<p class="msg Nth"><strong>ភ្នំពេញ៖</strong> នារីម្នាក់រងរបួសធ្ងន់ ក្នុងហេតុការណ៍គ្រោះថ្នាក់ចរាចរដ៏រន្ធត់មួយ ដែលបង្កឡើង<br />ដោយរថយន្តសាំងយ៉ុងមួយគ្រឿង បុកជាមួយម៉ូតូ អាយខុន បណ្តាលឲ្យម៉ូតូខ្ទាតចូលក្រោម<br />រថយន្ត កាលពីវេលាម៉ោង១១និង៤០នាទី ថ្ងៃទី២៥ ខែធ្នូ ឆ្នាំ ២០១២ តាមបណ្តោយផ្លូវលេខ<br />៤៦០ កែង លេខ១៥៥ ស្ថិតក្នុងសង្កាត់ទួលទំពូង១ ខណ្ឌចំការមន ។</p>
<p class="msg Nth">សាក្សីនៅកន្លែងកើតហេតុ បានឲ្យដឹងថា មុនពេលកើតគេឃើញរថយន្តមួយគ្រឿង ម៉ាកតួរីស<br /> ពណ៌សំបកឪឡឹក ពាក់ស្លាកលេខ ភ្នំពេញ 2P1311 បើកបរដោយបុរសម្នាក់ ក្នុងទិសដៅពីលិច<br />ទៅកើត ក្នុងល្បឿនមធ្យម តាមបណ្តោយផ្លូវលេខ៤៦០ លុះបើកមកដល់ចំណុចផ្លូវកែង លេខ<br />១៥៥ ក៏បុកម៉ូតូមួយគ្រឿង ម៉ាកអាយខុន ពណ៌ខ្មៅលាយក្រហម ពាក់ស្លាកលេខភ្នំពេញ 1AB6413<br /> បើកបរដោយនារីម្នាក់ ក្នុងទិសដៅពីត្បូងទៅជើង ក្នុងល្បឿនមធ្យមបណ្តាលឲ្យម៉ូតូខ្ទាត ចូលក្រោម<br />ក្បាលរថយន្ត នារីជាម្ចាស់ម៉ូតូបានរងបួសធ្ងន់ ចំណែកម៉ូតូរងការខូចខាតយ៉ាងដំណំ និងរថយន្តបែក<br />ចង្កៀងខាងមុខ ផ្នែកខាងស្តាំ។</p>
<p class="msg Nth">ភ្លាមៗនោះ នារីរងគ្រោះត្រូវបាន ដឹកតាមរ៉ឺម៉កម៉ូតូកង់បី យកទៅសង្គ្រោះបន្ទាន់នៅមន្ទីរពេទ្យ។ <br />ចំណែកម៉ូតូ និងរថយន្ត ត្រូវបានសមត្ថកិច្ចមូលដ្ឋាន សហការជាមួយនគរបាល ចរាចររាជធានីភ្នំ<br />ពេញ ចុះធ្វើការវាស់វែង ដកហូតយកទៅរក្សាទុក នៅការិយាល័យនគរបាលចរាចរជើងគោក រាជ<br />ធានី ភ្នំពេញ ដើម្បីដោះស្រាយ តាមនិតិវិធីច្បាប់។ នៅក្នុងហេតុការណ៍គ្រោះថ្នាក់ដ៏រន្ឋត់នេះ មិន<br />បណ្តាលឲ្យនរណាម្នាក់ រងគ្រោះថ្នាក់ដល់ជីវិត នោះទេ។ ទាំងអ្នកបើករថយន្តបង្ក និងនារីរងគ្រោះ មិនត្រូវបានស្គាល់អត្តសញ្ញាណនោះឡើយ៕</p>
<p class="msg Nth"><a class="thickbox" title="" href="/FileManager/Commons/2012/12/25/that-0547-25-12-2012--15-28-43.jpg"><img src="/FileManager/Articles/mce/2012/12/25/that-0547-25-12-2012--15-28-43.jpg" alt="" /></a></p>
<p class="msg Nth"><a class="thickbox" title="" href="/FileManager/Commons/2012/12/25/that-0549-25-12-2012--15-28-57.jpg"><img src="/FileManager/Articles/mce/2012/12/25/that-0549-25-12-2012--15-28-57.jpg" alt="" /></a></p>
<p class="msg Nth" style="text-align: right;">ផ្តល់សិទ្ធិដោយ៖<a href="http://www.dap-news.com/2011-06-14-02-39-55/54924-2012-12-25-06-44-03.html"><span style="color: #0000ff;"> ដើមអំពិល</span></a></p>