<p><strong>ភ្នំពេញ៖</strong> មូលនិធិចំនួន ១៨. ៥០០ដុល្លារ ក្នុងកម្មវិធីសប្បុរសធម៌ “មូលនិធិសម្រាប់ មន្ទីរពេទ្យគន្ធបុប្ផា” របស់ ក្រុមហ៊ុន POSH ត្រូវបានប្រគល់ជូន ដល់មន្ទីរពេទ្យ នាព្រឹកថ្ងៃទី០៦ មិថុនា ឆ្នាំ២០១៤ កន្លងទៅនេះ។</p>
<p>កញ្ញា Jennie ជាអ្នកគ្រប់គ្រងផ្នែកអភិវឌ្ឍន៍ មុខជំនួញនៃក្រុមហ៊ុន POSH បានឲ្យដឹងថា “យើងពិតជាមាន សេចក្តី សប្បាយរីករាយ ខ្លាំងបំផុតក្នុងការចូលរួម ឧបត្ថម្ភមូលនិធិដល់មន្ទីរពេទ្យ ដើម្បីសង្គ្រោះជីវិតកុមារក្រីក្រ។”</p>
<p>លោក សុខ សំអាត វេជ្ជបណ្ឌិតមន្ទីរពេទ្យគន្ធបុប្ផា បានមានប្រសាសន៍ថា ក្នុងមួយថ្ងៃ មន្ទីពេទ្យគន្ធបុប្ផា ទាំងប្រាំសាខា ទួទលព្យាបាលកុមារ និង អ្នកជម្ងឺខ្ទង់ ៣០០០នាក់ ។</p>
<p> លោកបន្តថា «ខ្ញុំពិតជាមានសេចក្តីរីករាយ ក្រៃលែងចំពោះ មូលនិធិទាំងអស់នេះពីព្រោះវាជាការរួម ចំណែកដ៏ ធំធេង ពីបណ្តាលក្រុមហ៊ុន និងសប្បុរសជនខ្មែរ នានានៅថ្ងៃនេះ ដើម្បីរួមគ្នាសង្រ្គោះជីវិតកុមារ និងប្រជាជន ក្រីក្រ»។</p>
<p>អ្នកស្រី ផល ស្រីលាភ ដែលបាននាំកូនប្រុសអាយុ៥ឆ្នាំ មកទទួលការព្យបាលនៅ មន្ទីរពេទ្យគន្ធបុប្ផា បានរៀប រាប់ថា កូនប្រុសគាត់មានជម្ងឺសួត ហើយគាត់ពុំមានលទ្ធភាព យកកូនទៅព្យាបាលនោះទេ។ ប៉ុន្តែសំណាងល្អ មានមន្ទីរពេទ្យគន្ធបុប្ផា ដែលទទួលព្យាបាលកុមារ ដោយឥតគិតថ្លៃ។</p>
<p>គួររំលឹកថាមូលនិធិទាំងអស់នេះក៏ជាការរួមចំណែក ពីបណ្តាលក្រុមសប្បុរសជន និង ក្រុមហ៊ុន ចំនួន ២៥ផ្សេង ទៀតនៅកម្ពុជាដូចជា Deam HeatWAVE Oxley Worldbridge, FCC Tous les Jours -ល- ក្នុងកម្មវិធីសប្បុរសធម៌ “មូលនិធិសម្រាប់មន្ទីរពេទ្យគន្ធបុប្ផា” កាលពីថ្ងៃទី១ មិថុនា ២០១៤ កន្លងទៅ៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-066.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-064.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-078/Lay-065.jpg" alt="Photo by DAP-News" width="500" /></p>
<p style="text-align: right;"><a href="http://lookingtoday.com/index.php/entertainment-general-news/31147-2014-06-07-06-20-52.html" target="_blank">ផ្តល់សិទ្ធដោយ ៖ ដើមអម្ពិល</a></p>