<div class="article-content">
<p><strong>កណ្ដាល ៖</strong> មន្ដ្រីយោធា ពាក់ស័ក្ដិ៥ម្នាក់ បានសម្រេចចិត្ដដកកាំភ្លើង បាញ់បំបែកក្បាលខ្លួនឯង<br />ស្លាប់ភ្លាមៗ ក្នុងថ្លុកឈាមនៅ បន្ទប់ផ្ទះជួលដ៏តូច ដែលតាមសេចក្ដីរាយការណ៍ពីស្ដ្រីជាប្រពន្ធ<br /> ប្រាប់សមត្ថកិច្ចគឺមូល ហេតុនោះ បណ្ដាលមកពីតូចចិត្ដ និងមាន បញ្ហាក្នុងការរកស៊ីខាតឡុងចុង<br /> ជាមួយមិត្ដភ័ក្ដិ ដែលធ្វើឱ្យមន្ដ្រី យោធារូបនេះសម្រេច ចិត្ដបាញ់សម្លាប់ខ្លួនឯងតែម្ដងទៅ ពុំមាន<br />ការស្ដាយស្រណោះជីវិតនោះឡើយ ។</p>
<p>អំពើអត្ដឃាត យកកាំភ្លើងបាញ់សម្លាប់ខ្លួនឯង បណ្ដាលឱ្យស្លាប់មួយរំពេចធ្វើឱ្យ មានការភ្ញាក់<br />ផ្អើលយ៉ាង ខ្លាំងពីប្រជាពលរដ្ឋ និងមានការរន្ធត់ ពីស្ដ្រីជាប្រពន្ធបានកើតឡើង កាលពីវេលាម៉ោង<br />ប្រមាណ ៩និង៣០ នាទីព្រឹក ថ្ងៃទី៣០ ខែសីហា ឆ្នាំ២០១៣ ស្ថិតនៅបន្ទប់ជួលរបស់ខ្លួន នៅភូមិ<br />ព្រែក សំរោង១ សង្កាត់តាខ្មៅ ក្រុងតាខ្មៅ ខេត្ដកណ្ដាល ។</p>
<p>យោងតាមប្រភពព័ត៌មាន ពីសាក្សីនៅ កន្លែងកើតហេតុបានឱ្យដឹងថា នៅវេលាម៉ោងកើតហេតុ<br />ខាងលើនេះ ស្រាប់តែគេឮ សូរសំឡេងផ្ទុះអាវុធ ចេញពីបន្ទប់ជួលខាង លើ ដោយដំបូងឡើយគេ<br />សង្ស័យថា មានអំពើ ប្លន់ប្រដាប់អាវុធ ឬក៏ជាជម្លោះរហូត ដល់ទាញកាំភ្លើងបាញ់គ្នា ។ ប៉ុន្ដែក្រោយ<br />ពីឮសំឡេងផ្ទុះអាវុធម្នាក់ៗ បាននាំគ្នាផ្អើលទៅមើល ស្រាប់តែឃើញជនរងគ្រោះដែលគេ អះអាង<br />ថា ជាទាហានពាក់ស័ក្ដិ៥បានបាញ់ សម្លាប់ខ្លួនឯង បណ្ដាលឱ្យស្លាប់មួយរំពេច ក្នុងថ្លុកឈាមចោល<br />ប្រពន្ធរបស់ខ្លួន ។</p>
<p>ជុំវិញអំពើអត្ដឃាតខាងលើនេះ អធិការ នគរបាលក្រុងតាខ្មៅ លោក ស៊ឹម ប៊ុតបណ្ឌិត នៅរសៀល<br />ថ្ងៃទី៣០ ខែសីហា ឆ្នាំ២០១៣ នេះ បានថ្លែងប្រាប់មជ្ឈមណ្ឌលព័ត៌មាន ដើមអម្ពិលតាមទូរស័ព្ទថា<br /> ជនរងគ្រោះ សឹង ថន អាយុ ៤២ឆ្នាំ ជាមន្ដ្រីយោធាថ្នាក់ វរសេនីយ៍ឯក ប៉ុន្ដែ មិនដឹងថា បម្រើការ<br />ងារ នៅអង្គភាពណានោះទេ ខណៈដែលសេចក្ដី រាយការណ៍ខ្លះបានឱ្យដឹងថា ជនរងគ្រោះ បម្រើ<br />ការងារនៅការិយាល័យភស្ដុភារ ។</p>
<p>អធិការនគរបាលក្រុងតាខ្មៅ បានបន្ដថា តាមការសាកសួរ ពីស្ដ្រីជាប្រពន្ធបានប្រាប់ សមត្ថកិច្ចពី<br />មូលហេតុ ដែលនាំឱ្យប្ដីរបស់ខ្លួន បាញ់សម្លាប់យ៉ាងដូច្នេះ គឺមានបញ្ហាក្នុងការ រកស៊ីជាមួយមិត្ដភ័ក្ដិ<br /> ប៉ុន្ដែ លោកមិន បានបញ្ជាក់ថា រកស៊ីអ្វីនោះឡើយ ។</p>
<p>លោក ស៊ឹម ប៊ុតបណ្ឌិត បានបញ្ជាក់ទៀត ថា មុនពេលកើតហេតុជនរងគ្រោះ និង ប្រពន្ធបាន<br />ជជែកគ្នា ពីរឿងរកស៊ី និងមុខរបរ ដែលប្ដីរបស់គាត់រកស៊ីជាមួយមិត្ដភ័ក្ដិ ស្រាប់តែភ្លាមៗនោះ <br />ខណៈដែលរូបគាត់ជា ប្រពន្ធ ដើរចេញពីបន្ទប់ជួលក៏ឮសំឡេងផ្ទុះអាវុធ ហើយក៏ប្រញាប់រត់<br />ចូលទៅក្នុង ស្រាប់តែឃើញប្ដីរបស់ ខ្លួនដេកស្លាប់ក្នុងថ្លុកឈាមទៅហើយ ។</p>
<p>អធិការនគរបាល ក្រុងតាខ្មៅរូបនេះបាន បន្ដថា ជនរងគ្រោះបានប្រើកាំភ្លើងខ្លីបាញ់ពី លើត្រចៀក<br />ខាងស្ដាំ ធ្លាយទៅត្រចៀកខាង ឆ្វេង ១គ្រាប់ បណ្ដាលឱ្យស្លាប់ភ្លាមៗតែ ម្ដង។ យ៉ាងណាក៏ដោយ<br />ជនរងគ្រោះ និង ប្រពន្ធ ពុំមានកូននោះទេ ។</p>
<p>ប្រភពព័ត៌មានមួយចំនួន ពីប្រជាពលរដ្ឋ នៅក្នុងភូមិបានឱ្យដឹងថា ក្រៅពីបម្រើការងារ ជាមន្ដ្រីយោ<br />ធាជន រងគ្រោះមានការរកស៊ីច្រើន ជាមួយមិត្ដភ័ក្ដិរហូតដល់ឡុងចុង និងជំពាក់បុលគេវ័ណ្ឌក ទើប<br />ឈានទៅដល់ ការបាញ់សម្លាប់ខ្លួនយ៉ាងដូច្នេះ ។ ក្រោយកើតហេតុកម្លាំងនគរបាលក្រុងតាខ្មៅ និង<br />កម្លាំងនគរបាលបច្ចេក ទេស បានចុះទៅធ្វើ កោសល្យវិច័យសព ហើយបញ្ជាក់ថា ការស្លាប់របស់<br />ជនរងគ្រោះ បណ្ដាលមកពីការ ធ្វើអត្ដឃាតពិតប្រាកដមែន ។</p>
<p>ក្រោយពីធ្វើកោសល្យវិច័យរួចហើយ សមត្ថកិច្ច បានរៀបចំចាត់ចែងប្រគល់សពជនរងគ្រោះ ទៅឱ្យ<br />ស្ដ្រីជាប្រពន្ធ និងក្រុមគ្រួសារយកទៅធ្វើបុណ្យតាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0541.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0542.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>