<div class="article-content">
<p><strong>ខេត្តកណ្តាលៈ</strong> ឪពុកចុងចិត្តតិរច្ឆានម្នាក់ ត្រូវបាននគរបាល ស្រុកកណ្តាលស្ទឹង ធ្វើការឃាត់<br />ខ្លួនកាលពី រសៀលថ្ងៃទី១៣ ខែវិច្ឆិកា តាមពាក្យបណ្តឹង របស់ម្តាយ កុមារីរងគ្រោះ ពីបទរំលោភ <br />សេពសន្ថវៈ ទៅលើ កូនស្រីអាយុ៧ឆ្នាំ រហូតបានសម្រេច កាលពីវេលាម៉ោង៩ព្រឹក ថ្ងៃទី៩ ខែ<br />វិច្ឆិកា នៅលើផ្ទះក្នុងភូមិប្រឡាយ ឃុំបឹងខ្យាង ស្រុកកណ្តាលស្ទឹង។</p>
<p>នគរបាលឃុំបឹងខ្យាង បានឲ្យដឹងថា ជនសង្ស័យឈ្មោះ ម៉ៅ ម៉ាញ អាយុ៣២ឆ្នាំ ស្រុកកំណើត<br />ភូមិព្រៃព្រុំ ឃុំពោធិ៍ទី ស្រុកស៊ីធរកណ្តាល ខេត្តព្រៃវែង បច្ចុប្បន្នស្នាក់ នៅផ្ទះជួលភូមិឬស្សី <br />សង្កាត់ស្ទឹងមានជ័យ ខណ្ឌ មានជ័យ រាជធានីភ្នំពេញ មុខរបររត់ម៉ូតូឌុបត្រូវជាឪពុកចុងក្មេង<br />ស្រីរងគ្រោះ ។ ចំណែកឯក្មេងស្រីរងគ្រោះឈ្មោះ ទ ស ល អាយុ៧ឆ្នាំ មានទីលំនៅភូមិប្រឡាយ<br /> ឃុំបឹងខ្យាង ស្រុកកណ្តាលស្ទឹង ខេត្តកណ្តាល ។</p>
<p>នគរបាលឃុំបឹងខ្យាង បានបន្តទៀត ថា ជនម្តាយក្មេងស្រីរងគ្រោះ គឺជាស្រ្តីមេម៉ាយ ហើយ<br />បានជួប ប្តីក្រោយ អស់រយះពេល ១ឆ្នាំកន្លះមកហើយ។</p>
<p>នគរបាលបានបន្តថា កាលពីថ្ងៃទី ០៩ ខែវិច្ឆិកា ឆ្នាំ២០១៣ ម្តាយក្មេងស្រីរងគ្រោះទៅទិញម្ហូប<br />បាត់ ជន សង្ស័យ ដែលជាឪពុកចុង បានប្រើល្បិចហៅក្មេងរងគ្រោះ ដែលកំពុងអង្គុយ មើល<br />ទូរទស្សន៍ឲ្យទៅ កន្លែងចង្រ្កានបាយ រួចហើយចាប់ក្មេងផ្តេកទៅលើគ្រែ ហើយចាប់សម្រាតខោ<br /> អាវក្មេងរងគ្រោះ រួចធ្វើ សកម្មភាពរំលោភរហូត បានសម្រេចតែម្តង ។ ក្រោយពេលជនសង្ស័យ<br />ចាប់រំលោភរួច បាននិយាយគំរាម ក្មេង រងគ្រោះថា បើងនាងហ៊ាននិយាយប្រាប់ម្តាយ អញនឹង<br />សម្លាប់នាងចោល ។ ទើបក្មេងរងគ្រោះមិនហ៊ាននិយាយប្រាប់ម្តាយទេ។ លុះដល់ថ្ងៃទី១១ ខែ<br />វិច្ឆិកា ឆ្នាំ២០១៣ វេលាម៉ោង៧ និង៣០នាទីព្រឹក ក្មេង ស្រីរងគ្រោះបានធ្លាក់ខ្លួនឈឺ ម្តាយបាន<br /> សួរដេញដោលទើប បែកធ្លាយរឿងឪពុកចុងចាប់រំលោភ ភ្លាមនោះក៏នាំកូនយកទៅឲ្យឪពុកដើម រួចក៏យកទៅឲ្យពេទ្យពិនិត្យមើលសុខភាពបានបញ្ជាក់ថា ទ្វារមាស របស់ក្មេងស្រីត្រូវបានដាច់<br />រហែក ដោយត្រូវបានគេចាប់រំលោភ។</p>
<p>នគរបាលបានបន្តទៀតថា នៅថ្ងៃទី១៣ ខែវិច្ឆិកា ឆ្នាំ២០១៣ វេលាម៉ោង១៣និង១៥នាទី ម្តាយ<br />ក្មេងស្រីរងគ្រោះ បានមកដាក់ពាក្យបណ្តឹង ហើយក៏បានតាមរក ជនសង្ស័យ ឃើញនៅចំណុច<br />ម្តុំបឹងទំពុន ខណ្ឌ មានជ័យ រួចក៏ឃាត់ខ្លួនយកមកប្រគល់ឲ្យសមត្ថកិច្ចតែម្តង។</p>
<p>ជនសង្ស័យបានត្រូវសមត្ថកិច្ច ជំនាញសាកសួរចម្លើយ និងកសាងសំណុំរឿងបញ្ជូនទៅកាន់<br />សាលាដំបូង ខេត្តកណ្តាល ដើម្បីចាត់ការទៅតាមនិតិវិធីច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0288.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>