<p><span style="color: #000000;"><strong>ភ្នំពេញ ៖</strong> ម៉ូតូស្កុបពីចំនួនពីរគ្រឿង ត្រូវ បានជនសង្ស័យ៤នាក់ ប្រដាប់ដោយកាំភ្លើង ខ្លីបានភ្ជង់និងប្លន់យក ទៅដោយ សុវត្ថិភាពពី ជនរងគ្រោះប្រុសស្រី៤នាក់ ជាក្រុមយុវវ័យ កាលពីវេលាម៉ោង ២និង ១៥នាទីរំលងអាធ្រាត្រ ឈានចូលថ្ងៃទី១៧ ខែមីនា ឆ្នាំ២០១៥ ស្ថិតនៅក្រោយប៉ុស្ដិ៍រដ្ឋបាលបឹងព្រលឹតខណ្ឌ ៧មករា ។</span></p>
<p><span style="color: #000000;">យុវជនទេស ភារុណ ដែលជនរងគ្រោះ នៅក្នុងអំពើប្លន់ប្រដាប់អាវុធខាងលើនេះ បាននិយាយថា ខណៈដែលរូបគេនិងមិត្ដភក្ដិ ស្រី៣នាក់ផ្សេងទៀត ជិះម៉ូតូស្កុបពីពីរគ្រឿង ចេញពីដើរលេងកំសាន្ដនៅមជ្ឈមណ្ឌលកោះពេជ្រ លុះពេលធ្វើដំណើរ ដល់កន្លែងកើតហេតុនោះ ស្រាប់ចេញមុខជនសង្ស័យ៤នាក់ ប្រដាប់ដោយកាំភ្លើងខ្លីមកភ្ជង់ហើយប្លន់ យកម៉ូតូជិះគេច ខ្លួនដោយសុវត្ថិភាព ។</span></p>
<p><span style="color: #000000;">យុវជនរូបនេះ បានបន្ដទៀតថា ម៉ូតូរបស់ខ្លួន ម៉ាកស្កុបពី ពាក់ស្លាកលេខ ភ្នំពេញ 1CH-5722 និងមួយ គ្រឿងទៀត ដែលមិត្ដភក្ដិស្រីជិះឌុបគ្នា ត្រូវបានក្រុមចោរប្លន់យកទៅទាំងពីរតែម្ដង ។</span></p>
<p><span style="color: #000000;">ក្រោយកើតហេតុជនរងគ្រោះ ដែលដើរ លេងកំសាន្ដពេលយប់អាធ្រាត្រនេះ បានទៅ ដាក់ពាក្យបណ្ដឹង នៅសមត្ថកិច្ចមូលដ្ឋាន ដើម្បីឱ្យជួយតាមស្វែង រកម៉ូតូរបស់ខ្លួនមកវិញ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/17/3-17-2015-12-02-23-pm-17-03-2015--12-07-13.png"><img src="/FileManager/Articles/mce/2015/3/17/3-17-2015-12-02-23-pm-17-03-2015--12-07-13.png" alt="" /></a></span></p>
<p style="text-align: center;"><span style="color: #000000;">រូបភាព ឯកសារ</span></p>
<p style="text-align: right;"><span style="color: #000000;"><br />ផ្ដល់សិទ្ធដោយ ៖ ដើមអម្ពិល</span></p>