<p><span style="color: #000000;"><strong>ភ្នំពេញ៖</strong> តារាសម្តែងស្រីវ័យក្មេង កញ្ញា ជេស ស៊ីកា ក្រោយពីដាក់ខ្លួនចូល ប្រឡូកសិល្បៈ អស់មួយខ្យល់ធំមកត្រូវបានទស្សនិកជន មើលឃើញថា នាង ក៏ចាប់ផ្តើមឡើងយឺអ៊ុន មានហាងឆេងទីផ្សារសិល្បៈខ្ពស់ មិនចាញ់តារាស្រីឯទៀតនោះទេ។ ខណៈដែលថ្មីៗនេះ នាងកំពុងតែក្ដាប់បានឱកាស សម្រាប់តំណែងជាតួឯក ក្នុងខែ្សភាពយន្តថ្មី ជាលើកទី១។</span></p>
<p><span style="color: #000000;">ជួបសំណេះសំណាល ជាមួយគេហទំព័រ LookingTODAY តាមទូរស័ព្ទ កាលពីរសៀលថ្ងៃទី១៤ ខែមីនា ឆ្នាំ២០១៥ តារាសម្តែង សាច់សខ្ចី កញ្ញា ជេស ស៊ីកា បានប្រាប់ឲ្យដឹងថា សម្រាប់អាជីពសិល្បៈផ្ទាល់ខ្លួនសព្វថ្ងៃនេះ គឺនាងមានការមមាញឹកខ្លាំង ទាំងការ សម្តែងខ្សែរឿង និងថតឈុតកាយវិកាខារ៉ាអូខេ ជាដើម។</span></p>
<p><span style="color: #000000;">តារាសម្តែង ជេស ស៊ីកា បាននិយាយបន្តថា «បច្ចុប្បន្ននេះ ខ្ញុំកំពុងតែជាប់ដៃ ក្នុងការសម្តែងកាយវិកាខារ៉ាអូខេ និងខ្សែរឿងភាគ ឲ្យទូរទស្សន៍ជាតិ ដែលនៅក្នុងសាច់រឿងនេះ អ្នកដឹកនាំការសម្តែង តម្រូវឲ្យខ្ញុំ គ្រងតំណែងជាតួឯក។ រឿងភាគនេះ មានចំណងជើងថា "ទឹកភ្នែកបុប្ផាបាត់ដំបង" ជាតួអង្គមានចរិកស្លូតបូតម្នាក់ និងជាប្រភេទរឿងអប់រំ លាយឡំនឹងឈុតឆាកស្នេហាកំសត់ »។</span></p>
<p><span style="color: #000000;">ជាមួយគ្នានេះ តារាសម្តែងកញ្ញា ជេស ស៊ីកា ក៏បាននិយាយឱ្យដឹងដែរថា សម្រាប់ការតួរ សម្តែ ងនៅក្នុងខ្សែ រឿងនីមួយៗ គឺតែងតែជូបនូវការលំបាកខ្លះ ប៉ុន្តែបើទោះបីជាមានការលំបាក និង នឿយហត់បន្តិត មែនក៏នាងនូវតែមានអារម្មណ៍ សប្បាយចិត្តនិងមិនរាថយនោះឡើយ។</span></p>
<p><span style="color: #000000;">តារាសម្តែងកញ្ញា ជេស ស៊ីកា បានបន្ថែមថា ចាប់តាំងពីឈានចូលដល់ឆ្នាំថ្មី ២០១៥នេះ ភ្លាមគឺ ការងារសិល្បៈក៏ចាប់ផ្តើមមានការ មមាញឹក និងមានភាពរីកចម្រើនខ្លាំង ជាងមុនច្រើន ព្រោះក្រៅ ពីសម្តែងតួឯក ក្នុងរឿងថ្មីនេះ នាងក៏កំពុងរវល់ខ្លាំង ក្នុងការសម្រុក ថតឈុត កាយវិកាខារ៉ាអូខេ ឱ្យផលិតកម្មមានធំៗមួយចំនួន ដូចជា ផលិតកម្មហង្សមាស, សាន់ដេ និង ផលិតកម្មថោន ជាដើម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/16/50-16-03-2015--11-09-45.jpg"><img src="/FileManager/Articles/mce/2015/3/16/50-16-03-2015--11-09-45.jpg" alt="" /></a></span></p>
<p><a class="thickbox" title="" href="/FileManager/Commons/2015/3/16/51-16-03-2015--11-09-53.jpg"><img src="/FileManager/Articles/mce/2015/3/16/51-16-03-2015--11-09-53.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/16/50-16-03-2015--11-09-45.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>