<div class="article-content">
<p><strong>ភ្នំពេញ ៖</strong> វាជារឿងដ៏គួរឱ្យរន្ធត់ និងនឹក ស្មានមិនដល់មួយ ដោយសារតែស្ដ្រីម្នាក់ដាច់ចិត្ដ យក<br />កាំបិតចុងស្រួចចាក់ចំពោះខាង ស្ដាំរបស់ខ្លួន ទាំងខ្លួនមានផ្ទៃពោះ ៥ខែ ព្រោះតែមានជម្លោះជា<br />មួយប្ដីរឿងប្រចណ្ឌ បណ្ដាលឱ្យរងរបួសធ្ងន់ត្រូវបងប្អូនដឹកបញ្ជូនភ្លាមៗ ទៅកាន់មន្ទីរពេទ្យកាល់<br />ម៉ែត ដើម្បីជួយ សង្គ្រោះ ប៉ុន្ដែ លទ្ធផលស្ដ្រីជាម្ដាយបានរួច ពីសេចក្ដីស្លាប់ ខណៈដែលកូននៅ<br />ក្នុងផ្ទៃបានបាត់បង់ជីវិត ក្រោយពេលការ វះកាត់របស់ក្រុមគ្រូពេទ្យ ។</p>
<p>ការចាក់ពោះខ្លួនឯង ជាប់កាំបិតព្រោះ តែរឿងប្រចណ្ឌប្ដីខាងលើនេះ បង្កឱ្យមានការភ្ញាក់ផ្អើល<br /> ដល់ប្រជា ពលរដ្ឋនៅក្បែរខាងកាលពីវេលាម៉ោង ៦និង១០នាទីព្រឹក ព្រលឹម ថ្ងៃទី២៦ ខែសីហា <br />ឆ្នាំ២០១៣ នេះ ស្ថិតនៅផ្ទះលេខ ១៧ ផ្លូវលេខ ១៥៦ ភូមិ៦ សង្កាត់វាលវង់ ខណ្ឌ ៧មករា ។</p>
<p>អធិការនគរបាល ខណ្ឌ ៧មករា លោក យិន សាន បានថ្លែងថា ករណីខាងលើនេះ ផ្ដើមចេញ<br />ដោយសារ តែស្ដ្រីរងគ្រោះរូបនេះ ប្រចណ្ឌប្ដីរបស់ខ្លួន ហើយយកកាំបិតចុង ស្រួចចាក់ខ្លួនឯង<br />ត្រូវសាច់ញាតិនិងប្រជាពលរដ្ឋនៅក្បែរ ជួយដឹកភ្លាមៗទៅកាន់មន្ទីរពេទ្យដើម្បីជួយសង្គ្រោះ។</p>
<p>បើតាមលោក យិន សាន ពីរនាក់ប្ដី- ប្រពន្ធ កើតមានជម្លោះនៅព្រឹកព្រលឹមថ្ងៃ ទី២៦ ខែសីហា<br /> ឆ្នាំ២០១៣ នេះ ហើយក៏ កើតមានករណីនេះតែម្ដងទៅ ដែលនឹកស្មាន មិនដល់ចំពោះការធ្វើ<br />សកម្មភាពបែបនេះ របស់ ស្ដ្រីជាភរិយា ។</p>
<p>យោងតាមប្រភពព័ត៌មាន ពីសាច់ញាតិ ស្ដ្រីរងគ្រោះឱ្យដឹងថាស្ដ្រីរូបនេះឈ្មោះ ផន ស៊ីផានថា<br /> អាយុ ២៨ឆ្នាំ រីឯប្ដីឈ្មោះ ហោ លាង អាយុ ២៩ឆ្នាំ មុខរបរ ជាជាង ជួសជុលរថយន្ដ ។</p>
<p>យោងតាមប្រភពព័ត៌មានពីសាច់ញាតិ ស្ដ្រីរងគ្រោះបានលួចបង្ហើបថា ស្ដ្រីរូបនេះ មានជំងឺឆ្កួត<br />ជ្រូកផងដែរ ហើយនៅពេលខ្លះ តែងតែធ្វើរឿងរ៉ាវ នឹកស្មានមិនដល់ ហើយ នៅពេលនេះ បែរ<br />ជាយកកាំបិតចុងស្រួច ចាក់ចំពោះខ្លួនឯងយ៉ាងដូច្នេះ។ យ៉ាងណាក៏ ដោយ ប្រភពព័ត៌មានពី<br />គ្រូពេទ្យកាល់ម៉ែត បានឱ្យដឹងថាក្រោយពីធ្វើការវះកាត់ស្ដ្រីរូបនេះបានរួចពីសេចក្ដីស្លាប់ ប៉ុន្ដែ <br />កូននៅក្នុង ផ្ទៃបានស្លាប់បាត់ទៅហើយ ហើយនេះជា កូនទី២ នៅក្នុងគ្រួសារ ប៉ុន្ដែ មិនទាន់<br />បាន ឃើញពន្លឺថ្ងៃផង ក៏ស្លាប់ទៅវិញក្នុងផ្ទៃ ម្ដាយ។ បច្ចុប្បន្នស្ដ្រីរងគ្រោះរូបនេះស្ថិត ក្រោម<br />ការសង្គ្រោះបន្ដរបស់ក្រុមគ្រូពេទ្យ នៅមន្ទីរពេទ្យកាល់ម៉ែត ៕</p>
<p style="text-align: center;"><img title="" src="http://image.dap-news.com:81/dap-news/dap-images/2013/August/id-009/S-141.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>