<div class="article-content">
<p><strong>កំពង់ឆ្នាំង ៖</strong> កូនប្រុសស្រី ចំនួន៥នាក់ បានស្រែកទ្រហោយំ ខណៈម្តាយ របស់ពួកគេបាន ស្លាប់បាត់ បង់ជីវិត ឃ្លាតចាកឆ្ងាយពី លើលោកនេះទៅ ដោយសារតែឳពុក របស់ពួកគេ ប្រើអំពើហិង្សា ធ្វើទា រុណកម្មវាយធ្វើបាប ជាំពេញខ្លួនរហូតដល់ម្តាយ របស់គេ ក្អួតឈាមស្លាប់ បាត់បង់ជីវិត កាលពីវេលា ម៉ោង៤និង៣០នាទីល្ងាច ថ្ងៃទី១០ ខែធ្នូ ឆ្នាំ២០១៣ នៅភូមិថ្មកែវ ឃុំមេលំ ស្រុកបរិបូណ៌ ខេត្ត កំពង់ ឆ្នាំង ។</p>
<p>ស្រ្តីដែលត្រូវប្តី ប្រើអំពើហិង្សា រហូតដល់ស្លាប់បាត់បង់ជីវិត ឈ្មោះ ឃឹម ចាន់ អាយុ៥៧ឆ្នាំ ដោយ ឡែក បុរសជាប្តី ឈ្មោះ ស្ងួន អឿន អាយុ ៥៥ឆ្នាំ គ្រួសារ ប្តីប្រពន្ធមួយនេះ មានទីលំនៅ ភូមិស្រះកែវ ឃុំមេលំ ស្រុកបរិបូណ៌ ខេត្តកំពង់ឆ្នាំង ។ </p>
<p>ប្រជាពលរដ្ឋ ដែលរស់នៅ ក្នុងភូមិបាន ឲ្យដឹងថា គ្រួសារមួយនេះមាន កូនប្រុសស្រី ចំនួន៥នាក់ អស់រយៈពេល ជាច្រើនឆ្នាំមកនេះ គេបានឃើញស្ត្រី ឃឹម ចាន់ តែងតែទទួលរងទារុណកម្ម គ្រប់ បែបយ៉ាង ដោយសារតែប្តី អប្រិយប្រើអំពើហិង្សា វាយធ្វើបាបសព្វសាច់ស្ទើរ តែមិនដែលលោះថ្ងៃ ពេលខ្លះបុរសជាប្តី បានយកដំបងវាយសំពង ដូចសត្វធាតុ ប៉ុន្តែស្ត្រីរូបនេះ ចេះតែស៊ូទ្រាំ វេទនា រហូតដល់ស្លាប់បាត់បង់ជីវិត ។</p>
<p> កន្លងមកស្ត្រីរងគ្រោះរូបនេះ ក៍បានធ្លាប់សុំឲ្យ មន្ទីរកិច្ចការនារី ជួយអន្តរាគមន៍ផងដែរ ប៉ុន្តែបុរសជា ប្តីនៅតែបន្ត ធ្វើបានមិនឈប់ ។ ប្រជាពលរដ្ឋ ក្នុងភូមិ បានបន្តឲ្យដឹងទៀតថា មុនស្រ្តីរងគ្រោះស្លាប់ ប្រមាណ៣ទៅ៤ថ្ងៃ បុរសជាប្តីបានវាយធ្វើបាប យ៉ាងចាស់ដៃដោយសារតែ មិនអាចស៊ូទ្រាំ និងការ វាយដំធ្វើបាប មកលើរាងកាយស្ត្រីរូបនោះ បានសម្រេចចិត្តរត់មកផ្ទះម្តាយរបស់ខ្លួន ដើម្បីឲ្យបងប្អូន សាច់ ញាតិជួយ ប៉ុន្តែខណៈពេលមកដល់ផ្ទះម្តាយស្រ្តី ឃឹម ចាន់ បានក្អួតឈាម តាមមាត់ ស្លាប់បាត់ បង់ជីវិត យ៉ាងអាណោចអធម តែម្តង ។ </p>
<p>ក្រោយពេល សមត្ថកិច្ចនគរបាល ធ្វើកោសល្យវិច្ច័យរកឃើញ ស្នាមជាំនៅលើខ្លួនសាកសព ជន រងគ្រោះ ហើយបុរសជាប្តី ត្រូវបានសមត្ថកិច្ច ឃាត់ខ្លួនកសាងសំណុំរឿងបញ្ជូន ទៅកាន់សាលា<br />ដំបូង ខេត្តកំពង់ឆ្នាំង នារសៀលថ្ងៃទី១១ ខែធ្នូ ឆ្នាំ២០១៣៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0330.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0331.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0332.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0333.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/77282-2013-12-11-09-02-27.html"><span style="color: #0000ff;">ដើមអំពិល</span></a></p>
</div>