<p>នគរបាលនៃប្រទេសអ៊ីតាលី កាលពីថ្ងៃទី ៧វិច្ឆិកាកន្លងទៅ បានប្រកាសដកហូបតជាបណ្ដោះអាសន្ន នូវទ្រព្យសម្បត្តិជាង ៣០០លានអឺរ៉ូ (៤០២លានដុល្លារ) របស់សេដ្ឋីម្នាក់ ដោយសារតែអ្នកមានរូបនេះ បានសរសេរនៅក្នុងលិខិតប្រកាសទ្រព្យសម្បត្ដិរបស់ខ្លួនថា មានប្រាក់ចំណូលត្រឹមតែ ៤អឺរ៉ូប ក្នុងមួយឆ្នាំ!</p>
<p style="text-align: center;"><a class="thickbox" title="" href="/FileManager/Commons/2013/11/9/screenshot-09-11-2013--11-30-31.jpg"><img src="/FileManager/Articles/mce/2013/11/9/screenshot-09-11-2013--11-30-31.jpg" alt="" /></a></p>
<p style="text-align: center;"><em>រូបថត ៖ lechorepublicain</em></p>
<p><br />AFP ដកស្រង់ប្រភពព័ត៌មានមួយ បានឱ្យដឹងថា នគរបាលអ៊ីតាលី បានបញ្ជាក់ថា សេដ្ឋីឈ្មោះ Giovanni Montresor និងភរិយា មានជីវភាពរស់នៅ ខុសពីអ្វីដែលពួកគេបាននិយាយនៅក្នុងការប្រកាសទ្រព្យសម្បត្ដិ។<br /><br />យោងតាមប្រភពព័ត៌មានខាងលើ សេដ្ឋី Giovanni Montresor រស់នៅក្នុងក្រុង Verona បានប្រកាសថា ប្រាក់ចំណូលរបស់ខ្លួនក្នុងឆ្នាំ ២០១១ គឺ ៤អឺរ៉ូ (ជាង ៥ដុល្លារអាមេរិក) ចំណែកឆ្នាំ ២០១០ គឺ ៥អឺរ៉ូប និងឆ្នាំ ២០០៩ គឺ ៤អឺរ៉ូ ។ រីឯភរិយារបស់សេដ្ឋីនេះ ប្រកាសថា រកបាន ៣អឺរ៉ូ ក្នុងឆ្នាំ ២០១១ និង ១អឺរ៉ូ ក្នុងឆ្នាំ ២០១។<br /><br />ក្នុងអំឡុងពេលនៃការស៊ើបអង្កេត អាជ្ញាធរ អ៊ីតាលី បានសម្រេចរឹបអូសទ្រព្យរបស់សេដ្ឋីរូបនេះជាបណ្ដោះអាសន្ន រួមមាន ក្រុមហ៊ុនចំនួន ៩, ដី ២៣៥ហិកតានៅតំបន់អ៊ីតាលីភាគខាងជើង និងអចលនទ្រព្យ ១៨កន្លែង, រថយន្ដ ៧គ្រឿង។<br /><br />គួរបញ្ជាក់ថា បណ្ដាឆ្នាំក្នុងទសវត្សទី ៩០ លោក Giovanni ធ្លាប់ត្រូវបាននគរបាលតាមដាន ដោយសារសង្ស័យថា បានប្រព្រឹត្ដអំពើពុករលួយ និងគេចពន្ធ។ រហូតមកដល់ឆ្នាំ ២០១១ Giovanni មិនបានប្រកាសទ្រព្យសម្បត្តិដែលខ្លួនរកបាននៅបរទេស ហើយក៏មិនបានបង់ពន្ធ បន្ទាប់ពីលក់ដី ១៨០ហិកតា ដែលជាកម្មសិទ្ធិរបស់ខ្លួន។<br /><br />នគរបាល អ៊ីតាលី កំពុងតែធ្វើការស្រាវជ្រាវដើម្បីរកការពិតចំពោះករណីនេះ ថាតើការប្រកាសទ្រព្យរបស់សេដ្ឋី Giovanni ជារឿងយល់ច្រឡំ ឬជាការពិត។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/12563/wombs-for-rent-indias-surrogate-mother-boomtown"><span style="color: #3366ff;">ស៊ីឈ្នួលពពោះ ៖ មុខរបរកាក់កប នៅឥណ្ឌា</span></a></span></p>
<p><span style="color: #3366ff;"><a href="/News/Detail/81406/cosmetic-eye-surgery-costs-only-3-in-north-korea-but-it%E2%80%99s-punished-with-forced-labor"><span style="color: #3366ff;">ស្អាតខុសធម្មជាតិ ជារឿងខុសច្បាប់ នៅកូរ៉េខាងជើង</span></a></span></p>
<p><span style="color: #3366ff;"><a href="/News/Detail/16872/the-11-year-old-fashion-entrepreneur-behind-mos-bows"><span style="color: #3366ff;">អាយុ ១១ឆ្នាំ ក្លាយជាម្ចាស់ក្រុមហ៊ុន ផលិតបូគ្រប់ប្រភេទ</span></a></span></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ AFP<br /><br /></p>