<p><strong>ក្រុងបាសេឡូណាៈ</strong> ក្លឹបម្ចាស់ជើងឯក La Liga អ្នកមានបុណ្យ FC Barcelona បានចេញសេចក្តី<br />ប្រកាស នាព្រឹក ថ្ងៃសៅរ៍ ទី២០ កក្កដានេះថា លោក Tito Vilanova បានលាលែងចេញពីតំណែង<br /> ជាគ្រូបង្វឹកក្រុម Barcelona ដើម្បីយកពេលវេលានេះ ទៅព្យាបាលជំងឺមហារីក ដ៏រ៉ាំរ៉ៃរបស់លោក។</p>
<p>ប្រធានក្លឹប Barcelona លោក Sandro Rossell បានប្រាប់ Skysport នៅក្នុងសន្និសីទសារព័ត៌មាន<br /> រយៈពេលខ្លីអមទៅដោយ ក្រុមកីឡាករផងដែរនោះ បានឱ្យដឹងថា “លោក Tito Vilanova នឹងបន្ត<br />ព្យាបាលជំងឺ ហើយគាត់នឹងមិន អាចបន្តធ្វើជាគ្រូបង្វឹក Barcelona ទៀតទេ ។ នេះជារឿងដ៏ពិបាក<br />បំផុត សម្រាប់ក្លឹប ខណៈដែលរដូវ កាលថ្មីឆ្នាំ២០១៣-២០១៤ ជិតចាប់ផ្តើមហើយនោះ។ ប៉ុន្តែយើង<br />ត្រូវតែធ្វើឱ្យបាន និងកំពុងស្វែងរកអ្នកថ្មី មកជំនួសផងដែរ” ។ លោកបានបន្ថែមថា ក្រោយពីការលា<br />លែងនេះទៅ ក្លឹបមិនទាន់ ប្រកាសភ្លាមៗទេថា អ្នកណានឹងចូលជំនួស តំណែងនេះនៅឡើយទេ<br /> ដោយពន្យាពេល រហូតដល់សប្តាហ៍ក្រោយ ឯណោះ ។</p>
<p>សូមបញ្ជាក់ថា គ្រូបង្វឹកជនជាតិអេស្ប៉ាញលោក Tito Vilanova បានចូលកាន់តំណែង ធ្វើជាគ្រូបង្វឹក<br />បង្គោលឈុតធំ Barcelona ជំនួសលោក Pep Guardiola កាលពីខែមិថុនា ឆ្នាំ២០១២ ដោយបានដឹក<br />នាំ Barcelona ឈ្នះពាន ធំ La Liga បានម្តងគត់នា ឆ្នាំ២០១៣នេះ និងនាំ Barcelona ឈានចូលវគ្គ<br />ពាក់កណ្តាល ផ្តាច់ព្រ័ត្រ២ សម័យកាលជាប់គ្នា គឺឆ្នាំ២០១២ និង២០១៣នេះ ។</p>
<p>យ៉ាងណាមិញ ក្រោយពេលបិទរដូវកាល ឆ្នាំ២០១២-២០១៣នេះ មានគ្រូបង្វឹកបាល់ទាត់ មួយចំនួន<br />បានលា លែងពីតំណែង ជាច្រើនមានដូចជា លោក Sir-Alex Ferguson របស់ ក្លឹប Man Utd ចូល<br />និវត្តន៍ ។ លោក Robert Martinez សុំចេញពីក្លឹប Wigan ដើម្បីមកដឹកនាំក្រុម Everton ក្រោយពី<br />លោក David សុំចេញពី Everton ទៅដឹកនាំក្លឹប Man Utd ជំនួសលោក Ferguson ។ តែសម្រាប់ <br />លោក Jupp Heynckes បានលាលែង ពីគ្រូបង្វឹកក្លឹប Bayern Munich របស់អាល្លឺម៉ង់ ដោយដាក់<br />ជំនួសមកវិញ ដោយលោក Pep Guardiola អតីត គ្រូបង្វឹកក្លឹប FC Barcelona របស់អេស្ប៉ាញ។</p>
<p>ដោយឡែក Manuel Pelligrini ក៏បានសុំចេញពីក្លឹប Malaga របស់អេស្ប៉ាញ ដើម្បីមកដឹកនាំក្លឹប <br />Man City ជំនួសតំណែងលោក Roberto Mancini ដែលត្រូវបានបណ្តេញ ចេញពីតំណែងនោះ និង<br />លោក Carlo Ancelotti សុំចេញពី PSG របស់បារាំង ដើម្បីមកដឹកនាំក្លឹប ស្តេចស Real Madrid <br />របស់អេស្ប៉ាញ ជំនួសកៅអី លោក Jose Mourinho ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-098/S_0647.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/BWhSzbN-zzU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/BWhSzbN-zzU&rel=1" /></object></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>