<p><span style="color: #000000;"><strong>ភ្នំពេញ ៖</strong> បន្ទាប់ពីបានបញ្ចប់កម្មវិធី Hennessy Club Series របស់ខ្លួននៅតាមក្លឹបកម្សាន្ត ដ៏មានប្រជាប្រិយភាព មួយចំនួននៅក្នុង រាជធានីភ្នំពេញ រួចមក ក្រុមហ៊ុន Moet Hennessy (Cambodia) Co.,Ltd. បានប្រារព្ធនូវព្រឹត្តិការណ៍ដ៏អស្ចារ្យ ដែលអតិថិជនរបស់ខ្លួន បានទន្ទឹងរង់ចាំ អស់រយៈពេល ៣ខែកន្លងមក គឺកម្មវិធី HENNESSY ARTISTRY CAMBODIA 2014 នារាត្រីថ្ងៃសុក្រ ទី១២ ខែធ្នូ ឆ្នាំ២០១៤ នៅសាលបុរីកោះពេជ្រ ដែលមានការចូលរួម សម្តែងពីសំណាក់ សិល្បករ-សិល្បការិនីល្បីៗ មកពីជុំវិញពិភពលោក ។</span></p>
<p><span style="color: #000000;">កម្មវិធីដ៏អធិកអធមនេះ មានការចូលរួមសម្តែងពី កញ្ញា មាស សុខសោភា តារាចម្រៀងឈាន មុនប្រចាំផលិតកម្ម Town, ក្រុមតារាចម្រៀង Diana មកពីប្រទេសកូរ៉េខាងត្បូង ដែលមានភាពល្បីល្បាញយ៉ាងខ្លាំង នៅក្នុងវប្បធម៌ KPOP, DJ Minx មកពីប្រទេសអូស្ត្រាលី, តារាចម្រៀងរ៉េប Jin Hackman ព្រមទាំង DJ Yasmin និង DJ Andina មកពីប្រទេសឥណ្ឌូនេស៊ី និងក្រុម Katoon Network មកពីប្រទេសម៉ាឡេស៊ី ដោយពួកគេទាំងអស់គ្នា បានធ្វើឲ្យឆាកតន្រ្តី ព្រមទាំងកម្មវិធីទាំងមូល ពោរពេញដោយ ភាពកក្រើក និងសប្បាយរីករាយយ៉ាងខ្លាំង។</span></p>
<p><span style="color: #000000;">ក្រៅពីការចូលរួមសម្តែងពីសិល្បករ-សិល្បការិនីខាងលើ Hennessy Artistry 2014 បានធ្វើឲ្យអតិថិជន របស់ខ្លួន រឹតតែមានការភ្ញាក់ផ្អើល ដោយមានវត្តមាន បេក្ខជនជ័យលាភី របស់កម្មវិធីប្រឡងចម្រៀង លំដាប់ថ្នាក់អន្តរជាតិមួយ នៅក្នុងប្រទេសកម្ពុជា គឺលោក ប៊ុត សីហា បានចូលរួមសម្តែង នៅក្នុងរាត្រីដ៏អស្ចារ្យនេះផងដែរ។</span></p>
<p><span style="color: #000000;">តាមរយៈបទពិសោធន៍ដ៏អស្ចារ្យ និងទំនើបទាន់សម័យ នៅក្នុងទីក្រុងដែលមាន ជាតិសាសនចម្រុះសំខាន់ៗ នៅលើពិភពលោក រួមមានទីក្រុងញ៉ូវយ៉ក់, ឡូសអ៊ែនជឺឡែស, ម៉ាយអាមី, ម៉ូស្គូ, ហុងកុង, តៃប៉ិ, សៀងហៃ, ក្វាងចូវ, ប៉េកាំង, ហាណូយ, តូក្យូ, កូឡាឡុំាពួរ, ម៉ានីល និងហ្សាកាតា កម្មវិធី Hennessy Artistry បានក្លាយជាកម្មវិធីដំបូងគេ នៃតន្ត្រីសកលលោក ដែលគ្មានដែនកំណត់ និងសិល្បៈនៃការលាយ បញ្ចូលគ្នាជាសកល យ៉ាងពិតប្រាកដ។</span></p>
<p><span style="color: #000000;">គួររំលឹកថា ស្រា HENNESSY ត្រូវបានផលិតឡើងដោយលោក Richard Hennessy នៅក្នុងឆ្នាំ ១៧៦៥ ដោយអំណាចនៃក្តីសុបិន្ត ហើយបានក្លាយជាសា្រកូញ៉ាក់ ល្អបំផុតលំដាប់ពិភពលោក តំណាងឲ្យគុណភាព និងការឆ្នៃប្រឌិត៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/12/14/hour-519-14-12-2014--08-50-36.jpg"><img src="/FileManager/Articles/mce/2014/12/14/hour-519-14-12-2014--08-50-36.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/id-140/hour-520.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/id-140/hour-521.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/id-140/hour-522.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/id-140/hour-523.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/December/id-140/hour-524.jpg" alt="" width="600" /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/12/14/hour-525-14-12-2014--08-50-22.jpg"><img src="/FileManager/Articles/mce/2014/12/14/hour-525-14-12-2014--08-50-22.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>