<p><span class="Tinhte_XenTag_TagLink">Microsoft</span> បានធ្វើការបញ្ជាក់ជាផ្លូវការ នូវឈ្មោះ "<span class="Tinhte_XenTag_TagLink">Microsoft Lumia</span>" នឹងជាឈ្មោះជំនួសឲ្យស្លាកយីហោ Nokia នៅលើបណ្តាផលិតផលដែលពាក់ព័ន្ធទាំងអស់។ បណ្តាផលិតផលពាក់ព័ន្ធនៅទីនេះ រួមមាន៖ ឧបករណ៍ប្រើប្រាស់ Windows Phone, ឈ្មោះក្រុម Nokia នៅលើ Facebook, ឈ្មោះនៅ Twitter, គេហ ទំព័រ <span class="vglnk"><span>Nokia</span><span>.</span><span>com</span></span> ក៏ដូចជាបណ្តាបណ្តាញទំនាក់ទំនងសង្គម ផ្សេងទៀតផងដែរ។</p>
<p style="text-align: center;"><a class="thickbox" title="" href="/FileManager/Commons/2014/10/22/2618999screenshot2014-10-21at82018pm-22-10-2014--22-00-44.png"><img src="/FileManager/Articles/mce/2014/10/22/2618999screenshot2014-10-21at82018pm-22-10-2014--22-00-44.png" alt="" /></a></p>
<p style="text-align: center;"><em><span style="color: #808080;">លាហើយឈ្មោះ "<span class="Tinhte_XenTag_TagLink">Nokia</span>" នៅលើបណ្តាឧបករណ៍ <span class="Tinhte_XenTag_TagLink">Lumia</span> ប្រើ Windows Phone</span></em></p>
<p>គួររំលឹកផងដែរថា ការផ្លាស់ប្តូរស្លាកយីហោពី "Nokia" ទៅជា "Microsoft Lumia" គឺមិនមែនមានន័យថា សាជីវកម្ម Nokia បានរលាយបាត់ពីពិភពបច្ចេកវិទ្យានោះទេ។ ប្រិយមិត្តគួរចាំថា Microsoft គឺបានទិញ តែផ្នែកទូរស័ព្ទដៃ និងសេវាកម្មរបស់ Nokia ប៉ុណ្ណោះ សម្រាប់ផ្នែកដែលនៅសល់របស់ Nokia ចាប់ពី ពេលនេះទៅ នឹងក្លាយជាក្រុមហ៊ុនមានដំណើរការឯករាជ្យ មិនមានពាក់ព័ន្ធដល់ Microsoft ទេ។<br /> <br />តាមប្រភពបានឲ្យដឹងថា Nokia នៅបារាំង នឹងជាកន្លែងដែលត្រូវប្តូរទៅជា "Microsoft Lumia" មុនគេ ហើយដំណើរការផ្លាស់ប្តូរនេះ នឹងធ្វើជាបណ្តើរៗទៀត នៅប្រទេសផ្សេងៗជាច្រើនទៀត នៅប៉ុន្មាន សប្តាហ៍បន្ទាប់។ ចាប់ពីពេលនេះទៅ បណ្តាឧបករណ៍ Windows Phone ដែលនឹងត្រូវបាន បង្ហាញ ណែនាំខ្លួននៅពេលវេលាខាងមុខនេះ នឹងមានឈ្មោះស្លាកយីហោជា "Microsoft Lumia" ជំនួសឲ្យ "Nokia" ដូចពេលមុនៗនោះ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ The Verge, Tinhte</p>