<div class="article-content">
<p><strong>ភ្នំពេញ៖</strong> ស្រ្តីជាកម្មការិនី រោងចក្រម្នាក់ បានមកយំសោក នៅខាងមុខប៉ុស្តិ៍ នគរបាល ដោយ<br />រៀបរាប់ប្រាប់ នគរបាលថា នាងត្រូវ ជនសង្ស័យម្នាក់ ល្បួងយកមកឲ្យ បក្ខពួកគេ៣នាក់ ទៀត<br />ដាក់ថ្នាំសណ្តំ យកអស់ចិញ្ចៀន មាស ៣ជីកន្លះ កាលពីល្ងាចថ្ងៃទី២០ ខែកក្កដា ឆ្នាំ២០១៣ ស្ថិត<br />នៅខាង មុខប៉ុស្តិ៍ ចោមចៅ សង្កាត់ចោមចៅ ខណ្ឌពោធិ៍សែនជ័យ ។</p>
<p>ស្រ្តីរងគ្រោះ ប្រាប់នគរបាល ថា នាងមាន ឈ្មោះ ហួត ស្រីពៅ មាន អាយុ ជាង៣០ឆ្នាំ មានមុខ<br />របរជាកម្មការិនី រោងចក្រ ស្នាក់នៅក្នុង ភូមិស្លែងរលើង សង្កាត់ទឹកថ្លា ខណ្ឌសែនសុខ ។ ចំណែក<br /> ជនសង្ស័យមាន គ្នា៤នាក់ ជិះម៉ូតូមួយគ្រឿង ពុំត្រូវបានស្គាល់ អត្តសញ្ញាណនោះទេ ។</p>
<p>នាងបានបន្តថា មុនពេលកើតហេតុ នាងបាន ស្គាល់នារីម្នាក់ ដែលធ្វើការ នៅរោងចក្រ ជាមួយគ្នា<br />នៅរោង ឯសង្កាត់កំបូល ហើយគេបានបបួលនាង មកញុំអីនៅម្តុំសាច់ ក្រកក្បែរជញ្ជីងថ្លឹង រថយន្ត<br />កំបូល ប៉ុន្តែក្រោយមកបានជួប ស្រ្តីម្នាក់ទៀត ក៏បានជួបបក្ខពួក របស់គេ៣នាក់ទៀត ដោយមាន <br />ស្រីម្នាក់ និងប្រុស ២នាក់ លុះមកដល់ម្តុំ ខាងកើតបុរីសែនមនោរម្យ ស្រាប់បក្ខពួក របស់គេបានទះ<br /> ស្មានាង១ដៃ រួចហើយក៏ឲ្យនាងដោះ ចិញ្ចៀននឹងដៃឲ្យគេ ហើយគេបានឲ្យគ្រាប់កងនាងវិញ ហើយ<br />ពួកគេក៏នាំគ្នាគេច ខ្លួនបាត់អស់ ។</p>
<p>បន្តិចក្រោយមកទើបដឹងថា ត្រូវថ្នាំសណ្តំរបស់គេ អង្គុយយំសោកក្បែរ ចិញ្ចើមផ្លូវ នគរបាលឃើញ<br /> ក៏បានសួរនាងដឹងរឿង ឲ្យមកដាក់ពាក្យបណ្តឹង នៅប៉ុស្តិ៍នគរបាលចោមចៅ។ នាងបានបន្តថា <br />ចិញ្ចៀនដែលនាង ដោះឲ្យគេនោះគឺជាចិញ្ចៀន មាសទំងន់៣ជីកន្លះ ហើយជាកម្លាំង ញើសឈាម<br /> ដែលនាងខិតខំធ្វើការ នៅក្នុងរោងចក្រ ដែលបានសន្សំ ជាយូរណាស់មកហើយ ។</p>
<p>ហើយនគរបាលបានសួរនាំ នាង រកភិនភាគ មុខសញ្ញា នាងគិតតែយំ ពិបាកក្នុងការសួរនាំ គ្រាន់តែ<br />ប្រាប់ថា ជនសង្ស័យ ស្រីម្នាក់ចាស់ ម្នាក់ក្មេង និងមានប្រុស ២នាក់ទៀត ជិះម៉ូតូមួយគ្រឿង។ នាង<br />បន្តថា បន្តិចក្រោយមក នាងក៏បានទូរស័ព្ទ ហៅបងប្អូន មកឌុបនាងវិលត្រឡប់ ទៅផ្ទះវិញតែម្តង<br />ទៅ។ នគរបាលនិយាយថា ទំនងជាចាញ់បោកគេទេ ប្រសិនបើត្រូវថ្នាំសណ្តំវិញ នោះបែកពពុះមាត់<br /> និយាយមិនចេញទេ ភ្លាមៗអីចឹងនោះ ហើយក៏មិនអាចដឹងខុស ដឹងត្រូវច្រើន បែបនេះដែរ៕ </p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0969.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0970.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>