<p><span style="color: #000000;">ទេសចរណ៍ ៖ បន្ទាប់ពីទទួលបានជោគជ័យក្នុងការប្រារព្ធទិវាបេតិកភណ្ឌអឺរ៉ុបកាលពីឆ្នាំ២០១៥ ស្ថានទូតបារាំងនឹងបើកទ្វារជាថ្មីម្តងទៀតទទួលសាធារណជនទស្សនាដោយសេរីនៅថ្ងៃសៅរ៍ទី១៧ ខែកញ្ញា ឆ្នាំ២០១៦ ពេលព្រឹកចាប់ពីម៉ោង៩៖០០ដល់ម៉ោង១២៖០០ និងពេលរសៀលពីម៉ោង១៤៖០០ ដល់១៦៖៣០។</span></p>
<p><span style="color: #000000;">ដោយបានឆ្លងកាត់ប្រវត្តិសាស្រ្តជាច្រើនដំណាក់កាល ស្ថានទូតបារាំងប្រចាំកម្ពុជាបានតាំងនៅកន្លែងដដែលនេះអស់រយ:ពេលជាង៦០ឆ្នាំមកហើយៗស្ថិតក្នុងចំណោមសួនបៃតងដ៏ធំនៅចំកណ្តាលរាជធានីភ្នំពេញផងដែរ។</span></p>
<p><span style="color: #000000;">ក្នុងឱកាសពិសេសខាងលើ សាធារណជនអាចចូលទស្សនាអគារដ្ឋបាល រួមទាំងនិវេសនដ្ឋានលោកឯកអគ្គរដ្ឋទូត រួមទាំងសួនច្បារលម្អដោយដើមឈើទំហំ៤,៥ហិចតាផងដែរ។</span></p>
<p><span style="color: #000000;">បែបបទនៃការទស្សនា៖</span></p>
<ul class="spip">
<li><span style="color: #000000;">អ្នកទស្សនាត្រូវមកដល់ស្ថានទូតបារាំង ចន្លោះពីម៉ោង៩៖០០ និងម៉ោង១២៖០០ និងពីម៉ោង១៤៖០០ ដល់ម៉ោង១៦៖៣០។ បន្ទាប់ពីការចេញដំណើរទស្សនារបស់ក្រុមនីមួយៗ រយៈពេលរង់ចាំមានប្រមាណ២០នាទី។ ការទស្សនារបស់ក្រុមនីមួយៗមានរយៈពេលប្រហែល៣០នាទី ដោយមានការរៀបរាប់ពន្យល់ជាភាសាបារាំង ខ្មែរ និងអង់គ្លេស។ ការទស្សនាអមដោយការពន្យល់រៀបរាប់ជាភាសាជប៉ុននឹងប្រព្រឹត្តទៅនៅម៉ោង១១ព្រឹក។</span></li>
<li><span style="color: #000000;">អ្នកទស្សនាម្នាក់ៗត្រូវបង្ហាញឯកសារសម្គាល់ខ្លួននៅពេលចូលស្ថានទូត។</span></li>
<li><span style="color: #000000;">អ្នកទស្សនានឹងមិនត្រូវអនុញ្ញាតអោយចូលស្ថានទូតជាមួយយានជំនិះនោះទេ។</span></li>
<li><span style="color: #000000;">ក្មេងអាយុក្រោម១២ឆ្នាំ មិនអនុញ្ញាតអោយចូលទស្សនាឡើយ។</span></li>
<li><span style="color: #000000;">អ្នកដែលមានកាយសម្បទាជើងមិនគ្រប់គ្រាន់មិនអាចចូលទស្សនាឧទ្យានស្ថានទូតបានទេ។</span></li>
<li><span style="color: #000000;">កាបូបធំៗ នឹងមិនត្រូវបានអនុញ្ញាតអោយយកចូលឡើយ ហើយកាបូបទាំងអស់នឹងត្រូវត្រួតពិនិត្យមើល។</span></li>
<li><span style="color: #000000;">ក្រុមទស្សនានឹងដើរទៅតាមទិសដៅកំណត់ ហើយអ្នកជូនភ្ញៀវទស្សនាត្រូវធានាថាភ្ញៀវទស្សនាស្ថិតនៅជុំគ្នា។</span></li>
<li><span style="color: #000000;">ការថតរូប(ដោយប្រើម៉ាស៊ីនថត ឬទូរស័ព្ទដៃ) នឹងត្រូវអនុញ្ញាតតែក្នុងកន្លែងមួយចំនួនប៉ុណ្ណោះ រួមមាន៖ ទីធ្លាការិយាល័យស្ថានអធិការបតី ផ្ទាំងថ្មផ្នូរ ក្លោងទ្វារសល់ពីសម័យមុន (ហាមថតផ្នែកខាងក្រៅនៃនិវេសនដ្ឋានចេញពីកន្លែងនេះ) កន្លែងទទួលភ្ញៀវ និងកន្លែងទទួលទានអាហារនៃនិវេសនដ្ឋាន ដោយអាចថតរូបបែរទៅរកសួនច្បារ)។ ពុំអនុញ្ញាតអោយថតរូបផ្នែកខាងក្រៅអគារនោះទេ នៅពេលធ្វើដំណើរពីកន្លែងមួយទៅកន្លែងមួយ។</span></li>
</ul>
<div></div>
<div><span style="color: #0000ff;"><a href="/News/Detail/15359/the-best-to-take-selfie" target="_blank"><span style="color: #0000ff;">-ចុចអាន ៖ កន្លែងសម្រាប់ Selfie ដែលល្អបំផុត!! ឧទ្យានស្ថានទូតបារាំងនៅរាជធានីភ្នំពេញស្អាត និងធំគួរឲ្យទាក់ទាញ<br /></span></a></span><span style="color: #000000;"><br /></span></div>
<ul class="spip">
<li><span style="color: #000000;"><a class="thickbox" title="" href="/FileManager/Commons/2016/9/15/1-15-09-2016--08-23-45.png"><img src="/FileManager/Articles/mce/2016/9/15/1-15-09-2016--08-23-45.png" alt="" /></a><br /></span></li>
<li><a class="thickbox" title="" href="/FileManager/Commons/2016/9/15/2-15-09-2016--08-23-58.png"><img src="/FileManager/Articles/mce/2016/9/15/2-15-09-2016--08-23-58.png" alt="" /></a></li>
<li><a class="thickbox" title="" href="/FileManager/Commons/2016/9/15/3-15-09-2016--08-24-08.png"><img src="/FileManager/Articles/mce/2016/9/15/3-15-09-2016--08-24-08.png" alt="" /></a></li>
<li><a class="thickbox" title="" href="/FileManager/Commons/2016/9/15/4-15-09-2016--08-24-20.png"><img src="/FileManager/Articles/mce/2016/9/15/4-15-09-2016--08-24-20.png" alt="" /></a></li>
</ul>
<div></div>
<div style="text-align: right;"><span style="color: #000000;">ដោយ ៖ គន្ធា</span></div>
<div style="text-align: right;"><br /><span style="color: #000000;">ប្រភព ៖ <span style="color: #0000ff;"><a href="http://www.ambafrance-kh.org/article2643" target="_blank"><span style="color: #0000ff;">ambafrance</span></a></span></span></div>