<p>មុខឡើងក្រហមនៅពេលញ៉ាំស្រា ឬស្រាបៀរ គឺជាប្រតិកម្មមួយដែលកើតមាននៅលើមនុស្ស<br />ជាច្រើន ប៉ុន្ដែយោងតាមក្រុមអ្នកឯកទេសមកពីសកលវិទ្យាល័យជាតិ Chungnam របស់កូរ៉េខាង<br />ត្បូង រកឃើញថា វាអាចជាសញ្ញាព្រមានអំពីហានិភ័យនៃការរីកចម្រើនរបស់ជម្ងឺសម្ពាធឈាម<br />ខ្ពស់។</p>
<p style="text-align: center;"><br /> <a class="thickbox" title="" href="/FileManager/Commons/2013/11/25/ហ-25-11-2013--15-46-10.jpg"><img src="/FileManager/Articles/mce/2013/11/25/ហ-25-11-2013--15-46-10.jpg" alt="" /></a><br />រូប ៖ Livescience</p>
<p><br />ក្រុមអ្នកស្រាវជ្រាវ បានពិសោធអំពីហានិភ័យនៃជម្ងឺសម្ពាធឈាមខ្ពស់ នៅលើបុរសជនជាតិកូរ៉េ<br />ខាងត្បូង ចំនួន១,៧៦៣នាក់ ក្នុងនោះ មាន ៥២៧នាក់ ជាមនុស្សតែងតែក្រហមមុខនៅពេលញ៉ាំ<br />ស្រា និង ៩៤៨នាក់ មិនមានប្ដូរពណ៌មុខ និង ២៨៨នាក់ មិនប្រើស្រា បៀរ។ លទ្ធផលបានបង្ហាញ<br />ថា បណ្ដាមនុស្សដែលក្រហមមុខ ញ៉ាំស្រា ៤កែវ/សប្ដាហ៍ គឺប្រឈមនឹងការឡើងសម្ពាធឈាម <br />ច្រើនជាងពីរដង ធៀបនឹងមនុស្សដែលមិនញ៉ាំស្រា ខណៈដែលហានិភ័យនេះ កើតឡើងចំពោះ<br />មនុស្សមិនក្រហមមុខ នៅពេលពួកគេញ៉ាំស្រាច្រើនជាង ៨កែវ/សប្ដាហ៍ ។<br /><br />ក្រុមអ្នកវិទ្យាសាស្ដ្រយល់ថា មូលហេតុដែលនាំឱ្យសម្ពាធឈាមឡើងខ្ពស់ ទាក់ទិនទៅនឹងជាតិ<br />អាកុល និងការប្រែប្រួលនៃទឹកមុខ អាចបណ្ដាលមកពីការប្រមូលផ្ដុំនៃសារធាតុ Acetaldehyd <br />ដែលជាជាតិពុលបង្កើតឡើងដោយស្រា នៅពេលវាត្រូវបានដុតបំផ្លាញក្នុងថ្លើម។ ផលអាក្រក់<br />របស់ Acetaldehyd គឺអាចបណ្ដាលឱ្យសរសៃឈាមក្រោមស្បែកត្រូវយារ ធ្វើឱ្យចរន្ធឈាមដែល<br />ហូរទៅកាន់បេះដូងថយចុះ ដូច្នេះរាងកាយត្រូវតែប្រឹង “ប៉ះប៉ូវ” ឈាមដែលខ្វះនោះ ដោយការ<br />បញ្ចេញអ័រម៉ូននានា នាំឱ្យសម្ពាធឈាមឡើង។<br /><br />ជាមួយនឹងការរកឃើញខាងលើនេះ ក្រុមអ្នកស្រាវជ្រាវព្រមានដល់បណ្ដាមនុស្សដែលតែងមាន<br />មុខឡើងក្រហមនៅពេលញ៉ាំស្រា គួរតែប្រុងប្រយ័ត្ន និងកាត់បន្ថយការញ៉ាំស្រា មុនពេលវាក្លាយ<br />ជាជម្ងឺ។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Livescience<br /><br /></p>