<p><strong>ភ្នំពេញ៖</strong> ជនសង្ស័យម្នាក់ ក្នុងចំណោម បក្ខពួក៥នាក់ ដែល ធ្វើសកម្មភាពវាយ សម្លាប់ប្លន់យក<br />ទូរស័ព្ទដៃ ពីជនរងគ្រោះ កាលពីយប់ ថ្ងៃទី៤ ខែតុលា ឆ្នាំ២០១២នោះ ត្រូវបាន នគរបាលប៉ុស្តិ៍ <br />ស្ទឹងមានជ័យ ឃាត់ខ្លួន កាលវេលាម៉ោង ១០និង៣០នាទី ថ្ងៃទី២៨ ខែធ្នូ ឆ្នាំ២០១២ ស្ថិតនៅ តាម<br />បណ្តោយផ្លូវបេតុង ក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។</p>
<p>ជនសង្ស័យ ឈ្មោះ គុម បញ្ញា ភេទប្រុស អាយុ ១៩ឆ្នាំ មានមុខរបរជាកម្មករ សំណង់ ស្នាក់នៅ<br />កន្លែង ឃាត់ខ្លួន ។ ចំណែកបក្ខពួក ៤នាក់ទៀត កំពុងរត់គេចខ្លួន តែទោះជាយ៉ាងណា សមត្ថកិច្ច<br />បានស្គាល់ អត្តសញ្ញាណខ្លះៗ ហើយ។</p>
<p>លោក ម៉ៅ សាវឿន មេប៉ុស្តិ៍ស្ទឹងមានជ័យ បានឲ្យដឹងថា ការឈាន ដល់ឃាត់ខ្លួន ជនសង្ស័យ បាន<br />ជោគជ័យនេះ ស្ថិតក្រោម ការចង្អុលបង្ហាញ ពីលោកឧត្តមសេនីយ៍ អគ្គស្នងការរង និងជាស្នងការ<br />នគរបាល រាជធានី និងបញ្ជាផ្ទាល់ ពីលោក ហ៊ី ណារិន អធិការនគរបាល ខណ្ឌមានជ័យ ហើយ<br />សង្ឃឹមថា ក្រុមជនសង្ស័យ ដែលកំពុងរត់ គេចខ្លួននោះ នឹងត្រូវចាប់បានយកមក ផ្តន្ទាទោសតាម<br />ច្បាប់ នៅពេលខាងមុខ។</p>
<p>សូមបញ្ជាក់ថា កាលពីយប់ ថ្ងៃទី៤ ខែតុលា ឆ្នាំ២០១២ ជនសង្ស័យ គុម បញ្ញា រួមជាមួយបក្ខពួក <br />៣-៤នាក់ បានធ្វើសកម្មភាព វាយទៅ លើជនរងគ្រោះ ឈ្មោះ សី ផានី ភេទប្រុស អាយុ ២០ឆ្នាំ <br />ស្នាក់នៅភូមិដំណាក់ធំ២ សង្កាត់ស្ទឹងមានជ័យ។ តាមលោក ម៉ៅ សាវឿន មេប៉ុស្តិ៍ស្ទឹងមានជ័យ <br />បានឲ្យដឹងថា ជនរងគ្រោះ រួមទាំងមិត្តភិក្ត បានចេញពីកន្លែង ផឹកស៊ី ត្រឡប់មកផ្ទះ ពេលមកដល់ <br />កណ្តាលផ្លូវ ក៏ជួបនឹងក្រុមជន សង្ស័យ ស្រាប់តែក្រុមជន សង្ស័យព្រួតវាយ មកលើជនរងគ្រោះ <br />រហូតដល់ស្លាប់ នៅក្បែរផ្ទះជនរងគ្រោះ។ លុះព្រឹកឡើង ទើបមានការ ភ្ញាក់ផ្អើលដល់ ក្រុមគ្រួសារ <br />និងបានប្តឹងទៅសមត្ថកិច្ច ។</p>
<p>តាមការស្រាវជ្រាវរបស់ សមត្ថកិច្ច និងតាមការរៀប រាប់របស់មិត្តភក្តិរបស់ជនរងគ្រោះ រហូតមក<br />ដល់ ពេលនេះ មានរយ:ពេល ជាង២ខែហើយ ទើបសមត្ថកិច្ច ឃាត់ខ្លួន បានម្នាក់ ក្នុងចំណោមបក្ខ<br />ពួក ៤-៥នាក់។ បច្ចុប្បន្នជនសង្ស័យ ឈ្មោះ គុម បញ្ញា ត្រូវឃុំខ្លួន បណ្តោះអាសន្ន នៅអធិការដ្ឋាន <br />នគរបាល ខណ្ឌមានជ័យ ដើម្បីកសាងសំណុំរឿង បញ្ជូនទៅតុលាការ ចាត់ការតាមច្បាប់៕</p>
<p><a class="thickbox" title="" href="/FileManager/Commons/2012/12/29/lay-0359-29-12-2012--14-04-35.jpg"><img src="/FileManager/Articles/mce/2012/12/29/lay-0359-29-12-2012--14-04-35.jpg" alt="" /></a></p>
<p><a class="thickbox" title="" href="/FileManager/Commons/2012/12/29/lay-0358-29-12-2012--14-04-51.jpg"><img src="/FileManager/Articles/mce/2012/12/29/lay-0358-29-12-2012--14-04-51.jpg" alt="" /></a></p>
<p><a class="thickbox" title="" href="/FileManager/Commons/2012/12/29/lay-0357-29-12-2012--14-05-06.jpg"><img src="/FileManager/Articles/mce/2012/12/29/lay-0357-29-12-2012--14-05-06.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://dap-news.com/2011-06-14-02-39-55/55158-2012-12-29-06-16-47.html"><span style="color: #0000ff;">ដើមអំពិល</span></a></p>