<p><strong>ភ្នំពេញៈ</strong> តារាកំប្លែង ប្រចាំស្ថានីយទូរទស្សន៍ ស៊ីធីអិន អ្នកនាង ស្រេង សុកាន់ដា ហៅ ខ្ញុង នឹងរៀបចំពិធី ឡើងគេហដ្ឋានថ្មីស្រឡាង របស់នាង<span style="line-height: 1.8;">ដែលមានទីតាំងនៅក្នុង បុរីសុភមង្គល ក្នុងខណ្ឌឫស្សីកែវនៅក្បែរ ស៊ីធីអិន ក្រោយឱកាសបុណ្យចូលឆ្នាំខ្មែររួចរាល់ ។</span></p>
<p>ថ្លែងប្រាប់នៅក្នុងជំនួប សម្ពោធ រឿង “ក្រឡអីហ្នឹង?” អ្នកនាង ខ្ញុង បានប្រាប់ឲ្យដឹងថា បច្ចុប្បន្ននាងបានរស់នៅ ផ្ទះនោះ ហើយ គ្រាន់តែ នាងនៅមិនទាន់ បានរៀបចំពិធីឡើងគេហដ្ឋាន ដោយសារតែចង់ រង់ចាំ បងស្រីធម៌មកពី ក្រៅប្រទេស ។ ពេលនេះបងស្រី នាងបាន មកដល់ស្រុកខ្មែរ ហើយទើបនាងចាត់ចែង រកវេលារៀបចំពិធីតែម្តង ។</p>
<p>ខ្ញុង បាននិយាយទៀតថា "ពិធីឡើងគេហដ្ឋានថ្មីនេះ គឺធ្វើនៅថ្ងៃទី២១ ខែមេសា ខាងមុខនេះ ខ្ញុំមិនសូវបានអញ្ជើញ ភ្ញៀវអ្នក សិល្បៈច្រើនទេ ព្រោះខ្ញុំខ្លាចចិត្តគេ ហើយសម្រាប់បងប្អូនសាច់ញាតិ ក៏ខ្ញុំមិនសូវមានដូចគ្នា ពោលគឺខ្ញុំ ធ្វើត្រឹមតែ១៥-២០តុ ប៉ុណ្ណោះ"។</p>
<p>តារាកំប្លែងសម្បូរវោហារ នាង ខ្ញុង បានប្រាប់ឲ្យដឹងទៀតថា សម្រាប់ទុនចំណាយ ក្នុងការឡើងគេហដ្ឋានថ្មីនេះ នាងមិនទាន់ដឹងទេ ថា ត្រូវចំណាយប៉ុន្មាននោះ ព្រោះថាជាធម្មតា ទាំងការទិញផ្ទះ និងការ រៀបចំពិធី គឺបងស្រីធម៌ ដែលជាម្ចាស់ហាងសំអាងការ សុខគាបូតា ជាអ្នកចាត់ចែងរៀបចំទាំងអស់ "ហើយឆ្លៀតក្នុងឱកាសនេះ ខ្ញុំក៏ចង់ អរគុណទៅដល់បងស្រីធម៌ ខ្ញុំខ្លាំងមែនទែន ដែលគាត់បានទិញផ្ទះ ឲ្យខ្ញុំ ធ្វើឲ្យក្តី ស្រមៃខ្ញុំក្លាយជាការពិត កន្លងមកខ្ញុំមិនដែលគិតទេថា ខ្ញុំអាចមានអ្វីៗដូចសព្វថ្ងៃនេះ ទាល់តែសោះ "៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-388.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-389.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-390.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-391.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29013-2014-03-29-08-55-59.html" target="_blank">ផ្តល់សិទ្ធដោយ ៖ ដើមអម្ពិល</a></p>