<p><strong>ភ្នំពេញៈ</strong>ខណៈដែលប្រទេសកម្ពុជា កំពុងពង្រឹង លើការបណ្តុះបណ្តាល ធនធានមនុស្ស<br /> សម្រាប់អភិវឌ្ឍន៍ជាតិ សាលារៀនជាច្រើន ត្រូវបានគេសង្កេតឃើញ បង្កើតជាបន្តបន្ទាប់ <br />នៅទូទាំងប្រទេស ជាពិសេសនៅរាជធានី ភ្នំពេញ ដើម្បីជួយលើកកម្ពស់ វិស័យអប់រំ ។</p>
<p>យ៉ាងណាម៉ិញ នាថ្មីៗនេះ សាលា LEARNING International School ដែលជាសាលាចំណេះ<br />ទូទៅ ស្តង់ដារអន្តរជាតិមួយ ត្រូវបានបង្កើនឡើង នៅខាងក្រោយបុរីប៉េងហួត នាសង្កាត់<br />ស្ទឹងមានជ័យ ខណ្ឌមានជ័យ រាជធានីភ្នំពេញ ដើម្បីចូលរួមចំណែកអភិវឌ្ឍ ធនធានមនុស្ស<br />កម្ពុជា ។ សាលាថ្មីនេះ នឹងចាប់ផ្តើម បើកឱ្យ សិស្សចូលរៀន ក្នុងឆ្នាំសិក្សាដំបូងរបស់ខ្លួន <br />នៅអំឡុងខែ សីហា- កញ្ញា ឆ្នាំ២០១៣ ខាងមុខនេះហើយ ។</p>
<p>លោក សូរ សុខុម អ្នកគ្រប់គ្រងទូទៅសាលា LEARNING (លើននីង) បានឱ្យដឹងថា LEARNING <br />International School ជាសាលាចំណេះដឹងទូទៅ ស្តង់ដារអាមេរិក ដែលមានបង្រៀនទាំងភាសាខ្មែរ<br /> និងភាសាអង់គ្លេស ចាប់ពីថ្នាក់ទី១ ដល់ថ្នាក់ទី១២ ដែលមានគ្រូបរទេស ដែលជាជនជាតិស្បែកស។<br /> លោកបានមានប្រសាសន៍ថា “សម្រាប់ភាសាអង់គ្លេស យើងនឹងចូលរៀន នៅថ្ងៃទី៥ ខែសីហា <br />ឆ្នាំ២០១៣ ហើយ សម្រាប់ចំណេះទូទៅ (ភាសាខ្មែរ) នឹងចូលរៀននៅថ្ងៃទី១៦ ខែកញ្ញា ឆ្នាំ២០១៣<br /> ខាងមុខនេះ” ។</p>
<p>លោកបានបន្ថែមថា សាលាលើននីង នឹងកាន់តែទាក់ទាញ សម្រាប់សិស្សគ្រប់គ្នា ដោយសារតែ <br />សាលា មានកម្មវិធីសិក្សា ស្តង់ដារអាមេរិក ដំបូងគេនៅកម្ពុជា ហើយសញ្ញាបត្រ ទទួលស្គាល់ជា<br />ផ្លូវការ ដោយក្រសួងអប់រំ យុវជន និងកីឡា និងជាអន្តរជាតិ ហើយគណៈគ្រប់គ្រង បុគ្គលិក<br /> សាស្ត្រាចារ្យ លោកគ្រូ អ្នកគ្រូ សុទ្ធតែមានគរុកោសល្យ និង មានសញ្ញាបត្រជាន់ខ្ពស់ មកពីប្រទេសធំៗ<br /> លើពិភពលោក ។ មិនតែប៉ុណ្ណោះ សាលាមានអគារសិក្សា ធំទូលាយ ដែលបំពាក់ដោយ ឧបករណ៍<br />សិក្សាទំនើបៗ កម្រិតស្តង់ដារខ្ពស់ លំដាប់អន្តរជាតិ មុនគេនៅកម្ពុជា ហើយសាលានេះ ក៏ជា<br />គ្រឹះស្ថានសិក្សា ផ្តោតលើការអភិវឌ្ឍន៍សិស្ស តាមរយៈជំរុញ សិស្សឱ្យមានបំនិនជីវិត មានក្តី<br />ស្រលាញ់សង្គមជាតិ និងគ្រួសារ មានសមត្ថភាព ដើម្បីក្លាយជា បុត្រល្អ ពលរដ្ឋល្អ សម្រាប់<br />ប្រទេសជាតិ ផងដែរ។</p>
<p>លោក Jhon VonMoats នាយកគ្រប់គ្រង កម្មវិធីសិក្សា នៃសាលាលើននីង បានឱ្យដឹងថា សាលា<br />បាននាំយក នូវមុខវិជ្ជា៤ សំខាន់ៗ ស្របតាមស្តង់ដារ ប្រព័ន្ធសិក្សាអាមេរិក ដើម្បីបណ្តុះបណ្តាល <br />ដល់សិស្សានុសិស្ស កម្ពុជា ក្នុងនោះមាន ភាសាអង់គ្លេស បែបអាមេរិក, វិទ្យាសាស្រ្តបែបអាមេរិក, <br />សិក្សាសង្គម និង គណិតវិទ្យា ហើយសៀវភៅ នៃមុខវិជ្ជា ទាំងនេះ គឺនាំមកផ្ទាល់ពីសហរដ្ឋ អាមេរិក<br />តែម្តង។ លោកថា “សាលាអន្តរជាតិ នៅកម្ពុជាមានច្រើន ប៉ុន្តែភាគច្រើន ពុំទាន់មានស្តង់ដារអន្តរជាតិ<br /> ដូចជាឈ្មោះរបស់គេនោះទេ” ។</p>
<p>លោក សូរ សុខុម បានបញ្ជាក់បន្ថែមទៀតថា សិស្សដែលមកចុះឈ្មោះមុន នៅទីនេះ នឹងត្រូវបាន<br /> ចូលរៀនបំប៉ន ភាសាអង់គ្លេស ដោយមិនគិតថ្លៃ ដែលជាកម្មវិធីពិសេសមួយដែល សាលាលើននីង<br />ផ្តល់ជូន ។ លោកថា៖ “ពេលសិស្ស ទៅសាលា នឹងនឹកឃើញ Learning ហើយអាចពញ្ញាក់ អារម្មណ៍<br />បានថា ទីនេះ ជាកន្លែងរៀន មិនមែនជាកន្លែង ដើរលេងនោះទេ ហើយសិស្ស នឹកឃើញតែ Learning<br /> Learning (រៀនៗ) ប៉ុណ្ណោះ” ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0020.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0021.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0022.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>