<p id="aui_3_2_0_1563">យោងតាមកាសែត Metro របស់អង់គ្លេសបានឲ្យដឹងថា បុរសម្នាក់ក្នុងសម្លៀកបំពាក់ស្អាតបាត ដូចជាអ្នកធ្វើការ ត្រូវបានគេថតជាប់រូបភាព ក្នុងពេលដែលកំពុងត្រូវនារីម្នាក់ ចងខ្សែជាប់ ក និង ដឹកបណ្តើរដូចជាសត្វឆ្កែ នៅតាមដងផ្លូវ Farringdon នៅទីក្រុងឡុង ប្រទេសអង់គ្លេស។</p>
<p>មនុស្សជាច្រើនដែលបានធ្វើដំណើរឆ្លងកាត់ផ្លូវនោះ និងបានឃើញផ្ទាល់ភ្នែកទិដ្ឋភាពនេះ សុទ្ធតែ មានការភ្ញាក់ផ្អើល ហើយប្រតិកម្មបន្ទាប់ទៀតគឺដកយកទូរស័ព្ទ ថតផ្តិតយកទិដ្ឋភាពដ៏ចម្លែកបំផុត ដែលកំពុងតែកើតឡើងនៅលើពិភពលោកនេះ។</p>
<p><a class="thickbox" title="" href="/FileManager/Commons/2014/4/12/2014-04-1211-40-08-12-04-2014--11-43-24.png"><img src="/FileManager/Articles/mce/2014/4/12/2014-04-1211-40-08-12-04-2014--11-43-24.png" alt="" /></a></p>
<p>ប៉ុន្តែរឿងដែលភ្ញាក់ផ្អើលជាងនេះទៀត គឺជាប្រតិកម្មផ្សេងៗគ្នា ស្តីពីបណ្តារូបភាពទាំងនេះ នៅពេល វាត្រូវបានបង្ហោះនៅលើអ៊ីនធឺណេត។ មានអ្នកខ្លះបានចោទសួរថា តើអ្វីដែលគាត់បានឃើញ វាជា ការពិត ឬគ្រាន់តែជាឈុតឆាក ល្បែងលេងសើចទេ? រីឯមួយចំនួនទៀត មានការភ្ញាក់ផ្អើលខ្លាំង ដោយបានឲ្យដឹងថា បុរសម្នាក់នេះ ប្រហែលជាកំពុងគោរពនូវអ្វីមួយទេដឹង? ក្នុងពេលដែលមនុស្ស មួយចំនួនទៀត មិនជឿជាការពិតឡើយ វាគ្រាន់តែជាល្បែងភូតកុហក់ ដែលធ្វើក្នុងថ្ងៃទី១ មេសា ដែលជាថ្ងៃនៃការភូតកុហក់ ប៉ុណ្ណោះ។</p>
<p><a class="thickbox" title="" href="/FileManager/Commons/2014/4/12/2014-04-1211-40-37-12-04-2014--11-44-17.png"><img src="/FileManager/Articles/mce/2014/4/12/2014-04-1211-40-37-12-04-2014--11-44-17.png" alt="" /></a></p>
<p>មានមនុស្សមួួយចំនួនទៀត ក៏បានគិតស្មានថា បុរសម្នាក់នេះ ប្រហែលជាប្រុសក្បត់ចិត្ត ហើយត្រូវ ខាង ស្រីគេពិន័យធ្វើដូច្នេះ។ ឯអ្នកខ្លះទៀតបាននិយាយថា នេះមិនមែនជារឿងអ្វីប្លែកនោះទេ ព្រោះ ជាទូទៅ មានគេធ្វើសកម្មភាពដូច្នេះ ដោយមានក្រុមការងាររបស់ពួកគេ តាមថតសកម្មភាពពី<br />ក្រោយ។ </p>
<p>ប៉ុន្តែសម្រាប់សកម្មភាពនីមួយៗ បើទោះជាល្បែងលេងសើច ឬជាការពិតមែននោះ តែងតែមាន គោលបំណង និងមូលហេតុរបស់វា។</p>
<p>សម្រាប់ហេតុផលពិតប្រាកដថា ហេតុអ្វីបានជាបុរសម្នាក់ហ្នឹង ត្រូវគេដឹកបណ្តើរដូចសត្វឆ្កែ នៅតាមដង ផ្លូវនៅទីក្រុងឡុង មកដល់ពេលនេះ នៅមិនទាន់មានអ្នកណាដឹងនោះឡើយ។ ប៉ុន្តែបើទោះជា មានមូលហេតុអ្វីក៏ដោយចុះ ទិដ្ឋភាពមនុស្សដែលត្រូវបានគេដឹកបណ្តើរដូចឆ្កែ ពិសេសនៅក្នុងទីក្រុងអរិយធម៌ ស៊ីវិល័យកំរិតលំដាប់ខ្ពស់ ដូចជាទីក្រុងឡុង វាពិតជាបង្កឲ្យមានការ ភ្ញាក់ផ្អើលខ្លាំងណាស់ សម្រាប់អ្នកដែលបានឃើញនូវទិដ្ឋភាពផ្ទាល់ភ្នែក៕</p>
<p style="text-align: center;"><object width="500" height="400" data="http://www.youtube.com/v/HDvOiN202zk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/HDvOiN202zk&rel=1" /></object></p>
<p style="text-align: right;"> </p>
<p style="text-align: right;">ប្រែសម្រួល៖ សិលា<br />ប្រភព៖ vreview</p>