<p>សោកនាដកម្មមួយ ទើបតែកើតឡើងនៅក្នុងវិស័យបាល់ទាត់ឥណ្ឌូនេស៊ី ក្នុងពេលដែលកីឡាករម្នាក់ ឈ្មោះ Akli Fairuz បានបាត់បង់ជីវិត នៅមន្ទីរពេទ្យ បន្ទាប់ពីការប៉ះទង្គិចដ៏សាហាវមួយ ជាមួយនឹង អ្នកចាំទី ខាងគូប្រកួត។</p>
<p>រឿងហេតុដ៏អាក្រក់ខាងលើនេះ បានកើតឡើងនៅក្នុងការប្រកួតបាល់ទាត់មួយ រវាង PSAP Sigli និង Persiraja ដណ្តើមពានរង្វាន់ថ្នាក់ជាតិ ឥណ្ឌូនេស៊ី។ បន្ទាប់ពីការទាត់បាល់ឆ្ងាយ ដែលមិនសូវជាមាន គ្រោះថ្នាក់ប៉ុន្មាន ពីខាងកីឡាកររបស់ Persiraja អ្នកចាំទី Agus Rahman របស់ក្លឹបម្ចាស់ផ្ទះ បានចាប់ បាល់រអិល របូតចេញពីដៃវិញ។</p>
<p>ឃើញដូច្នេះកីឡាករ Akli Fairuz បានរត់ចូលយ៉ាងលឿន ដើម្បីទាត់បាល់បន្ថែមបញ្ចូលទី ប៉ុន្តែរូប គាត់ត្រូវបានអ្នកចាំទី Agus Rahman ដែលមកដណ្តើមបាល់ជាមួយ ទាត់ខុសបច្ចេកទេស ត្រូវចំ ពោះ យ៉ាងដំណំ ធ្វើឲ្យ Fairuz សន្លប់លែងដឹងខ្លួន នៅលើស្មៅតែម្តង។</p>
<p><a class="thickbox" title="" href="/FileManager/Commons/2014/5/19/1400472600-cau-thu-chet-1-19-05-2014--16-59-28.jpg"><img src="/FileManager/Articles/mce/2014/5/19/1400472600-cau-thu-chet-1-19-05-2014--16-59-28.jpg" alt="" /></a></p>
<p>ក្រុមបុគ្គលិកពេទ្យ បានចូលមកជួយសង្គ្រោះ និងនាំ Fairuz ទៅកាន់មន្ទីរពេទ្យ។ ក្រុមគ្រូពេទ្យបានធ្វើ ការវះកាត់ពោះវៀន និងអនុវត្តនូវវិធីសាស្រ្តជាច្រើនផ្សេងទៀត ដើម្បីជួយសង្គ្រោះ ព្យាបាលដល់ Fairuz។ ប៉ុន្តែជាក់ស្តែង ស្ថានភាពរបួសរបស់កីឡាកររូបនេះ ពីមួយថ្ងៃទៅមួយថ្ងៃកាន់តែអាក្រក់ទៅៗ ហើយរយះពេលតែ ៦ថ្ងៃប៉ុណ្ណោះ Fairuz ក៏បានបាត់បង់ជីវិត។ មូលហេតុដែលបណ្តាលឲ្យរូបគាត់ ស្លាប់ ត្រូវបានគ្រូពេទ្យបញ្ជាក់ថា មកពី Fairuz រងរបួសផ្នែកខាងក្នុងនៃពោះ ធ្ងន់ធ្ងរពេក និងរងការ ខូចខាត ប្លោកនោម។</p>
<p>ការស្លាប់របស់កីឡាករ Fairuz បានបង្កឲ្យមានការរន្ធត់ និងភ័យខ្លាច ដល់វិស័យបាល់ទាត់ឥណ្ឌូនេស៊ី (និយាយដោយឡែក) និងថែមទាំងប៉ះពាល់ដល់ គ្រប់មុខវិស័យកីឡាករទាំងអស់ ក្នុងប្រទេសនេះ (និយាយជារួម) ផងដែរ៕ </p>
<p style="text-align: center;"><object width="500" height="400" data="http://www.youtube.com/v/wU_t032n-oQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/wU_t032n-oQ&rel=1" /></object></p>
<p style="text-align: center;"><object width="500" height="400" data="http://www.youtube.com/v/dZAwkm2Xsew&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/dZAwkm2Xsew&rel=1" /></object></p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ 24h</p>