CamNews

ភ្នំពេញ ៖ ក្រុមកម្មករ-កម្មការិនី ដែលបម្រើការងារ នៅអ៊ីសធឺន នៅតំបន់សេដ្ឋកិច្ចពិសេស មេនហាតធេន ស្ថិតនៅ សង្កាត់បាវិត ក្រុងបាវិត ខេត្តស្វាយរៀង កម្មករចំនួន ២.០២៧ នាក់ស្រី ១.៦៤៣ នាក់ បាននាំគ្នាតវ៉ា ទាមទារលក្ខខណ្ឌការងារ៨ចំណុច ។ ការផ្ទុះកូដកម្មនេះបានធ្វើឡើងកាលពីថ្ងៃទី១១ ខែធ្នូ ឆ្នាំ២០១៤ ហើយនៅព្រឹកថ្ងៃ ទី១២ ធ្នូនេះ កម្មករ បានបន្តកូដកម្មមិនទាន់ចូលធ្វើការនៅឡើយ ក្រុមការងារដោះស្រាយគ្រប់មុខសញ្ញា ប្រចាំការនៅ តំបន់សេដ្ឋកិច្ចពិសេសបាវិត និងក្រុមការងារខេត្ត កំពុងធ្វើការសម្របសម្រួល រវាងក្រុមហ៊ុន ជាមួយតំណាងកម្មករនិងសហជីព ។ លក្ខខ័ណ្ឌការងារ ៨ ចំណុចនោះ រួមមាន៖ ១. សូមឲ្យក្រុមហ៊ុនកំណត់ចំនួនខោអាវឲ្យកម្មករដេរឲ្យបានសមរម្យ ២. ក្រុមហ៊ុនត្រូវផ្តល់ភាពងាយស្រួលជូនកម្មករក្នុងការដាក់ច្បាប់ពេលមានធុរ:ចាំបាច់ ៣. សុំគ្រូពេទ្យ គីម ចេញពីក្រុមហ៊ុនជាបន្ទាន់ ៤. សុំក្រុមហ៊ុនអនុញ្ញាតិចូលធ្វើការ ពេលព្រឹក ម៉ោង ៧.៤០ បើសិនជាកម្មករមកលើសម៉ោង សូមឲ្យកាត់លុយ ៥. ពេលកម្មករឈឺហើយមានសំបុត្រពេទ្យបញ្ជាក់ត្រឹមត្រូវ ក្រុមហ៊ុនត្រូវទទួលយកគ្រប់ស្ថាប័នពេទ្យរដ្ឋ ល្អទាំងអស់ ៦. សុំក្រុមហ៊ុនអនុញ្ញាតិឲ្យកម្មករ មានផ្ទៃពោះទៅពិនិត្យពោះដោយមិនកាត់ប្រាក់ឈ្នួល និង អត្តប្រយោជន៏ផ្សេងៗ ៧. ពេលធ្វើការថែមម៉ោងមិនត្រូវបង្ខំកម្មករទេ ៨. សុំក្រុមហ៊ុនចេញក្រដាស់បើកលុយឲ្យបានធំ និងជាអក្សរខ្មែរ៕ ផ្ដល់សិទ្ធដោយ៖ ដើមអម្ពិល

កម្មករជាង២០០០នាក់ នៅតំបន់សេដ្ឋកិច្ច ពិសេសមេនហាតធេន ក្រុងបាវិតផ្ទុះកូដកម្ម