<p><span style="color: #000000;">ព័ត៌មានអន្តរជាតិ ៖ ស្ថាបនិក ក៏ដូចជា នាយកប្រតិបត្តិក្រុមហ៊ុន អាកាសចរណ៍ Korean Air បានចេញ មុខមកសុំទោសជាផ្លូវការ និងសាធារណៈ កាលពីថ្ងៃសុក្រ ចុងសប្តាហ៍កន្លងទៅនេះ ពាក់ព័ន្ធនឹងរឿង អាស្រូវដែលកូនស្រីរបស់លោកបានបង្កឡើង ពោល ធ្វើអោយមានការពន្យា ពេលនូវជើងហោះហើរ កាលពីថ្ងៃចុងសប្តាហ៍ ក៏ព្រោះតែនាងមិនសប្បាយចិត្ត ទៅនឹង វិធី ក៏ដូចជា របៀប ក្នុងការបម្រើជូននូវ គ្រាន់ធញ្ញជាតិជូនដល់នាង អំឡុងពេលដែលអង្គុយនៅក្នុង បន្ទប់កាប៊ិន យន្តហោះ First Class ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/15/50-15-12-2014--14-29-36.jpg"><img src="/FileManager/Articles/mce/2014/12/15/50-15-12-2014--14-29-36.jpg" alt="" /></a><br /></span></p>
<p><span style="color: #000000;">លោក Cho Yang-ho អះអាងអោយដឹងថា លោកនឹងធ្វើការពិចារណាក្នុងការដកកូនស្រីរបស់ខ្លួនចេញ ពីមុខតំណែងទាំងអស់នៅក្នុងក្រុមហ៊ុន ដោយអនុលោមទៅតាមការលើកឡើងរបស់កូនស្រីខ្លួនឈ្មោះ Heather Cho ស្នើលាលែងចេញពីតំណែង អនុប្រធានក្រុមហ៊ុន អាកាសចរណ៍កូរ៉េមួយនេះខណៈនាង ខ្លួនឯងផ្ទាល់ មានតួនាទីគ្រប់គ្រងលើសេវាកម្ម in-flight service ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/15/51-15-12-2014--14-29-45.jpg"><img src="/FileManager/Articles/mce/2014/12/15/51-15-12-2014--14-29-45.jpg" alt="" /></a><br /></span></p>
<p><span style="color: #000000;">ដោយយោងតាម និង អនុលោមទៅតាម អ្វីដែលជារបកគំហើញជាក់ស្តែង នូវទោសកំហុសកូនស្រីខ្ញុំ បាទ រកឃើញដោយ ក្រសួងគមនាគមន៍ និង ក្រុមព្រះរាជអាជ្ញា ខ្ញុំបាទនឹងសម្រេចចិត្តបញ្ឈប់តំណែង កូនស្រីរបស់ខ្លួន ពីមុខតំណែង អនុប្រធានក្រុមហ៊ុន ផ្ទាល់តែម្តង នេះ បើ យោងតាមសម្តី ស្ថាបនិក ក៏ដូចជា នាយកប្រតិបត្តិក្រុមហ៊ុន អាកាសចរណ៍ Korean Air លោក Cho Yang-ho ថ្លែងនៅក្នុងសុន្ទរ កថា សន្និសាទសារព័ត៌មាននៅឯ ទីស្នាក់ការកណ្តាលក្រុមហ៊ុន នាទីក្រុង សេអ៊ូល ប្រទេស កូរ៉េខាង ត្បូង ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/15/52-15-12-2014--14-29-53.jpg"><img src="/FileManager/Articles/mce/2014/12/15/52-15-12-2014--14-29-53.jpg" alt="" /></a><br /></span></p>
<p><span style="color: #000000;">ដោយឡែក មកទល់នឹងបច្ចុប្បន្នភាព ថ្ងៃអាទិត្យទី ១៤ ម្សិលមិញនេះ កូនស្រីនាយកប្រតិបត្តិក្រុមហ៊ុន អាកាសចរណ៍ខាងលើ បានជួបនឹងប្រធាន សហសេវិក ក្រុមបម្រើការលើ យន្ត ហោះ គោលបំណងធ្វើ ការសុំទោសដោយផ្ទាល់ទៅលើអ្វីដែលជាកំហុសឆ្គងរបស់នាង ក្នុងការ ទាត់សហសេវិក ចេញពីយន្ត ហោះក៏ដូចជា ពន្យាពេលហោះហើរ យន្តហោះ ទាក់ទិនទៅនឹងកំហឹងក្រេវ ក្រេោធ ស្តីពី របៀបក្នុងការ បម្រើជូនគ្រាប់ធញ្ញជាតិ ដល់រូបនាង ។ មិនត្រឹមតែប៉ុណ្ណោះ មានការគូសបញ្ជាក់អោយដឹងថានាងបាន បង្ខំ អោយសហសេវិក ភេទប្រុសរូបនោះ លុតជង្គង់ចុះ និងអោយសុំការអភ័យទោសថែមទៀតផង ។ </span></p>
<p><span style="color: #000000;">គួរបញ្ជាក់ថា ជាលទ្ធផល កូនស្រីនាយកប្រតិបត្តិក្រុមហ៊ុន រូបនេះ បានសម្រេច ចិត្តលាលែងចេញពីតំ ណែង និងចេញមុខមកសុំទោសជាសាធារណៈ ចំពោះអ្វីដែលខ្លួនបានប្រព្រឹត្តិ ខណៈប្រឈមជាខ្លាំង ជាមួយនឹងមតិរិះគន់យ៉ាងចាស់ដៃ ពីសំណាក់ពលរដ្ឋស៊ីវិល និងប្រឈមជាមួយនឹងការរកឃើញទោស កំហុសពីសំណាក់ ក្រុមព្រះរាជអាជ្ញា ។ គួររំឮកថា ស្ថិតនៅក្នុងវ័យ ៤០ កូន ស្រី នាយកក្រុមហ៊ុនមួយ នេះបានពន្យាពេលយន្តហោះ ធ្វើការហោះហើរ ខណៈមានបញ្ហាប្រឈម ជាមួយ នឹង ក្រុមសហសេវិក ក្នុងការបម្រើជូននូវគ្រាប់ធញ្ញជាតិជូនដល់នាង ដោយរក្សាទុក នៅក្នុងហ៊ៅបៅ ជាជាងរក្សាទុកនៅក្នុង ចាន ក្នុងនោះ នាងបានបង្ខំអោយ បុគ្គលិក សហសេវិក លុតជង្គង់ចុះ និង សុំអភ័យទោស ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អាស៊ីវ័ន និង Channelnewsasia</span></p>