<div class="article-content">
<p><a href="/News/Detail/31708/local-news" target="_blank"><span style="color: #0000ff;">- អាន ៖ ឧបនាយករដ្ឋមន្រ្តី ទៀ បាញ់ ចុះទៅកាន់មន្ទីរពេទ្យ កេតុមាលា ក្រោយផ្ទុះរឿងជួញ ដូរក្រលៀនមនុស្ស</span></a></p>
<p>ភ្នំពេញ៖ ប្រភពព័ត៌មានពីក្រុមគ្រូពេទ្យ នៅមន្ទីរពេទ្យ ព្រះកេតុមាលា បានលួចបង្ហើបឲ្យដឹងនៅរសៀលថ្ងៃអាទិត្យនេះថា ការជួញដូរក្រលៀននៅក្នុងមន្ទីរពេទ្យនេះ មានរយៈពេលជាង ១ឆ្នាំមកហើយ ដោយក្នុងមួយខែ មានករណីវះកាត់ដូរក្រលៀនពី ៣-៥នាក់ ដោយវះកាត់ប្រើប្រាស់អគារមួយ ដែលជាអំណោយរបស់រដ្ឋាភិបាលចិន។</p>
<p>ប្រភពព័ត៌មានខាងលើនេះបានបញ្ជាក់ថា តម្លៃដូរក្រលៀនមួយ ពី ៣៥.០០០ ទៅ ៤០.០០០ដុល្លារ ហើយអ្នកដូរភាគច្រើនមកពីប្រទេសចិន ចំណែកអ្នកលក់គឺជនជាតិខែ្មរ ហើយអ្នកលក់បានប្រាក់ត្រឹមតែ ៥០០០ដុល្លាតែប៉ុណ្ណោះ។ សមត្ថកិច្ចបានបញ្ជាក់ថា រហូតមកដល់ពេលនេះ ពាក់ព័ន្ធនឹងករណី ជួញដូរក្រលៀនមនុស្សនេះ ចាប់ឃាត់ខ្លួនមនុស្សចំនួន ៥នាក់ហើយ ក្នុងនោះប្រុស៤ និងស្រីម្នាក់ ចំណែកលោក លី សុវណ្ណ ប្រធានមន្ទីរពេទ្យខាងលើនេះ អាចនឹងជាប់ពាក់ព័ន្ធផងដែរ៕</p>
<p><a href="/News/Detail/31708/local-news" target="_blank"><span style="color: #0000ff;">- អាន ៖ ឧបនាយករដ្ឋមន្រ្តី ទៀ បាញ់ ចុះទៅកាន់មន្ទីរពេទ្យ កេតុមាលា ក្រោយផ្ទុះរឿងជួញ ដូរក្រលៀនមនុស្ស</span></a></p>
</div>
<p style="text-align: right;"><a href="http://www.dap-news.com/2011-06-14-02-39-55/92495-2014-08-10-10-56-30.html" target="_blank">ផ្តល់សិទ្ធដោយ ៖ ដើមអម្ពិល</a></p>