<p><span style="color: #000000;">ព័ត៌មានកីឡា៖ ខ្សែការពារ Real Madrid ឈ្មោះថា Sergio Ramos វ័យ ២៩ ឆ្នាំ ថ្មីៗនេះបានធ្វើឲ្យកក្រើកសង្គមអ្នកសារព័ត៌មានជាខ្លាំងលើរឿង ទីផ្សារផ្ទេរចេញ ខណៈដែលកីឡាករបានកំពុងមាន ភាពរង្គោះចិត្ដជាមួយថ្នាក់ដឹកនាំក្រុម ។ </span></p>
<p><span style="color: #000000;">យោងតាមការអះអាងពីសារព័ត៌មានប្រចាំប្រទេសអេស្ប៉ាញបានបង្ហាញឲ្យដឹងថា ទំនាក់ទំនងរវាង ថ្នាក់ដឹកនាំកំពូល គឺលោក Florentino Perez និងកីឡាករ Sergio Ramos កំពុងតែមានភាពរង្គោះរង្គឺខ្លាំងក្លា មែនទែនហើយ ខណៈដែលសូម្បីតែលោក Pedro Riesco ដែលជាអតីតកីឡាករម្នាក់ដែលនេាះ ក៏ហ៊ានអះអាងយ៉ាងដូច្នោះដែរ ថា Sergio Ramos ក៏កំពុងតែស្វែងរកច្រកចេញពី Real Madrid ព្រោះតែគាត់យល់ថា រូបគាត់ហាក់ដូចជា មនុស្សម្នាក់ដែល អន់បំផុតហើយត្រូវទទួលរង ការទំលាក់ហុសគ្រប់យ៉ាងមកលើគាត់ ដោយមនុស្សម្នាក់នៅក្នុងក្រុម។ Pedro Riesco បានបន្ដទៀតថា អារម្មណ៍បែបនេះ ពិតជាធ្វើឲ្យពិបាកដល់គាត់ក្នុងការសម្រេចចិត្ដបន្ដ នៅទីនេះខ្លាំងណាស់។ ប៉ុន្ដែទោះបីជាយ៉ាងណា ខ្សែការពារជនជាតិ អេស្ប៉ាញម្នាក់នេះ ក៏ជាកីឡាករ ម្នាក់ដែលមានស្នាដៃនិង គុណសម្បត្ដិ សម្រាប់ក្រុមផងដែរ ។</span></p>
<p><span style="color: #000000;">ទន្ទឹមនឹងការឮដំណឹងយ៉ាងដូច្នោះ ក្រុម Man United ក៏បង្ហាញការចាប់អារម្មណ៍ជាខ្លាំងចំពោះ កីឡាករម្នាក់នោះ ហើយក៏ស្រូតទៅទំនាក់ទំនងមុនគេ ដើម្បីសម្រេចទីផ្សារផ្ទេរចេញ ដោយបង្ហាញតម្លៃខ្លួនកីឡាកររហូតដល់ទៅ ៣០ លានផោន ហើយថែមទាំងសង្ឃឹមយ៉ាងមុតមាំផងដែរថា Sergio Ramos គឺជាថ្នូរដ៏រឹងមាំជាមួយកីឡាករ David de Gea រវាង Man United នឹង Real Madrid ។ </span></p>
<p><span style="color: #000000;">គូបញ្ជាក់ផងដែរថា Sergio Ramos បានចូលខ្លួនមកកាន់ទឹកដី Real Madrid តាំងតែពីឆ្នាំ ២០០៥ មកម្ល៉េះ ហើយកីឡាករមិនមានបញ្ហាអ្វីដែលធ្ងន់ធ្ងរដូចជាពេលនេះឡើយ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/25/6-25-2015-9-04-14-am-25-06-2015--09-10-22.png"><span style="color: #000000;"><img src="/FileManager/Articles/mce/2015/6/25/6-25-2015-9-04-14-am-25-06-2015--09-10-22.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ app.onefootball </span></p>