<p><span style="color: #000000;">ភ្នំពេញ៖ សម្តេចព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានទ្រង់ព្រះប្រទាន នូវគ្រឿងឥស្សរិយយសថ្នាក់ មហាសេរីវឌ្ឍន៍ ទៅដល់ថ្នាក់ដឹកនាំ នៃធនាគារចំនួន២ នៅក្នុងប្រទេសកម្ពុជា។</span></p>
<p><span style="color: #000000;">ថ្នាក់ដឹកនាំ ដែលបានទទួលនូវគ្រឿងឥស្សរិយយសថ្នាក់នោះរួមមាន លោក Le Dao Nguyen, លោក Tran Thanh Van, លោក Nguyen Dinh Duong និងលោក Nguyen Van Hien ដែលអ្នកទាំងអស់នេះ គឺថ្នាក់ដឹកនាំនៅ ក្នុងធនាគារពាណិជ្ជកម្មវិនិយោគ និងអភិវឌ្ឍន៍វៀតណាម (BIDV) និង លោក ទ្រឹង បាក់ហាប្រធាន ធនាគារវិនិយោគ អភិវឌ្ឍន៍កម្ពុជា (BIDC)។</span></p>
<p><span style="color: #000000;">មិនត្រូវតែប៉ុណ្ណោះ ព្រះអង្គ ក៏ទ្រងសព្វព្រះទ័យ បានប្រទាននូវគ្រឿងឥស្សរិយយសថ្នាក់ សហមេត្រី ថ្នាក់មហាសេនា ទៅដល់ផ្នែកផ្សេងៗ នៃធនាគារចំនួន ១៤ ផ្សេងទៀតផងដែរ។</span></p>
<p><span style="color: #000000;">នៅក្នុងឱកាសការបំពាក់នូវគ្រឿងឥស្សរិយយសនោះ គឺមានការអញ្ជើញចូលរួមជាអធិបតីពីសំណាក់ ឧបនាយករដ្ឋមន្ត្រី និងជារដ្ឋមន្ត្រី ក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច និងជាប្រធាន សមាគមមិត្តភាព កម្ពុជា-វៀតណាម លោកស្រី ម៉ែន សំអន និងមានការចូលរួម ពីសំណាក់ លោក ជា ចាន់តូ អគ្គទេសាភិបាលធនាគារជាតិ នៃកម្ពុជា, អភិបាលរាជធានីភ្នំពេញ លោក ប៉ា សុជាតិវង្ស និងលោក ថាច់ យឺ ឯកអគ្គរដ្ឋទូតវៀតណាម ប្រចាំកម្ពុជា និងមន្ត្រី រាជរដ្ឋាភិបាល ជាច្រើនរូបទៀតផងដែរ។</span></p>
<p><span style="color: #000000;">ថ្លែងនៅក្នុងពិធីបំពាក់គ្រឿងឥស្សរិយយស ព្រះរាជាណាចក្រកម្ពុជា នៅល្ងាចថ្ងៃទី២៥ ខែឧសភា ឆ្នាំ២០១៥នេះ នាសណ្ឋាគារកាំបូឌីយ៉ាណា លោកស្រី ម៉ែន សំអន បានមានប្រសាសន៍ថា ការវិនិយោគ របស់ធនាគារវិនិយោគ និងអភិវឌ្ឍន៍កម្ពុជា បានរួមចំណែកយ៉ាងសំខាន់ក្នុងការ ជួយជម្រុញ សកម្មភាព វិនិយោគរបស់វៀតណាមនៅកម្ពុជា និងបានកើនឡើងពី ៥០០លានដុល្លារ នៅឆ្នាំ២០០៩ ដល់ជាង៣ពាន់លានដុល្លារ ក្នុងពេលបច្ចុប្បន្ន ដោយផ្អែកលើកត្តានេះ ទោះបី ស្ថានភាព សេដ្ឋកិច្ចពិភពលោកជួបវិបត្តិ ក៏សេដ្ឋកិច្ចកម្ពុជា នៅតែមានកំណើនស្ថេរភាពល្អ គឺជាង៧ភាគរយក្នុងមួយឆ្នាំ។</span></p>
<p><span style="color: #000000;">លោកស្រីឧបនាយករដ្ឋមន្ត្រី បាបបន្តថា “វត្តមានធនាគារវិនិយោគ និងអភិវឌ្ឍន៍កម្ពុជា នៅក្នុង ប្រទេស កម្ពុជា បានបញ្ជាក់យ៉ាងច្បាស់អំពីទំនុកចិត្តរបស់វិនិយោគិន ជាពិសេសវិនិយោគិន វៀតណាម នៅកម្ពុជា ជម្រុញទីផ្សារហិរញ្ញវត្ថុធនាគាររបស់កម្ពុជា ឲ្យកាន់តែមានការអភិវឌ្ឍន៍ ថែមទៀត និងរួមចំណែកលើកកម្ពស់ជីវភាព រស់នៅរបស់ប្រជាជនកម្ពុជា ដោយបានបង្កើតការងារ និងបានផ្តល់ទុនកម្ចីធ្វើអាជីវកម្មផងដែរ”។</span></p>
<p><span style="color: #000000;">ជាមួយគ្នានោះ លោកស្រី ម៉ែន សំអន ក៏បានជូនពរទៅធនាគារទាំងពីរ ទទួលបានការគាំទ្រ ពីសំណាក់អតិថិជន ឲ្យបានច្រើនផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/26/5-26-2015-9-13-40-am-26-05-2015--09-19-29.png"><img src="/FileManager/Articles/mce/2015/5/26/5-26-2015-9-13-40-am-26-05-2015--09-19-29.png" alt="" /></a></span></p>
<p><a class="thickbox" title="" href="/FileManager/Commons/2015/5/26/5-26-2015-9-13-52-am-26-05-2015--09-19-40.png"><img src="/FileManager/Articles/mce/2015/5/26/5-26-2015-9-13-52-am-26-05-2015--09-19-40.png" alt="" /></a></p>
<p><a class="thickbox" title="" href="/FileManager/Commons/2015/5/26/5-26-2015-9-13-21-am-26-05-2015--09-20-09.png"><img src="/FileManager/Articles/mce/2015/5/26/5-26-2015-9-13-21-am-26-05-2015--09-20-09.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>