<p><span><strong>ភ្នំពេញ៖ </strong>តារាចម្រៀង ធ្លាប់តែស្ថិតនៅក្នុង បេះដូងស្រទាប់ យុវវ័យនាង ឱក សុគន្ធកញ្ញា <br />កាលពីអំឡុងឆ្នាំ ២០១២ គឺមិនត្រឹមតែទទួលបាន នូវភាពជោគជ័យ ពីការច្រៀង ប៉ុណ្ណោះទេ<br /> ថែមទាំងបានបង្កើន នូវភាពល្បីល្បាញ កាន់តែងខ្លាំងដាច់គេ រហូតត្រូវបាន ទស្សនិកជន <br />ដាក់ងារឲ្យជា កំពូលតារាស្រី ប្រចាំផលិតកម្ម ហង្សមាស។</span></p>
<p>ភាពជោគជ័យ ក្នុងអាជីព ជាអ្នកចម្រៀងរបស់ ឱក សុគន្ធកញ្ញា កាលពីអំឡុង ឆ្នាំ២០១២ ត្រូវ<br />បានមហាជន គ្រប់មជ្ឈដ្ឋាន មើលឃើញថា នាងគឺជា តារាមានឱកាស ច្រើនជាងតារាប្រុស-<br />ស្រីឯទៀត ក្នុងការឆក់យកទីផ្សារសិល្បៈ និងអាចរកចំណូល បានខ្ពស់ជាងគេ ពេលឡើង<br />ច្រៀងម្តងៗ។ ប៉ុន្តែក្រោយពី ដណ្តើមយក ភាពល្បីល្បាញ បានហើយនោះ នាងហាក់ដូចជា<br /> តម្កើងឫកខ្ពស់ ហួសពីការស្មាន ដែលធ្វើឲ្យ មានការរិះគន់ ពីទស្សនិកជន ជាអ្នកគាំទ្រ។</p>
<p>កញ្ញា ឱក សុគន្ធកញ្ញា បើទោះបីជាពេលមុននេះ ត្រូវបានទទួលស្គាល់ពីទស្សនិកជន គ្រប់<br />វ័យថា ជាកំពូលតារាចម្រៀងសំឡេងពីរោះក៏ពិតមែន តែនាងមិនបានសម្របខ្លួនទៅតាមអ្វី <br />ដែលជាការចង់បាន ពីមហាជនជាអ្នកគាំទ្រវិញនោះឡើយ។ ផ្ទុយទៅវិញនាង បែរជាគេច<br />វេសដោយបង្ហាញពីឥរិយាបទឫកពារឆ្នើងឆ្មៃ ដាក់ទស្សនិកជនរហូតដល់មានមតិរិះគន់ ពី<br />ភាពសមគួររបស់នាង ទាំងខ្លួនជាតារាល្បី។</p>
<p>ជាកាពិត ភាពស្ថិតស្ថេរសម្រាប់ ការដណ្តើមបានទីផ្សាសិល្បៈ ដើម្បីឆ្ពោះទៅរក ការគាំទ្រ<br /> និងរក្សាបាននូវប្រជា ប្រិយភាពឲ្យយូរអង្វែងនោះ គឺអាស្រ័យទៅលើ ការចូលរួម លើកទឹក<br />ចិត្ត និងផ្តល់ទំនុកចិត្ត ពីទស្សនិកជន តាមរយៈការបង្ហាញ សមត្ថភាព និងទេពកោសល្យ<br />នៃការច្រៀង និងសម្តែងរបស់តារាគ្រប់ៗរូប។ ប៉ុន្តែផ្ទុយទៅវិញ បើសិនតារាចម្រៀង និង<br />តារាសម្តែងទាំងនោះ មិនបានគិតគូរឲ្យ បានដិតដល់ ចំពោះការរៀបចំឫកពារ ឲ្យបានល្អ <br />សម្រាប់ក្រសែភ្នែកមហាជន ជាអ្នកគាំទ្រនោះទេ ភាពល្បី និងកេរ្តិ៍ឈ្មោះ អាចនឹងរបេះបាត់ <br />ទៅវិញ នៅពេលណាមួយជាមិនខាន។</p>
<p>ជាក់ស្តែងថ្មីៗនេះ ស្រាប់តែមាន ការលើកឡើង ពីមជ្ឈដ្ឋានខាងក្រៅជុំវិញ ការរិះគន់ដោយ<br />ចំៗ ទៅលើកំពូលតារា ចម្រៀងស្រី ដែលធ្លាប់តែល្បីឈ្មោះ នាង ឱក សុគន្ធកញ្ញា ថាចាប់<br />តាំងពី តារាស្រីរូបនេះ មានឈ្មោះល្បីមក នាងក៏បានផ្លាស់ប្តូរ ឥរិយាបទខុសប្លែកពីមុន <br />ដោយចរិកអំនួត និងភាពល្បីល្បាញរបស់ខ្លួន ភ្លេចគិតដល់អារម្មណ៍ របស់អ្នក នៅជុំវិញខ្លួន <br />ជាពិសេសអ្នកគាំទ្រ។</p>
<p>ប្រភពខាងលើបានបន្តថា ដ្បិតតែកាលពីអំឡុងឆ្នាំ ២០១២ ឱក សុគន្ធកញ្ញា អាចឆក់ដណ្តើម<br />បាន ទីផ្សារសិល្បៈ ទាំងស្រុង ពេញ មួយឆ្នាំ ក៏ពិតមែន ប៉ុន្តែនាងក៏ ហាក់កំពុងតែ មានការ<br />ធ្លាក់ចុះមកវិញ នូវប្រជាប្រិយភាព និងការគាំទ្រសម្រាប់ ឆ្នាំ២០១៣នេះ។ ខណៈទីផ្សារសិល្បៈ<br />ក្នុងស្រុក របស់នាង ក៏កំពុងតែមាន ការស្ងប់ស្ងាត់ខ្លាំងជាងមុន។</p>
<p>ទាក់ទងនឹងព័ត៌មាន ខាងលើនេះ គេហទំព័រ LookingTODAY មិនអាចទំនាក់ទំនង ដើម្បីសុំការ<br />បំភ្លឺ ដោយផ្ទាល់ពីកញ្ញា ឱក សុគន្ធកញ្ញា បាននៅឡើយទេ នារសៀល ថ្ងៃទី១២ ខែវិច្ឆិកា ឆ្នាំ<br />២០១៣នេះ។ LookingTODAY ស្វាគមន៍ ចំពោះការចេញមុខ បកស្រាយ ពីកញ្ញា ឱក សុគន្ធ<br />កញ្ញា នៅពេលក្រោយ ដោយក្ដីរីករាយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0365.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0366.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0367.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0368.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24522-2013-11-14-02-50-38.html">ដើមអំពិល</a></p>