<p>អ្នកនយោបាយ ពីររូបនៃប្រទេសន័រវែស បានជ្រើសរើស Edward Snowden ដែលកំពុងត្រូវបាន<br /> អាមេរិកតាមចាប់ខ្លួន ពីបទបញ្ចេញឱ្យដឹងជាសាធារណៈ នូវកម្មវិធីលួចស្ដាប់តាមទូរស័ព្ទរបស់<br />ប្រទេសនេះ ដើម្បីជាបេក្ខភាពមួយរូប សម្រាប់ពានរង្វាន់ Nobel សន្ដិភាព។<br /> <br />អ្នកនយោបាយពីររូបដែលមាននិន្នាការគាំទ្រសង្គម គឺ Vegar Solhjell និង Snorre Valen ថ្លែងថា <br />Snowden អាចធ្វើឱ្យប៉ះពាល់ដល់សន្ដិសុខជាតិនៃប្រទេសមួយ ប៉ុន្ដែ ឥស្សរជនទាំងពីររូបនេះ ជឿ<br />ថា ការបញ្ចេញឱ្យដឹងនូវកម្មវិធីលួចស្ដាប់នេះ បានបង្កើតឱ្យមានការចាប់អារម្មណ៍ និងការតវ៉ាពី<br />សំណាក់សាធារណជន ហើយអាចនឹងនាំឱ្យមានការផ្លាស់ប្ដូរគោលនយោបាយ។ Vegar Solhjell <br />និង Snorre Valen យល់ថា ការផ្លាស់ប្ដូរនោះ គឺរួមចំណែករក្សាស្ថេរភាព សន្ដិភាពពិភពលោក ឱ្យ<br />បានប្រសើរជាងមុន។</p>
<p style="text-align: center;"><a class="thickbox" title="" href="/FileManager/Commons/2014/1/31/edward-1-31-01-2014--12-57-21.jpg"><img src="/FileManager/Articles/mce/2014/1/31/edward-1-31-01-2014--12-57-21.jpg" alt="" width="433" height="315" /></a></p>
<p style="text-align: center;"><em>អតីតបុគ្គលិកសន្ដិសុខជាតិអាមេរិក Edward Snowden</em></p>
<p><br />គួររំឭកថា Snowden ដែលជាអតីតបុគ្គលិកមួយរូបនៃក្រុមហ៊ុនមួយ ធ្វើការឱ្យទីភ្នាក់ងារសន្ដិសុខ<br />ជាតិអាមេរិក កាលពីរដូវក្ដៅឆ្នាំទៅ បានធ្វើឱ្យពិភពលោក មានការភ្ញាក់ផ្អើលខ្លាំង ដោយការ<br />បញ្ចេញឯកសារសម្ងាត់ ស្ដីអំពីកម្មវិធីលួចប្រមូលទិន្នន័យទូរស័ព្ទ ដែលធ្វើឡើងដោយទីភ្នាក់ងារ<br />សន្ដិសុខជាតិអាមេរិក ទៅលើពលរដ្ឋអាមេរិក ក៏ដូចជាមេដឹកនាំនានារបស់ពិភពលោក។<br /><br />រដ្ឋាភិបាលអាមេរិក ចង់នាំខ្លួន Snowden មកកាត់ទោស ក្រោមបទចោទប្រកាន់ថា ជារណបក្នុង <br />និងការលួចយកឯកសារសម្ងាត់។ បច្ចុប្បន្ន Snowden កំពុងជ្រកកោនក្នុងប្រទេសរុស្ស៊ី សម្រាប់<br />រយៈពេល ១ឆ្នាំ។<br /><br />គេហទំព័រ VOA បានចេញផ្សាយថា កាលបរិច្ឆេទនៃការស្នើដាក់បេក្ខភាពសម្រាប់ពានរង្វាន់ <br />Nobel សន្ដិភាព នឹងត្រូវបានបញ្ចប់នៅចុងសប្ដាហ៍នេះ។ គណកម្មការគ្រប់គ្រងពានរង្វាន់ Nobel<br /> សន្ដិភាព មិនបានបង្ហើបអំពីចំនួន និងសមាសភាពនៃបេក្ខភាពសម្រាប់ពានរង្វាន់ Nobel សន្ដិ<br />ភាពឆ្នាំនេះនោះទេ ប៉ុន្ដែ បេក្ខភាពដែលនឹងទទួលបានពានរង្វាន់នេះ នឹងត្រូវបានគណកម្មការ <br />Nobel សន្ដិភាពប្រកាស នៅខែតុលា ឆ្នាំ ២០១៤។ <br /><br />កាលពីឆ្នាំទៅ ពានរង្វាន់ Nobel សន្ដិភាព ត្រូវបានប្រគល់ជូនអង្គការហាមឃាត់អាវុធគីមីពិភព<br />លោក ដោយសារការប្រឹងប្រែងបំពេញបេសកកម្មទាក់ទិននឹងអាវុធគីមី នៅស៊ីរី។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/34820/international-news"><span style="color: #3366ff;">ទីលានអ្នកចម្បាំង និងទីក្រុងធម្មជាតិ Guilin តំបន់ទេសចរណ៍ ដ៏គួរឲ្យចាប់អារម្មណ៍</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/27310/moving-map-shows-chinese-new-year-travel-rush"><span style="color: #3366ff;">ផែនទី សរបញ្ជាក់អោយឃើញ ពីការធ្វើដំណើរ បងប្អូនជនជាតិចិន នាឱកាស បុណ្យចូលឆ្នាំ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/75634/caveman-with-blue-eyes-shocks-scientists"><span style="color: #3366ff;">អ្នកវិទ្យាសាស្រ្ត ស្រឡាំងកាំង ខណៈរកឃើញ មនុស្ស ៥ ពាន់ឆ្នាំមុន មានភ្នែកខៀវ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail<br /><br /></p>