<div class="article-content">
<p><strong>ភ្នំពេញ៖</strong> មេខ្លោងជួញដូរ និងចែកចាយថ្នាំញៀន តែងតែធ្វើសកម្មភាពជារៀងរាល់ថ្ងៃ ឥឡូវនេះ<br />ត្រូវបានកម្លាំងនគរបាល ខណ្ឌពោធិ៍សែនជ័យ បង្ក្រាបបានទាំងពីរនាក់សង្សារ នៅព្រឹកថ្ងៃទី០១ <br />ខែតុលា ឆ្នាំ២០១៣ ដោយរឹបអូសថ្នាំញៀនមួយចំនួន កាំភ្លើងខ្លី កា៥៤ មួយដើម និងម៉ូតូអេសអិល<br />មួយគ្រឿងផងដែរ ។</p>
<p>អធិការនគរបាល ខណ្ឌពោធិ៍សែនជ័យ លោកវរសេនីយ៍ទោ ប៊ន សំអាត ដែលដឹកនាំកម្លាំងសមត្ថ<br />កិច្ច ចុះទៅបង្ក្រាបមុខសញ្ញាជួញដូរ និងចែកចាយ គ្រឿងញៀនខាងលើនេះ បានប្រាប់មជ្ឈមណ្ឌល<br />ព័ត៌មាន ដើមអម្ពិល តាមទូរស័ព្ទថា ក្រោយពីមានការណែនាំ ពីសំណាក់ស្នងការ នគរបាលរាជធានី<br />ភ្នំពេញ លោក ឧត្ដមសេនីយ៍ ជួន សុវណ្ណ រួចមក កម្លាំងនគរបាលរបស់លោក បានធ្វើការរិតបន្ដឹង <br />និងស្រាវជ្រាវយ៉ាងយកចិត្ដទុកដាក់ តាមជំនាញរបស់ខ្លួន រហូតទៅដល់ការឃាត់ខ្លួនជនសង្ស័យពីរ<br />នាក់ ជាគូសង្សារ គឺជាមេខ្លោងចែកចាយ និងជួញដូរថ្នាំញៀនដ៏សកម្ម ក្នុងរាជធានីភ្នំពេញ នាពេល<br />កន្លងទៅ។</p>
<p>លោកប៊ន សំអាត បានបន្ដទៀតថា ក្រោយពីក្ដាប់បានមុខសញ្ញា នៃសកម្មភាពជួញដូរ និងចែកចាយ<br />រួចមក លោកបានដឹកនាំកម្លាំងជំនាញ ធ្វើការស្រាវជ្រាវ រហូតដល់ឃើញមុខសញ្ញាទាំងនេះ ហើយ<br />ឈានទៅដល់ការឡោមព័ទ្ធ និងចាប់ខ្លួនពួកគេទាំងពីរនាក់ នៅសង្កាត់កំបូល ខណ្ឌពោធិ៍សែនជ័យ<br /> តែម្ដង នៅព្រឹកថ្ងៃទី០១ ខែតុលា ឆ្នាំ២០១៣នេះ ។</p>
<p>អធិការនគរបាលខណ្ឌពោធិ៍សែនជ័យ បានបន្ដទៀតថា ក្រោយពីការចាប់ខ្លួនកម្លាំងសមត្ថកិច្ចរបស់<br />លោក បានរឹបអូសកាំភ្លើងមួយដើម ម៉ាកកា៥៤ មានគ្រាប់ ៨គ្រាប់ ថ្នាំញៀនមួយចំនួន និងម៉ូតូជិះធ្វើ<br />សកម្មភាព ម៉ាកអេសអិលមួយគ្រឿងផងដែរ ។</p>
<p>រហូតដល់ម៉ោង៣រសៀលថ្ងៃទី០១ ខែកញ្ញានេះ សមត្ថកិច្ចឃាត់បក្ខពួក ២នាក់បន្លែមទៀតរួមជាមួយ<br />ម៉ូតូមួយគ្រឿងផងដែរ ។</p>
<p>យ៉ាងណាក៏ដោយ សមត្ថកិច្ចខណ្ឌពោធិ៍សែនជ័យ មិនទាន់បានបញ្ជាក់ពីអត្ដសញ្ញាណ ជនសង្ស័យ<br />ទាំង៤នាក់ ខាងលើនេះនៅឡើយទេ ដោយបច្ចុប្បន្នពួកគេទាំង៤នាក់ ស្ថិតក្រោមការសាកសួរនៅ<br />ឡើយ នៅអធិការដ្ឋាននគរបាលខណ្ឌ ដើម្បីមានវិធានការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-030/Kosal-0002.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធដោយ៖ ដើមអំពិល</p>
</div>