<p><span style="color: #000000;"><strong>ភ្នំពេញ៖</strong> កូនសំណព្វចិត្តរបស់ឧកញ៉ា ឌួង ងៀប គឺលោក ឌួង ឆាយ ដែលសម្បូរដោយរឿងអាស្រូវ នៃការបាញ់ បោះ និងវាយតប់នៅក្នុងសង្គម ត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចបញ្ជូនទៅឃុំ ខ្លួននៅពន្ធនាគារព្រៃសវិញ បន្ទាប់ពីបានឃុំខ្លួនបណ្តោះអាសន្ននៅពន្ធនាគារ PJ អស់មួយរយៈមកនោះ។</span></p>
<p><span style="color: #000000;">សូមបញ្ជាក់ថាលោក ឌួង ឧត្តមឆវិន ហៅឌួង ឆាយ ត្រូវបានសាលាដំបូងរាជធានីភ្នំពេញ សម្រេចឃុំខ្លួនបណ្តោះ អាសន្ន កាលពីរសៀលថ្ងៃទី១៥ ខែមេសា ឆ្នាំ២០១៥ ក្រោមបទចោទប្រើហឹង្សាដោយចេតនា និង គំរាមបាញ់ សម្លាប់ពាក់ព័ន្ធសំណុំរឿងទះកំផ្លៀង លោក ទ្រី ដាលុច កូនឧកញ៉ាដ៏ល្បីឈ្មោះមួយរូបនៅកម្ពុជា កាលពីយប់ថ្ងៃ ទី១៣ ខែមេសា ឆ្នាំ២០១៥។</span></p>
<p><span style="color: #000000;">លោក ឌួង ឆាយ ក្រោយការសម្រេចឲ្យឃុំខ្លួនពីតុលាការហើយនោះ មិនត្រូវបានគេបញ្ជូនទៅឃុំខ្លួននៅពន្ធនាគារព្រៃសដូច អ្នកទោសដទៃនោះទេ តែបែរជាត្រូវបញ្ជូនខ្លួនទៅឃុំនៅពន្ធនាគារ PJ ទៅវិញ។</span></p>
<p><span style="color: #000000;"><strong>តើមានអ្វីខុសគ្នា រវាងពន្ធនាគារព្រៃស និង PJ?</strong></span></p>
<p><span style="color: #000000;">ពន្ធនាគារ PJ មានទីតាំងស្ថិតនៅស្នងការដ្ឋាននគរបាលរាជធានីភ្នំពេញ។ PJ ត្បិតមែន តែមានឈ្មោះជាពន្ធនាគារ តែមិនមែនជាកន្លែងដាក់ពិរុទ្ធជន ដូចពន្ធនាគារព្រៃសនោះឡើយ គឺសម្រាប់ដាក់ជនជាប់ចោទបណ្តោះអាសន្ន ឬទោសស្រាលៗ តែប៉ុណ្ណោះ។ សម្រាប់អ្នកទោស ដែលបានឃុំនៅ ពន្ធនាគារ PJ មានសភាពធូរស្រាលជាងពន្ធនាគារព្រៃស ដែលជាកន្លែងដាក់អ្នកទោសចម្រុះ។</span></p>
<p><span style="color: #000000;">ពន្ធនាគារ PJ នេះ មានជនជាប់ចោទតិច ហើយសាច់ញាតិងាយស្រួលចេញ-ចូលសួរសុខទុក្ខ។ មិនតែប៉ុណ្ណោះ ជនជាប់ចោទមានលទ្ធភាពអាចកុម្មង់បន្ទប់ កុម្មង់កន្លែងដេក កុម្មង់របស់ហូបចុកបានស្រេចចិត្ត។ និយាយរួម អ្នកទោស ដែលឃុំខ្លួនក្នុងពន្ធនគារ PJ ភាគច្រើនជាកូនឧកញ៉ា អ្នកមានធនធានទ្រព្យសម្បត្តិ និង មានអំណាច ដូចជាលោក ឌួង ឆាយ ទើបមានឱកាសបានជាប់ក្នុងពន្ធនាគារ PJ នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/21/pheak-000218-21-04-2015--19-49-23.jpg"><span style="color: #000000;"><img src="/FileManager/Articles/mce/2015/4/21/pheak-000218-21-04-2015--19-49-23.jpg" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2015/4/21/pheak-000218-21-04-2015--19-49-23.jpg"></a>ផ្ដល់សិទ្ធដោយ៖ ដើមអម្ពិល</span></p>