<div class="article-content">
<p><strong>កំពង់ស្ពឺ ៖</strong> សពនារីម្នាក់ មានសភាព ហើមស្អុយ ដែលត្រូវបានប្រជាពលរដ្ឋប្រទះឃើញ នៅក្នុង<br />ភូមិត្រពាំងល្វា ឃុំត្រពាំងល្វា ស្រុកឧត្ដុង្គ ខេត្ដកំពង់ស្ពឺកាលពីថ្ងៃទី០៨ ខែសីហា ឆ្នាំ២០១៣កន្លង<br />ទៅនោះ ហើយ សមត្ថកិច្ចជំនាញ និង អាជ្ញាធរមូលដ្ឋានមិនស្គាល់អត្ដសញ្ញាណ រួចសម្រេចកប់<br />ចោល នៅកន្លែងកើតហេតុ នោះ ឥឡូវនេះត្រូវបានសាច់ញាតិរបស់ជនរងគ្រោះ ចេញមុខមកអះ<br />អាង ហើយគាស់យកសពទៅរៀបចំ ធ្វើបុណ្យតាមប្រពៃណី ។</p>
<p>បើតាមសមត្ថកិច្ច សពនារីរងគ្រោះត្រូវ បានសាច់ញាតិប្រាប់ថា ជាបុគ្គលិកបម្រើការងារ នៅក្នុង<br />ហាងរស្មីអង្គរ ស្ថិតនៅក្នុងច្បារមន ហើយនារីរូបនេះមានប្ដីឈ្មោះចឹក អាយុ ២៣ឆ្នាំ និងមានកូន<br />ប្រុសអាយុជាង ១ឆ្នាំ រស់នៅភូមិថ្នល់បត់ ឃុំពេជ្រមុនី ស្រុកគងពិសី ខេត្ដកំពង់ស្ពឺ ។</p>
<p>យោងតាមប្រភពព័ត៌មាន ពីសមត្ថកិច្ចបានឱ្យដឹងថា នៅវេលាម៉ោង ៣ និង៥០ នាទីរសៀលថ្ងៃ<br />ទី១១ ខែ សីហា ឆ្នាំ២០១៣ សាច់ញាតិរបស់នារីរងគ្រោះ បានចេញមុខមកអះអាង និង ប្រាប់<br />សមត្ថកិច្ចថា សពជន រងគ្រោះគឺជាបងប្អូនរបស់ខ្លួន និងជាប្រពន្ធរបស់ខ្លួន ។</p>
<p>សពនារីរងគ្រោះ ត្រូវបានសមត្ថកិច្ច ប្រាប់ថា មានឈ្មោះម៉ៃ ស្រីលក្ខណ៍ អាយុ២២ឆ្នាំ ហើយការ<br />ស្លាប់ របស់ជនរងគ្រោះ គឺជាសកម្មភាពប្លន់ ព្រោះតែជនរងគ្រោះបាន បាត់ម៉ូតូស្កុបពីស៊េរីឆ្នាំ <br />២០១៣ មួយគ្រឿង កងដៃបា្លទីន ២កង និងចិញ្ចៀនបា្លទីន ២វង់ ។</p>
<p>ប្រភពព័ត៌មានពីសមត្ថកិច្ចដដែល បាន ឱ្យដឹងថា កាលពីថ្ងៃទី០៨ ខែសីហា ឆ្នាំ២០១៣កន្លង<br />ទៅមានការភ្ញាក់ផ្អើលមួយនៅពេលដែលប្រជាពលរដ្ឋបានប្រទះឃើញសពនារីរងគ្រោះចម្ងាយ<br />២០០ម៉ែត្រពីភូមិ ត្រពាំងល្វា ដោយមានសភាពហើមស្អុយ ព្រោះតែត្រូវបានគេយកទៅបោះ<br />ចោលនៅទីនោះ ក្រោយពេល សម្លាប់រួច ។</p>
<p>ក្រោយពីមានអំពើឃាតកម្មខាងលើនេះកើតឡើង កម្លាំងនគរបាលមូលដ្ឋាន និង កម្លាំងសមត្ថ<br />កិច្ចជំនាញបានចុះទៅធ្វើកោសល្យវិច័យដើម្បីស្វែងរកអត្ដសញ្ញាណជនរងគ្រោះនិងសាច់ញាតិ<br />របស់គេ ប៉ុន្ដែ មិន ទាន់ឃើញក៏ត្រូវសមត្ថកិច្ចសម្រេចកប់សពនារីរងគ្រោះ នៅកន្លែងកើតហេតុ<br />នោះតែម្ដង ។ ក្រោយពីមានការអំពាវនាវរបស់សមត្ថកិច្ចនិងមានការចុះផ្សាយតាមព័ត៌មាន នៃ<br />អំពើឃាតកម្មនេះទើបប្ដីរបស់ជនរងគ្រោះ ព្រមទាំងសាច់ញាតិរបស់ខ្លួនបានចេញមុខមកប្រាប់<br />សមត្ថកិច្ច ហើយក៏គាស់សពយកទៅធ្វើបុណ្យ តាមប្រពៃណីតែម្ដង ៕</p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>