<div class="article-content">
<p><strong>ភ្នំពេញ ៖</strong> ផ្ទះចំនួន ៣ខ្នងដែលស្ថិតនៅ ជាប់ៗគ្នា ត្រូវបានអគ្គិភ័យឆេះបំផ្លាញទាំងស្រុង កាលពី<br />វេលាម៉ោង ១១ និង៣០នាទី ព្រឹកថ្ងៃទី១៦ ខែសីហា ឆ្នាំ ២០១៣ នេះ ស្ថិតនៅក្រុមទី៤ ផ្លូវលេខ <br />៩២ ភូមិត្រពាំង ស្វាយ សង្កាត់ភ្នំពេញថ្មី ខណ្ឌសែនសុខ ដែល អគ្គិភ័យនេះត្រូវបានសមត្ថកិច្ច<br />បញ្ជាក់ជា ជំហានដំបូងថា បណ្ដាលមកពីទុស្សេខ្សែ ភ្លើងជាន់ទី២ នៅផ្ទះលេខ ២៦សេ ដែលជា<br /> ផ្ទះលក់គ្រឿងទេស ។</p>
<p>យោងតាមសេចក្ដីរាយការណ៍ ពីកន្លែង កើតហេតុបានឱ្យដឹងថា ខណៈដែលម្ចាស់ផ្ទះរងគ្រោះ<br />កំពុងចំអិនម្ហូបនៅខាងក្រោម ស្រាប់តែទុស្សេខ្សែភ្លើងកើតឡើងនៅជាន់ លើ ធ្វើឱ្យមានការភ្ញាក់<br />ផ្អើលយ៉ាងខ្លាំង ប៉ុន្ដែ ភ្លាមៗនោះ ដោយសារតែភ្លើងបានឆាបឆេះ កាន់តែខ្លាំងឡើង មិនអាចធ្វើ<br />ឱ្យម្ចាស់ផ្ទះ ជួយពន្លត់ទាន់ពេលវេលា ក៏អគ្គិភ័យនេះ បានឆាបឆេះកាន់តែខ្លាំង ហើយរីករាលដាល<br />ទៅកាន់ផ្ទះប្រជាពលរដ្ឋ ដែលស្ថិតនៅ ជាប់ៗគ្នាចំនួន ២ខ្នងទៀត បានរងការឆាប ឆេះទាំងស្រុង<br />ផងដែរ រួមមាន ផ្ទះលេខ ២៩ ដែលមានម្ចាស់ផ្ទះឈ្មោះ ឈឹម អូន និង ម្ចាស់ផ្ទះលេខ ៣១សេ <br />ឈ្មោះ អ៊ុន ពេជ្រ។</p>
<p>ដោយឡែកម្ចាស់ផ្ទះដែលផ្ដើមឱ្យមានអគ្គិ ភ័យមានឈ្មោះ ស៊ុន សុខចំរើន អាយុ ៤២ ឆ្នាំ មុខរបរ <br />ជាអ្នកលក់គ្រឿងទេស ។</p>
<p>សេចក្ដីរាយការណ៍ ពីកន្លែងកើតហេតុ បានបន្ដទៀតថា នៅពេលដែលអគ្គិភ័យ កាន់តែឆាបឆេះខ្លាំង<br />ឡើងនោះ បានរីករាល ដាលរហូតដល់ឆេះ និងផ្ទុះកំប៉ុងហ្គាសដែល ជំរុញឱ្យសន្ទុះនៃអគ្គិភ័យកាន់<br />តែខ្លាំងឡើង។ ក្រោយកើតហេតុភ្លាមៗ ប្រធានការិយា ល័យបង្កា និងពន្លត់អគ្គិភ័យរាជធានីភ្នំពេញ <br />លោក នេត វត្ថា បានឱ្យដឹងថា លោកបានបញ្ជូនរថយន្ដពន្លត់អគ្គិភ័យ ទៅជួយអន្ដរា គមន៍ភ្លាមៗ។</p>
<p>យោងតាមសមត្ថកិច្ចមូលដ្ឋាន ដែលចុះ ទៅជួយអន្ដរាគមន៍ផងដែរនោះ បានឱ្យដឹងថា អគ្គិភ័យបាន<br />រលត់ទាំងស្រុងនៅវេលាម៉ោង ១២រសៀលថ្ងៃដដែលនេះដោយប្រើ រថយន្ដពន្លត់អគ្គិភ័យចំនួន ៤<br />គ្រឿង ។</p>
<p>ជាមួយគ្នានេះអ្វីដែលគួរឱ្យព្រួយបារម្ភ យ៉ាងខ្លាំង នៅពេលមានករណីអគ្គិភ័យខាងលើ គឺនៅក្បែរផ្ទះ<br />កើតហេតុនោះ ចម្ងាយតែ ២០-៣០ម៉ែត្រ មានស្ថានីយប្រេងមួយ កន្លែង ហើយបើការជួយអន្ដរាគមន៍<br />ធ្វើឡើងមិនទាន់ពេលវេលានោះទេ នឹងអាចឆេះទៅដល់ស្ថានីយប្រេង កាន់តែធ្វើឱ្យធ្ងន់ធ្ងរថែមទៀត។</p>
<p>យោងតាមមន្ដ្រីនគរបាល ពន្លត់អគ្គិភ័យ ៍បានឱ្យដឹងថា គិតចាប់តាំងពីដើមឆ្នាំ២០១៣ រហូតមកដល់<br />ពេលនេះនៅរាជធានីភ្នំពេញ អគ្គិភ័យបានកើតឡើងជាង ៧០ករណី បណ្ដាលឱ្យស្លាប់មនុស្ស ៣នាក់<br /> និងរងរបួស ជិត ១០នាក់ ព្រមទាំងបំផ្លាញទ្រព្យសម្បត្ដិ ផ្ទះសម្បែងលុយកាស អស់ជាច្រើនផងដែរ។យ៉ាងណាក៏ដោយសម្រាប់អគ្គិភ័យខាងលើនេះ មិនទាន់មានការបញ្ជាក់ពីការខូចខាត ទ្រព្យសម្បត្ដិ<br />ប៉ុន្មាននោះទេ ។</p>
<p>លោក នេត វត្ថា តែងតែអំពាវនាវទៅ កាន់ប្រជាពលរដ្ឋទាំងអស់ ដែលរស់នៅក្នុង រាជធានីភ្នំពេញ <br />ត្រូវមានការប្រុងប្រយ័ត្ន ខ្ពស់ ចំពោះគ្រោះអគ្គិភ័យ ជៀសវាងការ ធ្វេសប្រហែស ដូចជា អុជធូបទៀន<br />ថ្ងៃសីល និងផ្ទុះកំប៉ុងហ្គាសជាដើម ហើយពេលធ្វើដំណើរទៅណាមកណា ត្រូវពិនិត្យមើល និងបិទ<br />កុងតាក់ ឬក៏បារ៉ែតភ្លើងឱ្យអស់នៅក្នុងផ្ទះ ។</p>
<p>ប្រជាពលរដ្ឋខ្លះបានលើកឡើងថា ករណីអគ្គិភ័យភាគច្រើន បណ្ដាលមកពីទុស្សេខ្សែភ្លើង ដូច្នេះទាំង<br />មន្ដ្រីជំនាញអគ្គិសនី និងសមត្ថកិច្ចពាក់ព័ន្ធគួរមានវិធានការ និងចុះពិនិត្យមើលចំពោះករណីនេះផង៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0367.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0364.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0357.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0358.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0359.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0360.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0361.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0362.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0363.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0365.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0366.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>