<p><span style="color: #000000;"> ភ្នំពេញ៖ ជនយុវជាប់ចោទ ជាសិស្សសាលាវិទ្យាល័យ ចំនួន២នាក់ កាលពីថ្ងៃទី២៣ ខែកុម្ភៈ ឆ្នាំ២០១៥ ត្រូវបាន សាលាដំបូងរាជធានីភ្នំពេញ ធ្វើការជំនុំជម្រះ និង កាត់ទោស បទលួចឆក់កាបូបលុយ១០៥០០០ដុល្លារអាមេរិក ពីបុរសចិនម្នាក់ បានសម្រេច ប្រព្រឹត្តនៅក្នុងរាជធានីភ្នំពេញ កាលពីអំឡុងខែតុលា ឆ្នាំ២០១៤។</span></p>
<p><span style="color: #000000;">លោកគឹម រ័ត្នណារិន ចៅក្រមជំនុំជម្រះ នៃសាលាដំបូងរាជធានីភ្នំពេញ បានឲ្យដឹងថា៖ ជនជាប់ចោទទាំង២នាក់នេះ មានឈ្មោះ ទី ១- រស់ សំបូរ ភេទប្រុស អាយុ ២៤ ឆ្នាំ ជាសិស្ស ថ្នាក់ទី ១២ នៃវិទ្យាល័យ ជា ស៊ីម សាមគ្គី និង ទី២-ឈ្មោះ វ៉ាន់ បូលីកា ភេទប្រុស អាយុ ២១« ឆ្នាំ ជាសិស្សថ្នាក់ទី១១ ។ ជនជាប់ចោទទាំង២នាក់ ត្រូវបានតុលាការ កាត់ទោសពីបទលួចឆក់ កាបូបលុយ ដែលមានលុយចំនួន ១០៥០០០ (១០ម៉ឺន៥ពាន) ដុល្លារអាមេរិក ពីបុរសជនជាតិចិនម្នាក់ កាលពីថ្ងៃទី៦ ខែតុលា ឆ្នាំ២០១៤ នៅក្នុងរាជធានីភ្នំពេញ។</span></p>
<p><span style="color: #000000;">លោកចៅក្រមបានបញ្ជាក់ថា៖ ជនជាប់ជាអ្នកទោសទាំងពីរនាក់ ត្រូវបានចោទប្រកាន់ ពីតំណាងអយ្យការពីបទ «លួច» មត្រា៣៥៣ នៃក្រមព្រហ្មទណ្ឌកម្ពុជា និងត្រូវបានចាប់ខ្លួន ដោយសមត្ថកិច្ចនគរបាលព្រហ្មទណ្ឌ នៃក្រសួងមហាផ្ទៃ កាលពីអំឡុងខែវិច្ឆិកា ឆ្នាំ២០១៤ តាមបណ្តឹងរបស់ជនរងគ្រោះ។</span></p>
<p><span style="color: #000000;">តុលាការនឹងប្រកាសសាលក្រម នៃសំណុំរឿងក្តីនេះ នៅថ្ងៃទី៥ ខែមីនា ២០១៥ខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/24/2-24-2015-4-20-18-pm-24-02-2015--16-24-44.png"><img src="/FileManager/Articles/mce/2015/2/24/2-24-2015-4-20-18-pm-24-02-2015--16-24-44.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>