<p><strong>បើយោងទៅតាមប្រភពសារព័ត៌មានមួយចំនួនដូចជា The Daily Mail និង UK's Sun <br />បាន</strong><strong>អោយដឹងថា ៖ ក្មេងប្រុស ប៉ាគីស្ថានម្នាក់ដែលមានវ័យទើបតែ ៨ ឆ្នាំ និងមានឈ្មោះ<br />ថា Shafay</strong><strong> Thobani</strong><strong> បានទទួលវិញ្ញាប័នប័ត្រ</strong><strong>បញ្ជាក់ពីក្រុមហ៊ុន Microsoft <strong>ខណៈពេល<br />ដែល</strong>មានមនុស្សមួយចំនួនផ្សេងទៀត ពិបាកនឹង</strong><strong>ទទួលបាន។ </strong></p>
<p>លើសពីនេះទៅទៀត បើយោងទៅតាមគេហទំព័រផ្ទាល់ខ្លួនរបស់គេដែលមានឈ្មោះថា Shafay ក៏<br />បាន បញ្ជាក់ផងដែរថា រូបគេបានចាប់ផ្តើមធ្វើការជាមួយកុំព្យូទ័រចាប់តាំងពីអាយុ ៤ ឆ្នាំមកម្ល៉េះ<br />ក្រោយមក នៅពេលដែលគេមានអាយុប្រមាណជាង ៧ ឆ្នាំ គេក៏បានចាប់ផ្តើមហ្វឹកហាត់ខ្លួនគេ<br />ផ្ទាល់ ដើម្បីអោយក្លាយជាអ្នកជំនាញខាង Microsoft ។</p>
<p><a class="thickbox" title="" href="/FileManager/Commons/2012/7/19/computer-whizz-kid1549394a-19-07-2012--15-15-41.jpg"><img src="/FileManager/Articles/mce/2012/7/19/computer-whizz-kid1549394a-19-07-2012--15-15-41.jpg" alt="" width="490" height="391" /></a></p>
<p>គួរបញ្ជាក់ផងដែរថា ឪពុករបស់ Shafay មានឈ្មោះថា Shah Thobani ដែលគាត់គឺជា CEO ប្រ<br />ចាំក្រុមហ៊ុនបច្ចេកវិទ្យា Thobson Technologies នៅក្នុងទីក្រុង Karachi ។ ទន្ទឹមនិងពេលនេះដែរ<br />ឪពុករូបនេះ ក៏បានផ្តល់កិច្ចសម្ភាសន៍ដល់ភ្នាក់ងារសារព័ត៌មាន The Sun ផងដែរថា ៖ ខ្ញុំពិតជា<br />មានសំណាងមែនទែន ស្របពេលដែលខ្ញុំតែងតែទទួលបាន feedback ល្អៗ ពីលោកគ្រូអ្នកគ្រូ<br />សរសើរចំពោះកូនរបស់ខ្ញុំ ហើយជារៀងរាល់ឆ្នាំខ្ញុំតែងតែលើកទឹកចិត្តគេជានិច្ច។</p>
<p><a class="thickbox" title="" href="/FileManager/Commons/2012/7/19/computer-whizz-kid1549393a-19-07-2012--15-20-42.jpg"><img src="/FileManager/Articles/mce/2012/7/19/computer-whizz-kid1549393a-19-07-2012--15-20-42.jpg" alt="" width="487" height="340" /></a><br /> <span style="color: #3366ff;"> Shafay Thobani ចេះប្រើកុំព្យូទ័រយ៉ាងស្ទាត់ជំនាញ តាំងពីអាយុ 4 ឆ្នាំមកម្ល៉េះ</span></p>
<p>មិនត្រឹមតែប៉ុណ្ណោះ បើយោងទៅតាមទីភ្នាក់ងារសារព័ត៌មានមួយផ្សេងទៀត គឺប្រភព The Daily<br />Mail បានបញ្ជាក់អោយដឹងថា ក្នុងចំណោមអ្នកដែលទទួលបានវិញ្ញាប័នប័ត្រពី Microsoft ក្មេង<br />ប្រុសវ័យ ៨ ឆ្នាំរូបនេះ គឺជាមនុស្សក្មេងជាងគេបំផុតស្របពេលដែលទទួលបានវិញ្ញាប័នប័ត្រនេះ<br /> ខណៈពេលដែលមានក្មេងដទៃទៀត ក៏ធ្លាប់ទទួលបានវាដែរ ពោលគឺ ក្មេងស្រីវ័យ ៩ ឆ្នាំជនជាតិ<br />ឥណ្ឌាមួយរូបផ្សេងទៀត។</p>
<p>ក្រឡេកមកមើល ក្មេងប្រុសដែលទើបតែទទួលបានវិញ្ញាប័នប័ត្រពីក្រុមហ៊ុន Microsoft រូបនេះវិញ<br />បើនិយាយពីអ្វីដែលគេបានសរសេរនៅក្នុងគេហទំព័ររបស់គេ ក៏ដូចជាក្តីសុបិន្ថរបស់គេនោះគឺថា<br />គេចង់ជួយពលរដ្ឋក្រីក្រនៅក្នុងប្រទេសនេះ ក៏ដូចជា ចង់ជួបលោក Bill Gates ដែលជាស្ថាបនិក<br />របស់ក្រុមហ៊ុន Microsoft ផងដែរ។ លើសពីនេះទៅទៀត គេក៏សង្ឃឹមយ៉ាងមុតមាំផងដែរថា ក្រុម<br />ហ៊ុន Microsoft នឹង ទទួលជួលគេធ្វើជាទីប្រឹក្សាផងដែរ៕</p>
<p style="text-align: right;">ដោយ ៖ មង្គល<br />ប្រភព ៖ huffingtonpost</p>