<p><strong>Hello Axiata និង Smart Mobile នឹងរួមបញ្ចូលគ្នាតែមួយ ក្លាយទៅជាក្រុមហ៊ុនធំជាង<br />គេទី2 ដែលមានសេវាគ្របដណ្តប់កាន់តែធំទូលាយ និងមានអតិថិជន </strong><strong>5</strong><strong>លាននាក់។</strong></p>
<p>Axiata Group Berhad (ហៅកាត់ថា Axiata) ជាក្រុមហ៊ុនទូរគមនាគមន៍ធំជាងគេបង្អស់មួយ<br />នៅអាស៊ី បានចេញសេចក្តីប្រកាស នៅថ្ងៃនេះ អំពីការរួមបញ្ចូលគ្នាតែមួយរវាងក្រុមហ៊ុន Hello<br /> Axiata Company Limited (ហៅកាត់ថា “Hello”) និង ក្រុមហ៊ុន Latelz Companly Limited (ហៅ<br />កាត់ថា “Latelz”)។ ការរួមបញ្ចូលគ្នានេះ នឹងបង្កើតចេញជាក្រុមហ៊ុនទូរគមនាគមន៍ ធំជាងគេ<br />បង្អស់ទី2 នៅកម្ពុជា ដែលមានអតិថិជនសរុបចំនួន 5លាននាក់។</p>
<p><a class="thickbox" title="" href="/FileManager/Commons/2012/12/13/hl-13-12-2012--14-39-24.gif"><img src="/FileManager/Articles/mce/2012/12/13/hl-13-12-2012--14-39-24.gif" alt="" width="466" height="155" /></a></p>
<p>លោក សៃម៉ុន ពើរឃីន (Simon Perkins) អគ្គនាយកប្រតិបត្តិរបស់ក្រុមហ៊ុនHello Axiata បាន<br />មានប្រសាសន៍ថា នេះគឺជាពេលវេលាដ៏ សមស្រប សំរាប់ការរួមបញ្ចូលគ្នា ក្នុងទីផ្សារ ទូរគម<br />នាគមន៍ នៅកម្ពុជា ៖ “ក្នុងពេលបច្ចុប្បន្ននេះទីផ្សារកម្ពុជាមានក្រុមហ៊ុនទូរគមនាគមន៍ ចំនួន 9<br /> ហើយយើងខ្ញុំមានជំនឿថា តាមរយៈ ការរួមបញ្ចូលគ្នា ចំនួនប្រតិបត្តិករនឹងថយចុះមក ត្រឹម 3<br /> ទៅ 5 ប៉ុណ្ណោះ។ ពេលវេលាគឺពិតសមស្របណាស់ ហើយយើងក្នុងនាមជាក្រុមហ៊ុន Smart <br />Mobile និង Hello ពិតជាមានមោទនភាពក្រៃលែង ក្នុងការធ្វើជាអ្នកនាំមុខគេនៅប្រទេសកម្ពុជា។”</p>
<p>លោក ពើរឃីន បន្តទៀតថា ការរួមបញ្ចូលគ្នានេះ នឹងធ្វើអោយក្រុមហ៊ុនកាន់តែធំ និង មាន<br />ប្រៀបលើសគេខាងផ្នែកតម្លៃ ព្រមជាមួយនឹងការ កាត់បន្ថយចំណាយណាដែលគ្មានភាពចាំបាច់។ <br />ម្យ៉ាងវិញទៀត ការរួមបញ្ចូលគ្នានេះ មុខជាជួយសំរួលដល់ការពួតផ្តុំកម្លាំងគ្នា និងការចែក<br />រំលែកគ្នាទៅវិញទៅមក នូវទំលាប់ការងារដ៏ប្រសើរបំផុត រវាង Hello Axiata និង Smart Mobile។<br />លោក ក៏បានបន្ថែមទៀតផងដែរថា “យើង ជឿជាក់ថា ការរួមបញ្ចូលគ្នា នេះនឹងធ្វើអោយក្រុម<br />ហ៊ុនយើងមានមូលដ្ឋានកាន់តែរឹងមាំ និងអនុញ្ញាត្តអោយយើងរីកចំរើនកាន់តែ ខ្លាំងឡើងៗ ថែម<br />ទៀត។”</p>
<p>លោក ថូម៉ាស ហ៊ុន (Thomas Hundt) អគ្គនាយកប្រតិបតិ្តរបស់ក្រុមហ៊ុន Latelz មានប្រសាសន៍<br />ថា ក្រុមហ៊ុនរួមនេះនឹង ផ្តល់ជូនទៅអតិថិជនទាំង 5 លាននាក់ ជាមួយនឹងផលិតផល និង សេវា<br />ចល័តថ្មីៗដែលនាំមុខគេ ដោយមានតម្លៃសមរម្យ សំរាប់ការប្រើប្រាស់សេវាទូរស័ព្ទចល័តនិយាយ<br />រកគ្នា និងការប្រើសេវាអ៊ិនធឺណេតចល័ត។ សំរាប់ការរួមបញ្ចូលគ្នានេះ Smart Mobileនាំមកនូវ<br />កិច្ចប្រតិបតិ្តការដ៏មានប្រសិទ្ឋភាព កម្លាំងការងារដ៏មានសមត្ថភាពខ្ពស់ វត្តមានពាណិជ្ជសញ្ញាដ៏<br />ខ្លាំងក្លា ព្រមទាំងមូលដ្ឋានទ្រព្យ និង ហ្រ្វេកង់កាន់តែធំទូលាយទៀតផង ។ ជាមួយគ្នានេះ Hello <br />ក៏មានមូលដ្ឋានអតិថិជនដ៏រឹងមាំ ព្រមទាំង អានុភាព និងទំហំដ៏សំបើមរបស់ Axiata Group ផង<br />ដែរ។</p>
<p>លោកហ៊ុន មានមតិបន្ថែមថា “យើងមានក្តីរំភើបរីករាយណាស់ ចំពោះលទ្ឋភាពនានាដែលលេច<br />ចេញពីការបញ្ចូលគ្នាតែមួយ ដោយបានពង្រីកសហគមន៏ ក្នុងប្រព័ន្ធ ជូនទៅដល់អតិថិជនរបស់<br />យើងទាំងអស់។ជាមួយគ្នានេះសេវាបំរើអតិថិជន នឹងកាន់តែពង្រឹងថែមទៀត ព្រមជាមួយនឹង ប្រព័ន្ធទូរគមនាគមន៍ចល័តធំជាងគេបំផុតមួយនៅប្រទេសកម្ពុជា ដែលគិតតាមតំបន់សេវាគ្រប<br />ដណ្តប់ផង និងសមត្ថភាពរបស់ប្រព័ន្ធសេវាផង ។ យើងក៏នឹងមានសាខាលក់ និង ចែកចាយធំ<br />ទូលាយ ជាងគេបង្អស់ នៅប្រទេសកម្ពុជាផងដែរ។ លោកបានបន្ថែមទៀតថា “យើងខ្ញុំសង្ឃឹមថា<br />ការរួមបញ្ចូលគ្នានេះ នឹងចប់ សព្វគ្រប់នៅចុងត្រីមាសទី 1 នៃឆ្នាំ 2013 ក្នុងកំឡុងនេះក្រុមហ៊ុន<br /> Hello និង Smart Mobile នឹងនៅតែបន្តប្រតិបត្តិការ រាងៗខ្លួនដូចមុនដដែល មិនមានប៉ះពាល់អ្វីដល់សេវាដែលអតិថិជនរបស់យើងកំពុងរីករាយទទួលបាននៅពេលបច្ចុប្បន្ននេះទេ។</p>
<p><strong>អំពី ក្រុមហ៊ុន </strong><strong>Hello Axiata</strong></p>
<p>Hello Axiata Company Limited ជាសាខាមួយរបស់ក្រុមហ៊ុន Axiata Group Berhad (ហៅកាត់<br />ថា Axiata) ដែលជាប្រព័ន្ធទូរគមនាគមន៏ចល័តធំជាងគេបំផុតមួយនៅកម្ពុជា។</p>
<p>ក្រុមហ៊ុន Hello តែងតែឈរនៅជួរមុខគេខាងគំនិតផ្តើមថ្មីៗ នៃឧស្សាហកម្មចល័តនៅកម្ពុជា ចាប់<br />តាំងពីទសវត្ស 90 រៀងមក ដែលធ្វើអោយក្រុមហ៊ុននេះមាន លក្ខណ:បច្ចេកវិជ្ជាឡើងខ្ពស់ស្មើនិង<br />ប្រទេសអភិវឌ្ឍន៏នានាក្នុងពិភពលោក។ ក្រុមហ៊ុននេះ ដំណើរការតាមសេវាចល័ត 2G, 2.5G, 3G <br />និង 3.75G អាចគាំទ្រនូវសេវា multimedia និងសេវា Internet ចល័ត ហើយនិងសេវា international<br /> roaming ទៅកាន់ប្រទេសចំនួន 147។ ក្រុមហ៊ុនមានសេវាគ្របដណ្តប់យ៉ាងទូលំទូលាយ នៅគ្រប់<br />ទីក្រុងទីប្រជុំជន គ្រប់ខេត្ត និងតាមបណ្តោយ ផ្លូវជាតិសំខាន់ៗ របស់កម្ពុជា។</p>
<p><strong>អំពី ក្រុមហ៊ុន </strong><strong>Latelz</strong></p>
<p>ក្រុមហ៊ុន Latelz Co., Ltd. ជាកម្មសិទ្ធ របស់ក្រុមហ៊ុនទូរគមនាគមន៏ អន្តរជាតិមួយ ហៅថា <br />Timeturns Holding Limited ស្ថិតនៅប្រទេសស៊ីប្រឺស ដែលទទួលបានអាជ្ញាប័ណ្ណធ្វើអាជីវកម្ម<br />ក្នុងវិស័យទូរគមនាគមន៏តាមបណ្តាប្រទេសមួយចំនួននៅទ្វីបអាស៊ី និង អាហ្វ្រិក។ Latelz ទទួល<br />បានអាជ្ញាប័ណ្ណដំណើរការអាជីវកម្ម ផ្នែកទូរគមនាគមន៏ចល័តនៅព្រះរាជាណាចក្រកម្ពុជា។</p>
<p>Latelz ប្រតិបត្តិការប្រព័ន្ធទូរគមនាគមន៍ចល័តដោយប្រើបច្ចេកវិទ្យា GSM/GPRS/EDGE នៅលើ<br />ហ្រ្វេកង់ស៍ GSM900 និង GSM1800 រួមជាមួយនឹងបចេ្ចកវិទ្យា 3.75G UMTS/HSPA+ ជាមួយពា<br />ណិជ្ជសញ្ញា Smart Mobile និងក្បាលលេខទូរស័ព្ទ 010, 069, 070, 086, 096, 093, និង 098។ <br />សេវា2G របស់ Smart Mobile គ្របដណ្តប់ទូទាំងផ្ទៃប្រទេសនៅក្នុង 24 ខេត្តក្រុង ហើយសេវា <br />3.75G ក៏មាន 24 ខេត្តក្រុង នៃព្រះរាជាណាចក្រកម្ពុជាផងដែរ។ បុគ្គលិក Smart Mobile មានចំនួន<br />ជាង 450នាក់ ក្នុងនោះមានទាំងអ្នកជំនាញក្នុងប្រទេស និង ក្រៅប្រទេស៕<br /><br /></p>
<p style="text-align: right;">ដោយ ៖ សីហា</p>