<p><span>មេព្រៃ ជនជាតិមិកស៊ិកម្នាក់ ចូលហាងទិញកាំភ្លើងទៅបាញ់ទន្សាយប៉ះចំកាំភ្លើងខូច នៅពេលទៅដល់កន្លែងបាញ់ទន្សាយតើបដឹង ។ គាត់ខំជួសជុលយ៉ាងណាក៏ប្រើការមិនកើត ក៏ត្រឡប់មកផ្ទះវិញទាំងមួម៉ៅ ។ មកដល់ពាក់កណ្ដាលផ្លូវ ឃើញតូបមួយដាក់ផ្លាកថា ម្ហូបទន្សាយ ។ ដោយគាត់មានចំណូលសាច់ទន្សាយស្រាប់ ក៏ចូលតូបនោះ ហើយបញ្ជាថា៖ </span><br /><span>មេព្រៃៈ ស៊ុបសាច់ទន្សាយពិសេសមួយឆ្នាំង ! </span></p>
<p><a class="thickbox" title="" href="/FileManager/Commons/2014/6/27/dreusickeprofi-27-06-2014--15-53-59.jpg"><img src="/FileManager/Articles/mce/2014/6/27/dreusickeprofi-27-06-2014--15-53-59.jpg" alt="" /></a><br /><span>បន្តិចក្រោយមក ស៊ុបក៏មកដល់ ។ មេព្រៃភ្លក់ហើយ ស្រែកហៅចុងភៅមកសួរភ្លាម ។ </span><br /><span>មេព្រៃៈ ស៊ុបនេះ ដូចជាមិនមែនសាច់ទន្សាយទេ ឆ្លើយត្រង់មកមើល តើឯងលាយសាច់អីខ្លះ ? </span><br /><span>ចុងភៅភ័យ ក៏ឆ្លើយតាមត្រង់៖ </span><br /><span>ចុងភៅៈ លាយសាច់ក្របីខ្លះទាន ! </span><br /><span>មេព្រៃសួរគំហកខ្លាំងថា៖ </span><br /><span>មេព្រៃៈ ឯងលាយរបៀបម៉េច ? </span><br /><span>ចុងភៅៈ លាយ ៥០% ដូចគ្នា </span><br /><span>មេព្រៃក្ដៅស្លឹកត្រចៀកង៉ឹង ស្រែកចំទាលដាក់ចុងភៅ៖ </span><br /><span>មេព្រៃៈ ឯងពន្យល់ឱ្យច្បាស់បន្តិចបានទេ ? </span><br /><span>ចុងភៅៈ បាទទាន គឺខ្ញុំលាយក្នុងសមាមាត្រ ក្របី ១ ចំហៀង និង ទន្សាយមួយចំហៀង ស្មើភាគរយគ្នាល្អណាស់ទាន ចំឯកទេសរបស់ខ្ញុំ ។ </span><br /><span>មេព្រៃៈ អញថ្ងៃនេះក្របីសុទ្ធតែម្ដង !!! ៕</span></p>
<p style="text-align: right;">ដោយ៖ វណ្ណៈ<br />ប្រភព៖ khmerjoke </p>