34a-15-02-2017--14-18-04.jpg"><img src="/FileManager/Articles/mce/2017/2/15/34a-15-02-2017--14-18-04.jpg" alt="" /></a><br /></span></p>
<p><span style="color: #000000;">រយៈពេលជាងមួយឆ្នាំមកហើយ តារាចម្រៀង វ៉ាន់ នីឡា នៅតែមិនទាន់ទទួលបាននូវពន្លឺយុត្តិធម៌ ខណៈដែលជនល្មើស នៅតែបោះពាក្យបោះសម្ដី ព្រហើនជាមួយនឹងច្បាប់ មិនខ្លាចក្រែងនរណាទាំងអស់ ហើយមហាជនក៏កំពុងតែទន្ទឹងរង់ចាំមើលដែរថា តើអំណាចតុលាការអាចធ្វើអ្វីជននេះបានដែរឬទេ? ឬមួយក៏តុលាការខ្លាចការគំរាមកំហែង របស់ជនល្មើសរូបនេះដែរ ខណៈដែលកន្លងមក ធ្លាប់បានចេញដីការកោះហៅជាច្រើនដងមកហើយ ប៉ុន្តែពេលជននេះមិនចូលខ្លួនតាមដីការ បែរជានាំគ្នាបិទសំណុំរឿង ស្ងាត់ដូចចោរលួចសេះបែបនេះ ទៅវិញ។</span></p>
<p><span style="color: #000000;">ជុំវិញសំណុំរឿងដ៏រសើបនេះ វ៉ាន់ នីឡា បានថ្លែងប្រាប់ Khmertalking ក្នុងជំនួបដោយផ្ទាល់មួយ នាថ្ងែទី១៤កុម្ភៈ ឆ្នាំ២០១៧នេះ ថា សំណុំរឿងរបស់នាងត្រូវបានតុលាការ ប្រាប់នាងថា គេបានបិទបញ្ចប់ទៅហើយ ដែលធ្វើឲ្យនាងខកចិត្តយ៉ាងខ្លាំង ខណៈដែលរូបនាងជាជនរងគ្រោះ ត្រូវបានគេគំរាមកំហែង បំពារបំពាន ហើយពុំទទួលបាននូវភាពយុត្តិធម៌ទាល់តែសោះ។ គោលបំណងដែលនាងចង់បាននៅពេលនេះ គឺគ្រាន់តែចង់ឃើញជនដែលធ្វើទង្វើមិនគប្បីលើរូបនាង ទទួលទោសតាមច្បាប់ ពោលនាងមិនចង់បានអ្វីទាំងអស់ ក្រៅពីនេះ។</span></p>
<p><span style="color: #000000;">វ៉ាន់ នីឡា និយាយថា<strong> «ច៎ាបង.. សម្រាប់ពាក្យបណ្ដឹងរបស់ខ្ញុំ ឥឡូវហ្នឹងគេបិទការកោះហៅហើយ ព្រោះតែការកោះហៅនេះមានច្រើនដងពេក ជនល្មើសនៅតែមិនចូល ស្រាប់តែស្ងាត់ឈឹង ហើយខ្ញុំក៏អត់ដឹងថា តុលាការគាត់នឹងមានចំណាត់ការអ្វី ជាបន្តទៀតដែរ ព្រោះតាំងពីថ្ងៃដែលគេកោះហៅ លើកចុងក្រោយមក គឺស្ងាត់រហូត ប៉ុន្តែសំខាន់រឿងហ្នឹង ខ្ញុំទុកឲ្យបងខ្ញុំជាអ្នកដោះស្រាយ..!»</strong>។</span></p>
<p><span style="color: #000000;">ទោះបីជាសំណុំរឿងនេះ នាងសុខចិត្តធ្វើជាអ្នកនៅពីក្រោយខ្នង ដោយទុកសិទ្ធិឲ្យលោក សុខ ជំនោរ ជាបងប្រុសបង្កើតជាអ្នកចាត់ចែង ក៏ក្នុងនាមនាងជាសាមីខ្លួនជនរងគ្រោះ នាងនៅតែទទូច ចង់ឲ្យតុលាការបញ្ចាប់រឿងនេះឲ្យបានឆាប់ និងទទួលបានយុត្តិធម៌ដល់រូបនាង។</span></p>
<p><span style="color: #000000;">វ៉ាន់ នីឡា និយាយបន្តថា <strong>«ខ្ញុំចង់បញ្ចប់សំណុំរឿងឲ្យបានឆាប់ ប៉ុន្តែចប់ហ្នឹងមិនមែនចប់ ដោយមិនមានអ្វីទេ ចប់ហ្នឹងគឺត្រូវតែឲ្យជនហ្នឹង(លោក គុយ សិទ្ធិសក្តិ) មកទទួលទោសតាមច្បាប់ ហើយខ្ញុំក៏ទទូចសុំឲ្យតុលាការ គឺឲ្យគាត់ជួយពន្លឿននិតិវិធីនៃច្បាប់ហ្នឹង ឲ្យបានលឿនបន្តិច ព្រោះរឿងរបស់ខ្ញុំកើតឡើង រយៈពេលជាង១ឆ្នាំមកហើយ ដូចជាអត់មានឃើញលទ្ធផលអ្វីទាំងអស់ ហើយនៅពេលដែលគាត់ (ជនល្មើស) អត់ចូលខ្លួន ទោះបីផ្ដល់ឱកាសឲ្យម្ដងហើយម្ដងទៀត ច្រើនដងក្ដី នៅតែមិនអាចបញ្ចប់ទៅ ដោយរលូននោះឡើយ។ ខ្ញុំនៅតែរង់ចាំ ពន្លឺយុត្តិធម៌ ទោះបីស្ងាត់ ក៏ខ្ញុំនៅតែជំរុញដល់តុលាការ ឲ្យពន្លឿនលើរឿងនេះរហូតដែរ !»</strong>។</span></p>
<p><span style="color: #000000;">ទៅបីជាយ៉ាងណា តារាចម្រៀង វ៉ាន់ នីឡា ហាក់បង្ហាញការបារម្ភពីសុវត្ថិភាព របស់ខ្លួនផ្ទាល់ ព្រោះតែជនល្មើសនៅតែបន្តមានសេរីភាព ដោយនាងអះអាងថា ជនដែលធ្លាប់ធ្វើទង្វើអាក្រក់ ហើយមិនខ្លាចសំណាញ់ច្បាប់បែបនេះ រឿងអ្វីក៏អាចធ្វើបានដែរ ឲ្យតែរូបមិនពេញចិត្ត ឬគុំគួនខឹងនរណាម្នាក់។</span></p>
<p><span style="color: #000000;">សូមបញ្ជាក់ថា ខណៈដែលដំណើររឿងក្តី នៃបណ្តឹងរបស់តារាចម្រៀងស្រី វ៉ាន់ នីឡា បាននឹងកំពុងដំណើរការ ព្រមជាមួយការដង្ហើយស្វែងរកយុត្តិធម៌ ពីសំណាក់សាមីខ្លួនជនរងគ្រោះ និងលោក សុខ ជំនោ ត្រូវជាបងប្រុស រហូតលោកបានធ្វើការរិះគន់ លើចំណាត់ការរបស់ប្រព័ន្ធតុលាការថា កាត់ក្តីគ្មានភាពយុត្តិធម៌ ហើយកាលពីថ្ងៃទី២៣ ខែធ្នូ ឆ្នាំ២០១៦ មេធាវីការពារក្តីឲ្យកញ្ញា វ៉ាន់ នីឡា ចំនួនពីររូប បានដាក់ពាក្យស្នើរសុំថតចម្លងឯកសារ នៅក្នុងសំណុំរឿងក្តីពីចៅក្រមស៊ើបសួរ នៃសាលាដំបូងរាជធានីភ្នំពេញ លោក ឆៃ វីវៈ ។ នេះបើតាមការឲ្យដឹងពីលោក សុខ ជំនោ ដែលបានសរសេរ នៅបណ្តាញសង្គម Facebook របស់លោក។</span></p>
<p><span style="color: #000000;">ដោយបង្ហាញភ្ជាប់មកជាមួយ នូវពាក្យស្នើសុំថតចម្លងឯកសារ នៅក្នុងសំណុំរឿងក្តីរបស់តារាស្រីកញ្ញា វ៉ាន់ នីឡា ពីសំណាក់មេធាវីការពារក្តីនាងចំនួនពីររូប គឺមេធាវី ជា សុខចាន់ និងមេធាវី នួន បូរ៉ា រួចមក លោក ឆៃ វីវៈ ចៅក្រមស៊ើបសួរ នៃសាលាដំបូងរាជធានីភ្នំពេញ លោក សុខ ជំនោ បានលើកឡើងថា<strong> «មេធាវីជនរងគ្រោះ ដែលផ្តល់ដោយសមាគម មិត្តសិល្បៈស្ម័គ្រចិត្តជួយសង្គម បានរៀបចំលិខិតនេះ ដើម្បីដំណើរការ ទៅតាមនិតិវិធីប្រទេសមួយនេះ ដោយសារយើងមិនអាច ទទួលបាននូវឯកសារសម្រេចដោយចៅក្រមស៊ើបសួរ។ វាគ្រប់គ្រាន់សម្រាប់មហាជន ដែលជាអ្នកល្ងិតល្ងង់ យើងរង់ចាំមើលបន្តទៀត…»</strong>។</span></p>
<p><span style="color: #000000;">ដោយឡែក បើយោងតាមពាក្យស្នើសុំថតចម្លងឯកសារ នៅក្នុងសំណុំរឿងក្តីរបស់តារាស្រី កញ្ញា វ៉ាន់ នីឡា ដែលធ្វើឡើងដោយមេធាវីការពារក្តី របស់នាងទាំងពីរ រូបខាងលើនេះក្នុងគោលបំណង គឺដើម្បីសុំថតចម្លងឯកសារ នៅក្នុងសំណុំរឿងព្រហ្មទណ្ឌលេខ ៣៥៣៤ ចុះថ្ងៃទី២៦ ខែកក្កដាឆ្នាំ២០១៦ របស់សាលាដំបូង រាជធានីភ្នំពេញចំនួន ៤ចំណុច គឺ៖ ១-ឯកសារថតចម្លង ដែលត្រូវបានជនត្រូវចោទ គុយ សិទ្ធិសក្តិ ដាក់ជូនមកកាន់ តុលាការ (ក្នុងករណីជនត្រូវចោទដាក់ជូនតុលាការ)។២-កំណត់ហេតុសួរចម្លើយ ជនត្រូវចោទ។</span></p>
<p><span style="color: #000000;">ចំណែកឯទី-៣ គឺដីការសម្រេចមិនឃុំខ្លួនបណ្តោះអាសន្ន និងដីការសម្រេចដាក់ជនត្រូវចោទ ឲ្យស្ថិតនៅក្រោមការត្រួតពិនិត្យតាមផ្លូវតុលាការ និងទី៤-សេចក្តីសម្រេច របស់តុលាការ ឬឯកសារដែលពាក់ព័ន្ធផ្សេងៗទៀត ដែលមាននៅក្នុងសំណុំរឿងព្រហ្មទណ្ឌលេខ ៣៥៣៤ ចុះថ្ងៃទី២៦ ខែកក្កដាឆ្នាំ២០១៦របស់សាលាដំបូង រាជធានីភ្នំពេញ ក្រោយការបរិច្ឆេទថ្ងៃទី១២ ខែធ្នូ ឆ្នាំ២០១៦ រហូតដល់ថ្ងៃទី២៣ខែ ធ្នូ ឆ្នាំ២០១៦។</span></p>
<p><span style="color: #000000;">ចាប់អារម្មណ៍ងាកមកមើលអ្នកនិពន្ធល្បីឈ្មោះ លោក សុខ ជំនោ ត្រូវជាបងប្រុសបង្កើតកញ្ញា វ៉ាន់ នីឡា ឯណោះវិញ លោកក៏ធ្លាប់បញ្ចេញប្រតិកម្ម ជាមួយនឹងមន្រី្តតុលាការ ដែរថា ដំណើរការនិតិវិធីយឺតយ៉ាវ និងហាក់បីដូចជារងសម្ពាធពីនរណាម្នាក់ និងមិនបានខ្នះខ្នែងឲ្យអស់ពីចិត្ត ដើម្បីឲ្យជនរងគ្រោះទទួលបានយុត្តិធម៌ឡើយ។</span></p>
<p><span style="color: #000000;">សូមជំរាបថា លោក ឆែ វីរៈ ចៅក្រមស៊ើបសួរសាលាដំបូងរាជធានីភ្នំពេញ បានកោះហៅជនត្រូវចោទឈ្មោះ គុយ សិទ្ធិសក្តិ អាយុ២៦ឆ្នាំ ជាមន្ត្រីប៉ូលិសពាក់ស័ក្ដិ៤កន្លះ បម្រើការងារនៅអគ្គនាយកដ្ឋានពន្ធនាគារ ក្រសួងមហាផ្ទៃ ដែលគេស្គាល់ថា ជាកូនប្រុសរបស់លោក គុយ ប៊ុនសន អតីតអគ្គនាយក នៃអគ្គនាយកដ្ឋានពន្ធនាគារក្រសួងមហាផ្ទៃ ឲ្យចូលបំភ្លឺនៅវេលាម៉ោង២៖៣០នាទី កាលពីរសៀលថ្ងៃទី១២ ខែធ្នូ ឆ្នាំ២០១៦ ប៉ុន្តែលោក គុយ សិទ្ធិសក្តិ មិនបានចូលខ្លួននោះទេ រហូតមកដល់ពេលនេះ។</span></p>
<p><span style="color: #000000;">ជនត្រូវចោទ គុយ សិទ្ធិសក្តិ ជាប់ចោទពីបទ<strong> «ហិង្សាដោយចេតនា និងចែកចាយរូបភាពអាសអាភាស»</strong> ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៦ តាមមាត្រា២១៧នៃក្រមព្រហ្មទណ្ឌ និង មាត្រា៣៨ និងមាត្រា៣៩ ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-11-56-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-11-56-11-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-11-56-11-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-11-56-11-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-11-56-11-4.jpg" alt="" width="730" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xpt1/v/t1.0-9/15420959_1686805244679112_2932315378853698587_n.jpg?oh=ede080f8cd720647d1c2c5ffa13020ae&oe=58F6A2FE&__gda__=1488225641_d26f97fc70422c978da73878752f2f67" alt="" width="730" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xpa1/v/t1.0-9/15400386_1686805241345779_3263596678372422045_n.jpg?oh=7ac2004b90b9ce4bb34dcccc45627d93&oe=58E7E9A6&__gda__=1492844251_07d8d109d50007ae7fbcae8fcbea0900" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15541690_1686805251345778_7675334990322796036_n.jpg?oh=6fe0dd2d3a1d63abc230dc3afe3de706&oe=58BC6326" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/15400925_1686805308012439_6419390773108234759_n.jpg?oh=0696ab28dcf15a9416b30364b332a58e&oe=58F871E3" alt="" width="730" /></span></p>
<p><span style="color: #000000;"><img src="https://fb-s-d-a.akamaihd.net/h-ak-xlp1/v/t1.0-9/15391178_1686805311345772_1948740352162137764_n.jpg?oh=3a9dffbd01a0443cb99d0a13ccff7e7c&oe=58BC540E&__gda__=1488422412_0309c08a30d847e5fb8793a51b48e3d0" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-07-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-13-12-41-08-7.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>