<p><strong>ភ្នំពេញ៖ </strong>សម្លាញ់ទើបតែ ស្គាល់គ្នាថ្មោងថ្មី ខ្ចីម៉ូតូស្កុបពី ទៅឡង់សេ បង្អួតស្រីស្នេហ៍ ដឹកអូន<br />ស្រីដើរលេង ហើយយកទៅបាត់អស់ជិតមួយខែ ទីបំផុតម្ចាស់តាមរកឃើញ ក្របួចបានទាំង<br />មនុស្ស និងម៉ូតូប្រគល់ឲ្យ អាវុធហត្ថខណ្ឌ៧មករា ដុសក្អែលចេញកុំឲ្យពូកែ ដើរបោកគេពេក។</p>
<p>មន្ដ្រីអាវុធខណ្ឌ៧មករា បានឲ្យដឹងថា ឈ្មោះ ទិត្យ សុខរាជ អាយុ១៩ឆ្នាំ មុខរបរនិងស្នាក់នៅ<br />មិនពិតប្រាកដ ត្រូវបានចាប់ខ្លួន កាលពីវេលាម៉ោង០៥ និង៣០នាទីព្រឹក ថ្ងៃទី១៦ ខែធ្នូ ឆ្នាំ ២០១២<br /> នៅមុខពហុកីឡាដ្ឋានជាតិ ស្ដាតអូឡាំពិក ដោយម្ចាស់ម៉ូតូឈ្មោះ សេង ផានិន ភេទប្រុសអាយុ<br />២៤ឆ្នាំ មានមុខរបរជានិសិ្សត និងជាមិត្ដភក្ភិ ដែលទើបតែស្គាល់គ្នាថ្មីៗជាមួយជនសង្ស័យ។</p>
<p>មន្ដ្រីអាវុធខណ្ឌ៧មករា បានឲ្យដឹងទៀតថា ជនសង្ស័យ ឈ្មោះ ទិត្យ សុខរាជ បានខ្ចីម៉ូតូម៉ាក់ស្កុប<br />ពីពណ៌ខ្មៅ លាយទឹកដោះគោ ពាក់ស្លាកខេភ្នំពេញ ១អា គុយ ២២៦៩ ពីជនរងគ្រោះនៅមុខសួន<br />សុបិន្ដចំការព្រីង កាលពី ថ្ងៃទី២២ ខែវិច្ឆិកា ឆ្នាំ២០១២ ដោយប្រាប់ថា ទៅឌុបស្រីស្នេហ៍រួចក៏យក<br />ទៅបាត់រហូត។ លុះដល់ថ្ងៃទី១៦ ខែធ្នូ ឆ្នាំ២០១២ ស្រាប់តែជនរងគ្រោះ ប្រទះឃើញជនសង្ស័យ<br />ជិះម៉ូតូមកស្ដាតអូឡាំពិក ក៏ចាប់ឃាត់ខ្លួន ប្រគល់ឲ្យកងរាជអាវុធហត្ថខណ្ឌតែម្ដង។</p>
<p>បច្ចុប្បន្នជនសង្ស័យត្រូវបានអាវុធហត្ថខណ្ឌ៧មករា កសាងសំណុំរឿង បញ្ជូនទៅរាជអាវុធរាជធានី<br />ភ្នំពេញ ដើម្បីចាត់ការ ទៅតាមនីតិវិធីច្បាប់ចំណែកម៉ូតូបានប្រគល់ឲ្យទៅជនរងគ្រោះវិញហើយ៕</p>
<p><a class="thickbox" title="" href="/FileManager/Commons/2012/12/16/ch-0286-16-12-2012--15-49-07.jpg"><img src="/FileManager/Articles/mce/2012/12/16/ch-0286-16-12-2012--15-49-07.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54418-2012-12-16-07-29-36.html"><span style="color: #0000ff;">ដើមអំពិល</span></a></p>