<div class="article-content">
<p><strong>ភ្នំពេញ ៖</strong> បុរសម្នាក់ បានបើករថយន្ដបុក រះម៉ូតូ និងរទេះលក់ចេកអាំងចំនួន ៤គ្រឿង ជាបន្ដ<br />បន្ទាប់ នៅខាងជើងផ្សារអូឡាំពិក តាមបណ្ដោយផ្លូវលេខ ២៨៦ សង្កាត់អូឡាំ ពិក ខណ្ឌចំការមន<br /> កាលពីវេលាម៉ោង ៥ និង៣០នាទីល្ងាច ថ្ងៃទី០៨ ខែវិច្ឆិកា ឆ្នាំ ២០១៣ នេះ បណ្ដាលឱ្យមនុស្សស្រី<br /> ៣នាក់ ដែលជាម្ចាស់ម៉ូតូរងរបួស ត្រូវបានដឹក បញ្ជូនទៅកាន់មន្ទីរពេទ្យភ្លាមៗ រីឯអ្នក បើករថយន្ដ<br />បង្ក ត្រូវបានកម្លាំងនគរបាល ឃាត់ខ្លួន ហើយយកទៅសួរនាំបន្ដនៅប៉ុស្ដិ៍ នគរបាលអូឡាំពិក ។</p>
<p>សាក្សីនៅកន្លែងកើតហេតុ បាននិយាយ ថា រថយន្ដកាមរីបាឡែនពណ៌ខ្មៅពាក់ស្លាក លេខ ភ្នំពេញ<br /> ២អឹម-២៦៦២ បើកដោយ បុរសម្នាក់ រួមដំណើរដោយកូនប្រុសម្នាក់ នៅក្នុងរថយន្ដ ។ សាក្សីបាន<br />បន្ដទៀតថា មុនដំបូង រថយន្ដបង្កបានជ្រុលទៅបុកម៉ូតូ គុបមូល ដែលនៅពីខាងមុខ រួចជ្រុលទៅ បុក<br />ម៉ូតូកង់បី ហើយបន្ដទៅបុករ៉ឺម៉កម៉ូតូ លក់ចេកអាំង ព្រមទាំងម៉ូតូម៉ាកសេ ១២៥ មួយគ្រឿងទៀត ។ <br />ក្រោយកើតហេតុ កម្លាំងសមត្ថកិច្ចមូលដ្ឋាន បានចុះទៅជួយ អន្ដរាគមន៍ ហើយឃាត់ខ្លួនអ្នកបើករថ<br />យន្ដ រូបនេះ ទៅសាកសួរបន្ដទៀត រកមូលហេតុ ពិត ។</p>
<p>ក្រោយពីការសាកសួររួច សមត្ថកិច្ចបាន បញ្ជាក់ថា មុនពេលកើតហេតុអ្នកបើក រថយន្ដឈ្មោះ យឹម<br /> សារ៉ាត់ អាយុ ៤២ឆ្នាំ រស់នៅសង្កាត់ចោមចៅ ខណ្ឌពោធិ៍សែន ជ័យ ចាំប្រពន្ធចេញពីផ្សារអូឡាំពិក<br />ជាមួយ កូនប្រុសតូចម្នាក់ ដោយនៅក្នុងរថយន្ដ បញ្ឆេះចោល ។ សមត្ថកិច្ចបានបន្ដថា នៅ ពេលនោះ<br /> ដោយសារតែរពិសដៃកូនប្រុស របស់អ្នកបើករថយន្ដ បានរុញហ្គ្រែរទៅមុខ ចំលេខទៅមុខ គាប់ជួន<br />នឹងអ្នកបើករថយន្ដ រូបនេះ កំពុងជាន់ហ្គ្រែរផងនោះ ក៏ជ្រុលធ្វើ ឱ្យរថយន្ដ ឆ្ពោះទៅមុខយ៉ាងលឿន<br />បណ្ដាល ឱ្យបុករះម៉ូតូ និងរទេះលក់ចេកអាំងជាបន្ដ បន្ទាប់ ។</p>
<p>ប្រភពព័ត៌មានពីសាក្សី បានបន្ដទៀតថា ម្ចាស់ម៉ូតូគុបមូលរងគ្រោះ ឈ្មោះ សោម សំណាង អាយុ <br />២៥ឆ្នាំ ខណៈឌុបប្រពន្ធនៅ ពីក្រោយ បណ្ដាលឱ្យរងរបួស ។ ដោយ ឡែកម្ចាស់ម៉ូតូកង់បី ឈ្មោះ <br />តាំង ជុំ អាយុ ៣៦ឆ្នាំ ស្នាក់នៅផ្ទះលេខ ១១៩ សង្កាត់ ដង្កោ ខណ្ឌដង្កោ រីឯអ្នកលក់ចេកអាំង ឈ្មោះ<br /> មាន រិន អាយុ ២៤ឆ្នាំ ស្នាក់នៅផ្ទះ លេខ ៧៥ ភូមិចំរើនផល សង្កាត់បឹងទំពុន ខណ្ឌមានជ័យ បាន<br />រត់រួចផុតពីគ្រោះថ្នាក់។ យ៉ាងណាក៏ដោយ សមត្ថកិច្ចកំពុងបន្ដសាក សួរ និងដោះស្រាយបញ្ហានេះ<br />ហើយការបង្ក គ្រោះថ្នាក់ខាងលើ គឺជាការធ្វេសប្រហែស នឹកស្មានមិនដល់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-015/T-0065.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0278.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0279.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0280.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0281.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0282.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0283.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0284.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0285.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>