<div class="article-content">
<p><strong>ភ្នំពេញៈ</strong> បុរសម្នាក់ និងស្ដ្រីត្រូវជាបងជីដូនមួយ ត្រូវបានក្រុមចោរ បាញ់ប្លន់យកម៉ូតូ <br />សេ១២៥ស៊េរី ២០១៣ បណ្ដាលអោយបុរស ជាប្អូនត្រូវចោរ បាញ់ចំ០២គ្រាប់ ធ្លាយ<br />កំភួនដៃ និង មួយគ្រាប់ ទៀតចំ ប្រឆិតពោះ ចំណែក ស្ដ្រីជាបង ត្រូវក្រុមចោរ វាយ<br /> និងស្នាប់កាំភ្លើងខ្លី បែកក្បាល។ ទោះជាយ៉ាងណាក៍ដោយ ក្រុមចោរនៅតែមិន អាច<br />យកម៉ូតូ ពីជនរងគ្រោះ បានទេ ព្រោះអ្នកឃើញ ហេតុការណ៍ បានជួយ ស្រែកឆោ<br />ឡោ ទើបក្រុមចោរ ចាក ចេញទៅបាត់។ តាមសេចក្ដី រាយការណ៍ ឲ្យដឹងថា មុន<br />ពេលកើតហេតុ ជនរងគ្រោះទាំងពីរនាក់ ទើបតែចេញ មក ពីសំរាកនៅ ផ្ទះបងប្អូន <br />នៅក្បែរកន្លែងកើតហេតុ ហើយប្រញាប់ចេញ ទាំងព្រឹកដើម្បីទៅធ្វើការ ។</p>
<p>សេចក្ដីរាយការណ៍ពីនគរបាលមូលដ្ឋានបានបញ្ជាក់ថា ហេតុការនេះបាន កើតឡើង<br />កាលពីវេលា ម៉ោង០៦ និង ០០នាទី ព្រឹកថ្ងៃទី១៨ ខែមិនា ឆ្នាំ២០១៣ នៅចំណុច<br />ផ្លូវបំបែក ទៅភូមិច្រេះ ខាងលិច សាលាដន់បូស្កូ ស្ថិត ក្នុងភូមិច្រេះ សង្កាត់ភ្នំពេញថ្មី<br /> ខណ្ឌសែនសុខ រាជធានីភ្នំពេញ ។ ជនរងគ្រោះ មានឈ្មោះ សំណាង រក្សា ហៅ <br />ពេទ្យ ភេទប្រុស អាយុ ២៣ឆ្នាំ ស្នាក់នៅផ្ទះជួល ភូមិព្រៃសាឡាង សង្កាត់កាកាប <br />ខណ្ឌពោធិសែនជ័យ រាជធានីភ្នំពេញ មានស្រុកកំណើត នៅភូមិស្ដុកក្រោម ឃុំវាល<br />ពង់ ស្រុកឧត្ដុង ខេត្ដកំពង់ស្ពឺ និងម្នាក់ទៀតឈ្មោះ បាន ណាន អាយុ ៣២ឆ្នាំ ត្រូវជា<br />បងស្រី ជីដូនមួយ ស្នាក់នៅផ្ទះជួលដូចគ្នា និង មានស្រុកកំណើត ជាមួយគ្នា ហើយ <br />អ្នកទាំងធ្វើការ នៅរោងចក្រកាត់ដេរ យីហោ ខាយខាយ។</p>
<p>ទាក់ទងដល់ករណីប្លន់ប្រដាប់អាវុធទាំងព្រឹកនេះសមត្ថកិច្ចបញ្ជាក់ថា មុនកើតហេតុ<br />ជនរងគ្រោះ បានដឹកបងស្រី ចេញពី ផ្ទះបងប្អូន ដោយម៉ូតូ ដែលជិះឌុបគ្នានោះ</p>
<p>ម៉ាកសេ ១២៥ស៊េរី២០១៣ ពណ៌ខ្មៅ ពាក់ស្លាកលេខ ភ្នំពេញ 1BT-1611 មកដល់<br />ចំណុចផ្លូវ បំបែកចូលភូមិច្រេះ ក្បែសួនចំការ ព្រីងស្រាប់តែមាន បុរស០៣នាក់<br /> ជិះម៉ូតូមួយគ្រឿង មកឈប់ពីមុខ ហើយដកកាំភ្លើងខ្លី បាញ់ ចំនួន ០៦គ្រាប់ ក្នុង<br />នោះមានមួយគ្រាប់ បាញ់មិន ផ្ទុះត្រូវក្រុមចោរ អាម៉េទម្លាក់ចោល បណ្ដាល ឲ្យ<br />គ្រាប់កាំភ្លើង ត្រូវបុរសជាប្អូនចំនួន ០២គ្រាប់ ដួលទៅនឹងដី។ សមត្ថកិច្ច បញ្ជាក់<br />ទៀតថា ដោយសារតែក្រុមចោរ បាញ់អស់គ្រាប់ ទើបពួកគេយកស្នាប់កាំភ្លើង វាយ<br />លើជនរង គ្រោះនារី ជាបង បណ្ដាលឲ្យបែកក្បាល។</p>
<p>ពេលកើតហេតុ ធ្វើឲ្យមហាជន ឆោឡោ ទើបក្រុមចោរ បានឡើងបើកម៉ូតូ ជិះគេច<br />ទៅបាត់ ចំណែកជនរងគ្រោះ សមត្ថកិច្ចបានហៅរថយន្ដ ដឹកយកទៅសង្គ្រោះនៅ<br /> គ្លីនិកឯកជន ក្នុងខណ្ឌ ទួលគោក ។</p>
<p>បច្ចុប្បន្នម៉ូតូ ត្រូវបានសមត្ថកិច្ច យកទៅរក្សាទុកនៅប៉ុស្ដិ៍រដ្ឋបាល សង្កាត់ភ្នំពេញថ្មី <br />ដើម្បីរងចាំ ប្រគល់ឲ្យ ជន រងគ្រោះវិញ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-244.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-245.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-246.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-247.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-248.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>