<p><span style="color: #000000;"><strong>ភ្នំពេញៈ</strong> បន្ទាប់ពីគេហទំព័រ LookingTODAY បានចុះផ្សាយ អត្ថបទមួយ មានចំណងជើងថា “ឡុង ប៊ុនហេង ស្ងាត់ៗលួចបង្កាត់ ភ្លើងស្នេហ៍ ជាមួយនារីសម្បូរទ្រព្យ ” មិនបានមួយសប្តាហ៍ផង តារារូបនេះ ក៏បានប្រញាប់ប្រញាល់ ចេញមុខបកស្រាយ ការពិតថា លោកមិនបានផ្អាក ការងារសិល្បៈទៅសម្ងំ បង្កាត់ភ្លើងស្នេហ៍ ជាមួយនារីរូបស្អាតសម្បូរទ្រព្យណាម្នាក់ ដូចការលើកឡើង នោះឡើយ ។</span></p>
<p><span style="color: #000000;">តារាសម្តែង និងជាតារាបង្ហាញម៉ូដ ក្នុងក្រុម Pop Model លោក ឡុង ប៊ុនហេង នៅថ្ងៃទី២៦ ខែតុលា ម្សិលមិញនេះ បាន ប្រាប់គេហទំព័រ LookingTODAY ដោយបានបដិសេធចោលយ៉ាង ដាច់អហង្ការថា រូបលោកនិងនារី នៅក្នុងរូបថត ដែលមានព័ត៌មាន ចុះផ្សាយថា ជាគូស្នេហ៍របស់លោកនោះ មិនមែនជាការពិតទេ ទំនាក់ទំនងរវាងពួកលោក ទាំងពីរនាក់ រាប់អានគ្នាត្រឹមតែ ជាបងប្អូននិងជាមិត្តភក្តិតែប៉ុណ្ណោះ គ្មានអ្វីស៊ីជម្រៅ ច្រើនជាងនេះទេ ។</span></p>
<p><span style="color: #000000;">លោក ប៊ុនហេង បានប្រាប់ឲ្យដឹងទៀតថា “នារីដែលថត រូបបែបស្និទ្ធស្នាល ជាមួយខ្ញុំធ្វើឲ្យទស្សនិកជន មានការយល់ច្រឡំ ថាពួកខ្ញុំ មានស្នេហានោះ មិនមែនជាការពិតទេ តាមពិតទៅគាត់ (នារីរូបស្អាត) មានស្វាមី និងកូន២នាក់រួចទៅហើយដែលស្វាមីរបស់គាត់ទៀតសោត គឺជាម្ចាស់ក្លឹប RCA ដែលខ្ញុំកំពុងតែធ្វើការនេះតែម្តង” ។</span></p>
<p><span style="color: #000000;">តារាប្រុសរូបនេះ បានប្រាប់ឲ្យដឹងទៀតថា ចំណែករូបថត ដែលពួកលោកបង្ហោះ នៅលើបណ្តាញ ទំនាក់ទំនងសង្គម Facebook នោះ គ្រាន់តែជាការថតរូបលេងៗ ក្នុងនាមជាអ្នករាប់អានគ្នាធម្មតាដូចគេដូចឯងដែរ ។ ម្យ៉ាងទៀតការបង្ហាញ រូបថត នោះគឺលោកមិនមាន បំណងចង់ឲ្យមានការយល់ច្រឡំ អ្វីឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/27/hour-107-27-10-2014--16-39-24.jpg"><img src="/FileManager/Articles/mce/2014/10/27/hour-107-27-10-2014--16-39-24.jpg" alt="" /></a></span></p>
<p><a class="thickbox" title="" href="/FileManager/Commons/2014/10/27/hour-108-27-10-2014--16-39-34.jpg"><img src="/FileManager/Articles/mce/2014/10/27/hour-108-27-10-2014--16-39-34.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/27/hour-107-27-10-2014--16-39-24.jpg"></a></span></p>
<p><a class="thickbox" title="" href="/FileManager/Commons/2014/10/27/hour-109-27-10-2014--16-39-42.jpg"><img src="/FileManager/Articles/mce/2014/10/27/hour-109-27-10-2014--16-39-42.jpg" alt="" /></a><span style="color: #000000;"><br /></span></p>
<p><span style="color: #000000;">ផ្តល់សិទ្ធដោយ ៖ ដើមអម្ពិល</span></p>