<p><strong> ភ្នំពេញ៖</strong> តារាចម្រៀងវ័យក្មេង របស់ផលិតកម្ម ថោន កញ្ញា អេននី ហ្សាម ខណៈដែលអាជីពសិល្បៈ កំពុងតែមានសន្ទុះហក់ឡើង ទៅមុខគួរកត់សម្គាល់ នៅក្នុងអំឡុងមួយឆ្នាំចុងក្រោយនេះ ស្រាប់ជួបប្រទះបញ្ហារឿងរ៉ាវ ស្នេហាជីវិតឯកជន បន្តបន្ទាប់ជាមួយបុរសកូន អ្នកមានអំណាច និងមានទ្រព្យស្តុកស្តម្ភក្នុងស្រុក។ ប៉ុន្តែព័ត៌មានទាំងនេះ ត្រូវបានច្រានចោលភ្លាមៗ ពីសំណាក់តារាស្រី អេននីហ្សាម ថា ជារឿងមិនពិត ។</p>
<p>ជារឿយៗបើទោះបីជា មានការចេញមុខបកស្រាយ និង ច្រានចោលពីសំណាក់ កញ្ញា អេននី ហ្សាម ជុំវិញ ការចោទប្រកាន់ រឿងលួចមានទំនាក់ទំនងស្នេហា ក្រៅឆាកយ៉ាងនេះ ក៏ពិតមែនតែមិនយូរប៉ុន្មាន នៅតែ បន្ត លេចឮដំណឹងថ្មី ជាបន្តបន្ទាប់ថា នាងបានលួចសាងស្នេហ៍ស្ងាត់ៗ ជាមួយអ្នកនេះ ជាមួយអ្នកនោះ មានទាំងបុរសក្នុងស្រុក និងក្រៅស្រុកមិនចេះចប់មិនចេះហើយសោះ។</p>
<p>ដោយហេតុតែរឿងទាំងនោះ ចេះតែកើតឡើងមកលើនាងដដែល ទើបពេលខ្លះមិនបានធ្វើឱ្យកញ្ញា អេននី ហ្សាម អើពើឈឺក្បាលវិលមុខ នឹងរឿងអស់ទាំងនេះទៀតឡើយ។ ប៉ុន្តែទើបតែថ្មីៗនេះ ធ្លាយដំណឹង ដ៏ រសើបមកថា អេននី ហ្សាម កំពុងមានស្នេហាភេទដូចគ្នា ស្របពេលគេធ្លាប់ ឧស្សាហ៍ឃើញនាង ដើរហើរ ជាមួយនារីម្នាក់ ជាញឹកញាប់ព្រមទាំង បង្ហាញកាយវិការស្អិតល្មួត ខុសពីធម្មតាទៀតផង។</p>
<p>ការបែកធ្លាយ រឿងទំនាក់ទំនងស្នេហា ខុសធម្មជាតិរបស់ កញ្ញា អេននី ហ្សាម នេះបានលេចឡើង ក្រោយ ពីគេឧស្សាហ៍ឃើញ នាងបង្ហាញភាពសិ្នទ្ធស្នាល ជាមួយស្រី្តវ័យប្រហែលនាងម្នាក់ ហើយពេលខ្លះ គេ ក៏សង្កេត ឃើញអ្នកពីរ ហាក់មានភាពចុះសម្រុង ផ្អែមល្ហែមជាមួយគ្នាប្រៀបដូចគូស្នេហ៍ រវាងប្រុស -ស្រី កំលោះក្រមុំ។</p>
<p>ផ្អែកតាមប្រភព និយាយរអេចរអូច ពីមាត់មួយទៅមាត់មួយ បានឲ្យដឹងថា រឿងដែលគេមានការសង្ស័យ ថា អេននី ហ្សាម មានទំនាក់ទំនង ស្នេហាក្រៅឆាក ជាមួយមនុស្សស្រីភេទ ដូចគ្នានោះ ព្រោះនាងតែងបង្ហាញវត្តមានលក្ខណៈជាគូពីរនាក់ ជាមួយនឹងស្រី្ត វ័យប្រហែលគ្នាញឹកញាប់។ ម្យ៉ាងទៀតនៅពេល មានបុរសតាម សុំស្នេហ៍ នាងតែងតែប្រកែក ដោយយកលេសថា មិនទាន់ចង់គិតពីរឿងនេះ ។</p>
<p>ប្រភពបានបន្តថា តារាចម្រៀង អេននី ហ្សាម នាពេលកន្លងមក កម្រឃើញបង្ហាញភាពសិ្នទ្ធស្នាល ជាមួយបុរសណាម្នាក់ រហូតធ្វើឲ្យទស្សនិកជនមួយចំនួន លើកឡើងថា មូលហេតុ ដែលធ្វើឲ្យនាងមិន មានទំនាក់ទំនង ស្នេហាជាមួយបុរស គឺដោយសារតែនាងមានម្ចាស់ចិត្តរួចទៅហើយ គ្រាន់តែនាងមិនហ៊ាន បើកចំហ ព្រោះស្នេហា នោះខុសធម្មជាតិ។</p>
<p>ជុំវិញព័ត៌មានលេចឮខាងលើនេះ នៅរសៀលថ្ងៃទី៣០ ខែមេសា ឆ្នាំ២០១៤នេះ គេហទំព័រ LookingTODAY មិនអាចសុំការបំភ្លឺពី កញ្ញា អេននី ហ្សាម បាននៅឡើយទេ ព្រោះលេខទូរស័ព្ទរបស់នាង នៅពេលខលចូល តែគ្មានអ្នកទទួល។ LookingTODAY ស្វាមគមន៍ ចំពោះការចេញមុខបំភ្លឺ ពីសំណាក់ កញ្ញា អេននី ហ្សាម នៅពេលក្រោយ ដោយក្ដីរីករាយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-030/Kosal-0010.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-030/Kosal-0011.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-030/Kosal-0012.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-030/Kosal-0013.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-030/Kosal-0014.jpg" alt="" width="500" /></p>
<p style="text-align: right;"><a href="http://www.lookingtoday.com/index.php/entertainment-general-news/29923-2014-05-01-11-37-21.html" target="_blank">ផ្តល់សិទ្ធដោយ ៖ ដើមអម្ពិល</a></p>