<div class="article-content">
<p><strong>រតនគីរី ៖</strong> បុរសម្នាក់ បានបាត់បង់ប្រពន្ធ និងកូនប្រុសតូចៗ២នាក់របស់ខ្លួន មួយ ពព្រិចភ្នែក<br /> និងមានទុក្ខយ៉ាងខ្លាំងក្រោយពី រូបគាត់ បើកម៉ូតូឌុបប្រពន្ធ និងកូននៅតាម ផ្លូវស្រាប់តែដួល <br />បណ្ដាលឱ្យធ្លាក់ប្រពន្ធនិង កូនចូលទៅក្នុងទឹកអូរ កំពុងហូរគួចយ៉ាង ខ្លាំង បណ្ដាលឱ្យស្លាប់<br />ទាំង ៣នាក់តែម្ដង យ៉ាងអាណោចអាធម្ម ជាទីបំផុតបើទោះបី ប្រជាពលរដ្ឋ នៅក្បែរកន្លែង<br />កើតហេតុខំ ជួយយ៉ាងណាក៏ដោយ ប៉ុន្ដែ អកុសលជួយ មិនទាន់ ។</p>
<p>ករណីដ៏គួរឱ្យអាណិតអាសូរយ៉ាងពន់ ពេក និងមិនគួរណាកើតឡើងទាល់តែសោះ ដែលធ្វើ<br />ឱ្យបាត់ប្រពន្ធ និងកូនតូចប្រុស ២ នាក់ មួយពព្រិចភ្នែកបានកើតឡើងកាលពី វេលាម៉ោង ៣ <br />និង៣០នាទីរសៀល ថ្ងៃទី ២៦ ខែកញ្ញា ឆ្នាំ២០១៣ ស្ថិតនៅក្នុងភូមិ តាអង ឃុំតាអង ស្រុកកូន<br />មុំ ខេត្ដរតនគីរី ខណៈដែលជនរងគ្រោះ ប្ដី-ប្រពន្ធទាំង ២ នាក់ កំពុងបើកម៉ូតូឌុបកូនប្រុស២<br />នាក់នៅ តាមផ្លូវ ។</p>
<p>យោងតាមប្រភពព័ត៌មាន ពីប្រជាពល រដ្ឋ ដែលចូលរួមទៅជួយ ប៉ុន្ដែជួយមិនទាន់ បាន<br />និយាយថា នៅវេលាម៉ោងកើតហេតុ ខាងលើនេះ បុរសម្នាក់បានឌុបប្រពន្ធ និង កូនប្រុស <br />២នាក់ ក្នុងទិសដៅពីជើងទៅត្បូង លុះដល់ចំណុចកើតហេតុ ស្រាប់តែដួលម៉ូតូ ផ្អៀង បណ្ដាល<br />ឱ្យធ្លាក់ប្រពន្ធ និងកូនប្រុស ទាំង ២នាក់ ចូលទៅក្នុងទឹកអូរដែលកំពុង ហូរគួចយ៉ាងខ្លាំង ។<br /> ភ្លាមៗនោះបុរសជាប្ដី បានស្រែកឱ្យគេជួយ ប៉ុន្ដែ សំណាងអាក្រក់ នៅពេលប្រជាពលរដ្ឋ <br />នៅក្បែរកន្លែងកើត ហេតុ ខំរត់មកជួយក៏ជួយមិនទាន់បាន បណ្ដាលឱ្យប្រពន្ធ និងកូនប្រុស<br />តូចទាំង ២ នាក់ស្លាប់ដោយសារលង់ទឹកតែម្ដងទៅ ។</p>
<p>ប្រភពព័ត៌មានពីប្រជាពលរដ្ឋដដែល បុរសជាប្ដី ដែលរងទុក្ខយ៉ាងខ្លាំងចំពោះការ បាត់បង់<br />ប្រពន្ធ និងកូនឈ្មោះ សាយ អាយុ ៣៣ឆ្នាំ ជាជនជាតិឡាវ មុខរបរ កម្មករជីក ត្បូង នៅភូមិ<br />បរកែវចាស់ ឃុំឡាមិញ ស្រុក បរកែវ ខេត្ដរតនគីរី រីឯស្ដ្រីជាភរិយាស្លាប់ បាត់បង់ជីវិតនោះ<br />ឈ្មោះ ឌី ណយ អាយុ ២២ឆ្នាំ និងកូនប្រុស ២នាក់ ទី១ ឈ្មោះ សាយ មី អាយុ ៤ឆ្នាំ និងទី២ <br />ឈ្មោះ សាយ ភក្ដី ជាប្អូន អាយុ ២ឆ្នាំ ។ ក្រោយទទួល ព័ត៌មានដ៏គួរឱ្យសោកសៅនេះ កម្លាំង<br />សមត្ថ កិច្ចមូលដ្ឋានបានចុះទៅពិនិត្យ នៅកន្លែង កើតហេតុ និងសួរនាំជនរងគ្រោះពីដំណើរ <br />រឿងខាងលើនេះ បើតាមសមត្ថកិច្ចក្រោយ ការសួរនាំ ទើបដឹងថា ជនរងគ្រោះទាំង ៤ នាក់ <br />មានបំណងធ្វើដំណើរទៅលេងឪពុក- ម្ដាយរបស់ខ្លួន នៅទីរួមស្រុកលំផាត់ តែ អកុសលក៏<br />ជួបហេតុការណ៍នេះតែម្ដងទៅ។</p>
<p>លោកមាន ព្រហ្មមុនី មន្រ្តីអាដហុកខេត្តរតនគិរី បានចុះស៊ើបអង្កេតករណីនេះ នៅទីតាំង<br />កើតហេតុ នៅចំណុច អូរចេង ភូមិអូរចេង ឃុំតាអង ស្រុកកូនមុំ ចំងាយ៩គីឡូម៉ែត្រពីទី<br />ខេត្តរតនគិរី ។</p>
<p>តាមការអង្កេត នៅពេលទឹកជន់លិច ផ្លូវកន្លងមកអាដហុក កត់សំគាល់ឃើញថា ក្រុមហ៊ុន<br />ចិនធ្វើផ្លូវ មិនបានដាក់សញ្ញាសំគាល់ នោះឡើយ ម្យ៉ាងទៀតផ្លូវដែលជន់លិច នៅជាប់លូ <br />មិនបានបោះបង្គោលសំគាល់នោះដែរ កាលពីសប្តាហ៍មុនផ្លូវនេះ ជន់លិចជាលើកទី១ អ្នក<br />ភូមិឆ្លងកាត់ទីនោះ ក៏បានលិចម៉ូតូសេរី២០០៨ មួយគ្រឿងផងដែរ ប៉ុន្តែមិនមានបង្កគ្រោះ<br />ថ្នាក់ដល់អាយុជីវិត ដូចលើកទី២នេះឡើយនៅលើចំណុចផ្លូវជាតិដាច់ដោយសារទឹកជំនន់<br />មួយខ្សែនេះ ។</p>
<p>បច្ចុប្បន្នសពជនរងគ្រោះម្ដាយ និងកូន ប្រុសទាំង ២នាក់ ត្រូវបានសាច់ញាតិបញ្ជូន ទៅ<br />ធ្វើបុណ្យតាមប្រពៃណី ដោយក្ដីអាឡោះអាឡៃជាទីបំផុត ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0493.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0494.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0495.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>