<div class="fon33 mt1">បន្ទាប់ពីការបញ្ចេញរបាយការណ៍របស់មជ្ឈមណ្ឌលវិទ្យាសាស្ដ្រដើម្បីសិទ្ធិសាធារណៈ<br />នៅអាមេរិក(CSPI) ដែលបាននិយាយថា ពណ៌ caramel ក្នុងភេសជ្ជៈដែលមានហ្គាសគឺ<br />ជាមូលហេតុបណ្ដាលអោយមនុស្ស ១៥.០០០នាក់កើតមហារីកនៅអាមេរិក បណ្ដាក្រុម<br />ហ៊ុនផលិតភេសជ្ជៈក៏បានសម្រេចចិត្តកាត់បន្ថយសារធាតុបង្កគ្រោះថ្នាក់នេះ។</div>
<div class="fon33 mt1"><a class="thickbox" title="" href="/FileManager/Commons/2012/4/7/nuocngotcoga541275018-07-04-2012--12-05-36.jpg"><img src="/FileManager/Articles/mce/2012/4/7/nuocngotcoga541275018-07-04-2012--12-05-36.jpg" alt="" /></a></div>
<div class="fon33 mt1">នៅក្នុងរបាយការណ៍នេះ ស្ថាប័នត្រួតពិនិត្យបានរកឃើញថា Coca-Cola និង Pepsi-Coca</div>
<p>មានផ្ទុកសារធាតុបង្កើតពណ៌ 4-methylimidazole (4-MI) ដែលមិនមានសុវត្ថិភាព។ ក្រុម<br />ស្រាវជ្រាវដែលរួមមានក្រុមហ៊ុន TS Pepper Snapple និង Whole Food’s 365 Cola បាន<br />ប៉ានប្រមាណថា កម្រិត 4-MI ក្នុង Coke និង Pepsi ដែលត្រូវបានពិនិត្យ បានធ្វើអោយមាន<br />ការកើតមហារីកចំនួន ១៥.០០០ករណីនៅអាមេរិក។</p>
<p>លទ្ធផលនៃការពិសោធបានបង្ហាញថា កម្រិតនៃសារធាតុនេះខ្ពស់ជាង ៤ដង បើធៀងនឹង<br />កម្រិតអនុញ្ញាតរបស់សមាគមវាយតម្លៃសុខភាពបរិស្ថាន California។</p>
<p>នាយកប្រតិបត្តិនៃ CSPI លោក Micheal F.Jacobson បានថ្លែងថា ៖ "Coke និង Pepsi <br />ដោយមានការយល់ព្រមពី FDA បានធ្វើអោយអ្នកប្រើប្រាស់ត្រូវទទួលយកសារធាតុបង្ក<br />ជម្ងឺមហារីក"។</p>
<p>ក្រោយពីរបាយការណ៍ត្រូវបានប្រកាស អ្នកនាំពាក្យរបស់ FDA បានអោយដឹងតាមរយៈ<br />e-mail ថា ៖ បច្ចុប្បន្ន ពួកគេកំពុងធ្វើការពិនិត្យមើលលិខិតរបស់ FDA និងកំពុងធ្វើការជា<br />មួយក្រុមហ៊ុនផលិតភេសជ្ជៈដើម្បីស្វែងយល់ពីសារធាតុបង្កើតពណ៌ caramel និង 4-MI <br />ជាក់ស្ដែងក្នុង cola និងអាហារផ្សេងៗ។ បន្ទាប់ពីនេះ ពួកគេនឹងកំណត់ថា តើគួរកាត់បន្ថយ<br />សារធាតុ 4-MI ដែរ ឬយ៉ាងណា។</p>
<p>អ្នកនាំពាក្យរូបនេះក៏បានថ្លែងថា អ្នកប្រើប្រាស់ត្រូវតែញ៉ាំភេសជ្ជៈមានហ្គាសអោយបាន<br />ច្រើនជាង ១.០០០កំប៉ុងទើបអាចមានសារធាតុ 4-MI គ្រប់គ្រាន់ដើម្បីបង្កអោយមានជម្ងឺ<br />មហារីក។</p>
<p>ប៉ុន្ដែ រយៈពេលមួយសប្ដាហ៍បន្ទាប់នោះ(ថ្ងៃទី ១២ ខែមិនា) ក្រុមហ៊ុន Coke និង Pepsi <br />បានយល់ព្រមទទួលយករូបមន្ដថ្មីមួយដែលមានសារធាតុ 4 methylimidazole (4-MEI)តិច<br />ជាងដើម្បីចៀសវាងការដាក់ការព្រមានលើកំប៉ុងស្ដីពីជម្ងឺមហារីកដែលអាចកើតឡើងដោយ<br />សារសារធាតុនេះ។ ការផ្លាស់ប្ដូរនេះត្រូវបានប្រកាសនៅក្នុងរដ្ឋ California ប៉ុន្ដែវានឹងត្រូវ<br />អនុវត្តនៅទូទាំងអាមេរិក(ចំណែកនៅអ៊ឺរ៉ុបនៅតែរក្សាដូចដើម) បើទោះជាក្រុមហ៊ុនផលិត<br />ភេសជ្ជៈនៅតែអះអាងថា គ្រោះថ្នាក់នៃសុខភាពមិនមែនជាមូលហេតុដែលនាំអោយពួកគេ<br />ត្រូវប្ដូរផ្លាស់។</p>
<p>បើទោះជាសារធាតុខាងលើបង្កអោយមានជម្ងឺមហារីកឬអត់ ក៏ CSPI នៅតែយល់ថា ប្រភេទ<br />ភេសជ្ជៈដែលមានហ្គាសនៅតែជាប្រការគួរអោយព្រួយបារម្ភ ដោយសារតែស៊ីរ៉ូពោត មាន<br />កម្រិត fructose ខ្ពស់ ចំណែកប្រភេទស្ករខ្លះដែលត្រូវបានប្រើក្នុងភេសជ្ជៈអាចបង្កអោយធាត់<br />ទឹកនោមផ្អែម រួមនឹងបញ្ហាសុខភាពផ្សេងៗទៀត ដែលជាការពិតមួយត្រូវបានយល់ស្រប<br />ដោយអង្គការនានា និងរដ្ឋាភិបាលអាមេរិក៕</p>
<p style="text-align: right;"> </p>
<p style="text-align: right;">ដោយ ៖ សូរីយ៉ា<br />ប្រភព ៖ CBSnews</p>